ព័ត៌មានជាតិ

ក្រុមប្រឹក្សាកីឡាក្រសួងមហាផ្ទៃ៖ ការប្រកួត World Police នៅសហរដ្ឋអាមេរិក មិនតែក្របខ័ណ្ឌកីឡាទេជារួមចំណែកផ្សព្វផ្សាយពីកម្ពុជា

បានផុស

១ year មុន

នៅ

ថ្ងៃព្រហស្បតិ៍ ២៦ មិថុនា ២០២៥

ដោយ

ក្រុមកីឡាក្រសួងមហាផ្ទៃ ចំនួន ៩ប្រភេទ សរុបកីឡាករ កីឡការិនី មាន៥២នាក់ រួមទាំងប្រធានប្រតិភូ គ្រូបង្វឹកបានចេញដំណើរទៅសហរដ្ឋអាមេរិកហើយដើម្បីចូលរួមការប្រកួតកីឡានគរបាល និងកងពន្លត់អគ្គិភ័យពិភពលោក លើកទី២១ (the 21st World Police and Fire Games) នៅទីក្រុង Birmingham រដ្ឋ Alabama។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សរ សិទ្ធិ ប្រធានប្រតិភូ

លោក សរ សិទ្ធិ ប្រធានប្រតិភូ បានឲ្យដឹងមុនចាកចេញទៅថា នេះជាលើកទី៤ ហើយសម្រាប់ក្រុមកីឡាក្រសួងមហាផ្ទៃដែលបានចូលរួមប្រកួតប្រជែងមេដាយក្នុងព្រឹត្តិការណ៍ប្រកួតកីឡានគរបាល និងកងពន្លត់អគ្គិភ័យពិភពលោកដែលនឹងធ្វើឡើងនៅសហរដ្ឋអាមេរិកនេះ។

ការចូលរួមក្នុងព្រឹត្តិការណ៍ដ៏សំខាន់នេះមិនត្រឹមតែផ្ដោតលើរឿងកីឡាមួយមុខនោះទេ ពោលជាការរួមចំណែកផ្សព្វផ្សាយពីវប្បធម៌ ភាពរីកចម្រើន របស់ប្រទេសកម្ពុជាឲ្យពិភពលោកបានស្គាល់ និងបានដឹងផងដែរថាមានការរីកចម្រើនដ៏កម្រិតណា។

ក្រុមប្រឹក្សាកីឡាក្រសួងមហាផ្ទៃ SCIM

ចំពោះការប្ដេជ្ញាចិត្តគឺគ្រប់ភាគីពាក់ព័ន្ធមានប្រតិភូ គ្រូបង្វឹក កីឡាករ កីឡាការិនី បានត្រៀមខ្លួនរួចរាល់ និងខំប្រឹងប្រែងឲ្យអស់ពីសមត្ថភាពប្រកួតដណ្ដើមយកជ័យជម្នះតាមដែលអាចធ្វើទៅបានដើម្បីបញ្ជាក់ពីសមត្ថភាពកីឡារបស់កម្ពុជាផងដែរ។

ក្រុមប្រឹក្សាកីឡាក្រសួងមហាផ្ទៃ SCIM

បញ្ជាក់ដែរថា ប្រធានប្រតិភូ គ្រូបង្វឹក កីឡាករ កីឡាការិនី ទាំង ៩ប្រភេទកីឡារបស់ក្រុមកីឡាក្រសួងមហាផ្ទៃបានចេញដំណើរទៅសហរដ្ឋអាមេរិកហើយ។ ៩ប្រភេទកីឡាដែលនឹងត្រូវប្រកួតក្នុងព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោក លើកទី២១ ( the 21st World Police and Fire Games) រួមមានកីឡាវាយសី ចំបាប់ ជឺជីតស៊ូ យូដូ ហែលទឹក វាយកូនឃ្លីលើតុ ការ៉ាតេ តេក្វាន់ដូ និងកីឡាបាល់ទះ។ ការប្រកួតនេះធ្វើឡើងចាប់ពីថ្ងៃទី២៧ ខែមិថុនា ដល់ ៦ ខែកក្កដា ឆ្នាំ២០២៥៕

អត្ថបទដោយ៖ នួន ស៊ីណា