ព័ត៌មានជាតិ
ប័ណ្ណកម្មសិទ្ធិដីធ្លីចំនួន ៩៦៧ ប័ណ្ណ ស្មើនឹង ៦៣៥ គ្រួសារ ត្រូវបានចែកជូនពលរដ្ឋនៅឃុំរក្សា ស្រុករវៀង
កាលពីព្រឹកថ្ងៃទី ២១ ខែឧសភា ឆ្នាំ ២០២៥ ម្សិលមិញ លោក មិន ស៊ីថា អភិបាលរងខេត្តព្រះវិហារ បានបន្តចុះចែកវិញ្ញាបនបត្រសម្គាល់ម្ចាស់អចលនវត្ថុនៅភូមិដូនម៉ា និងភូមិសំរោង ឃុំរក្សា ស្រុករវៀង ខេត្តព្រះវិហារ ដោយមានការចូលរួមពីសំណាក់ថ្នាក់ដឹកនាំមន្ទីរ អង្គភាពជុំវិញខេត្ត លោកអភិបាលស្រុក អាជ្ញាធរមូលដ្ឋានគ្រប់លំដាប់ថ្នាក់ មន្ត្រីក្រុមការងារចុះបញ្ជីដីធ្លី ព្រមទាំងប្រជាពលរដ្ឋជាច្រើនរូបទៀត។
លោក ហោ ប៊ុនហួរ អភិបាលស្រុករវៀង បានឲ្យដឹងថា អាជ្ញាធរជំនាញ នៃស្រុក និងមន្ទីររៀបចំដែនដី នគរូបនីយកម្ម និងសំណង់ នៃខេត្តព្រះវិហារ បានធ្វើទិន្នន័យដីធ្លី និងវាស់វែងបញ្ចប់ ព្រមទាំងបិទផ្សាយរួចរាល់ហើយ នៅតែបន្តចែកប័ណ្ណកម្មសិទ្ធិជូនប្រជាពលរដ្ឋតែប៉ុណ្ណោះ។
លោក សរ សាវេត ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះវិហារ បានឲ្យដឹងដែរថា ក្រោមការខិតខំប្រឹងប្រែងរបស់ក្រុមការងារចុះបញ្ជីដីធ្លី និងកិច្ចសហការពីអាជ្ញាធរមូលដ្ឋាន ក្នុងការវាស់វែង និងគូសប្លង់ដី គម្រោងចុះបញ្ជីដីធ្លីមានលក្ខណៈជាប្រព័ន្ធនៅភូមិដូនម៉ា និងភូមិសំរោង ឃុំរក្សា ស្រុករវៀង ខេត្តព្រះវិហារ ត្រូវបានបញ្ចប់ទាំងស្រុង ដែលត្រូវចេញវិញ្ញាបនបត្រសម្គាល់ម្ចាស់អចលនវត្ថុជូនបានចំនួន ៩៦៧ ប័ណ្ណ ស្មើនឹង ៦៣៥ គ្រួសារ។
ដោយឡែក លោក មិន ស៊ីថា បានថ្លែងថា ប័ណ្ណកម្មសិទ្ធិដីធ្លីដែលចែកជូននាពេលនេះ គឺជាកេរដំណែលដ៏មានតម្លៃរបស់ សម្តេចមហាបវរធិបតី ដែលបានផ្តល់ជូនប្រជាពលរដ្ឋ ក្នុងទិសដៅលើកកម្ពស់ជីវភាពរស់នៅគ្រប់ក្រុមគ្រួសារឲ្យកាន់តែប្រសើរឡើង។
លោកក៏បានផ្ដាំផ្ញើដល់ប្រជាពលរដ្ឋដែលទទួលបានប័ណ្ណកម្មសិទ្ធិដីធ្លីនាពេលនេះ ត្រូវថែរក្សាឲ្យបានល្អ ជៀសវាងយកទៅអ៊ុតក្នុងថង់ប្លាស្ទិក ដែលជាហេតុធ្វើឲ្យមានការលំបាកនៅពេលយកទៅប្រើប្រាស់ក្នុងកិច្ចការផ្សេងៗ។
លោកបន្ថែមថា ការសម្រេចបាននូវវឌ្ឍនភាពនេះឆ្លុះបញ្ចាំងពីការខិតខំប្រឹងប្រែងរបស់ក្រុមការងារ និងកិច្ចសហការពីអាជ្ញាធរមូលដ្ឋាន ហើយការចុះបញ្ជីដីធ្លីមានលក្ខណៈជាប្រព័ន្ធមិនត្រឹមតែជួយធានាសិទ្ធិកាន់កាប់ដីធ្លីស្របច្បាប់ប៉ុណ្ណោះទេ ថែមទាំងរួមចំណែកដល់ការកាត់បន្ថយជម្លោះដីធ្លី និងលើកកម្ពស់ការអភិវឌ្ឍសេដ្ឋកិច្ចក្នុងតំបន់ផងដែរ។ បន្ថែមពីនេះ លោកក៏បានថ្លែងប្រាប់ប្រជាពលរដ្ឋពីកត្តាសុខសន្តិភាពដែលមានសព្វថ្ងៃនេះ ក្រោមការដឹកនាំរបស់ សម្តេចតេជោ ហ៊ុន សែន ប្រធានព្រឹទ្ធសភា និងជាអតីតនាយករដ្ឋមន្ត្រី និងបន្តដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជាបច្ចុប្បន្ន ដែលធ្វើឲ្យប្រទេសជាតិមានការអភិវឌ្ឍលើគ្រប់វិស័យនៅទូទាំងប្រទេស៕
អត្ថបទ ៖ ជុន កុសល
ប័ណ្ណកម្មសិទ្ធិដីធ្លីចំនួន ៩៦៧ ប័ណ្ណ ស្មើនឹង ៦៣៥ គ្រួសារ ត្រូវបានចែកជូនពលរដ្ឋនៅឃុំរក្សា ស្រុករវៀង
ស្លាប់៥និងរបួសជាង៥០នាក់ក្នុងក្នុងហេតុការណ៍បំផ្ទុះគ្រាប់បែកក្នុងរថយន្តដឹកសិស្សនៅប៉ាគីស្ថាន
មេបញ្ជាការរងអាវុធហត្ថខណ្ឌចំការមនទទួលមរណភាពក្នុងវ័យ៥៣ឆ្នាំ
រញ្ជួយដីដ៏ខ្លាំងនៅ ក្រិក ឈានដល់ព្រមាន ពីរលកយក្សស៊ូណាមិ ខណៈ ៤ប្រទេសទៀត ក៏ប្រយ័ត្នខ្លួន
មនុស្សរាប់ម៉ឺននាក់ជាប់គាំងក្នុងទឹកជំនន់ដ៏ធ្ងន់ធ្ងរនៅភាគខាងកើតអូស្ត្រាលី
ជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
ត្រាំ ឆ្លើយតបទៅ ហ្សេលេនស្គី៖ «រឿងដាក់ទណ្ឌកម្មរុស្ស៊ីឬមិនដាក់ ខ្ញុំជាអ្នកសម្រេច មិនមែនអ្នកផ្សេងទេ»
រញ្ជួយដីកម្រិត ៦.៥រ៉ិចទ័រ នៅប៉ាពូអាស៊ីនូវែលហ្គីណេ បង្ករំញ័រដល់ថៃនិងមីយ៉ាន់ម៉ា
ជំនន់ទឹកភ្លៀងនៅអូរព្រំដែនកម្ពុជា-ថៃ បានឆក់យកជីវិតក្មេងស្រីអាយុ៣ឆ្នាំម្នាក់
ពូទីន ធ្វើទស្សនកិច្ចតំបន់ Kursk ជាលើកដំបូង ចាប់តាំងពីរុស្ស៊ី រំដោះពីអ៊ុយក្រែន បានវិញ
-
ចរាចរណ៍៥ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម៣ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម១៩ ម៉ោង agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
ចរាចរណ៍៧ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៧ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
ព័ត៌មានជាតិ២ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
ព័ត៌មានជាតិ៤ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
សន្តិសុខសង្គម២ ថ្ងៃ agoកម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច