ព័ត៌មានជាតិ

អាជ្ញាធរខណ្ឌពោធិ៍សែនជ័យ ឈូសឆាយពង្រីកផ្លូវមួយខ្សែក្នុងសង្កាត់ត្រពាំងក្រសាំង

បានផុស

១២ ខែ មុន

នៅ

ថ្ងៃអង្គារ ៨ កក្កដា ២០២៥

ដោយ

អាជ្ញាធរខណ្ឌពោធិ៍សែនជ័យ បានដាក់គ្រឿងចក្រឈូសឆាយពង្រីកផ្លូវមួយខ្សែ និងកាត់សំយាបផ្ទះដែលសង់រំលោភលើចំណីផ្លូវសាធារណៈ ដើម្បីសម្រួលដល់ការធ្វើដំណើររបស់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីព្រឹកថ្ងៃទី ៨ ខែកក្កដា ឆ្នាំ ២០២៥ នេះ លោក ប៉ាង លីដា អភិបាលរងខណ្ឌពោធិ៍សែនជ័យ ទទួលបន្ទុកបរិស្ថាន សណ្ដាប់ធ្នាប់ និងអនាម័យ បានប្រាប់ឱ្យដឹងថា ដោយមានការចង្អុលបង្ហាញពីលោក សក់ ច័ន្ទកញ្ញារិទ្ធ អភិបាល នៃគណៈអភិបាលខណ្ឌពោធិ៍សែនជ័យ បញ្ជាឱ្យលោកចុះពិនិត្យជាក់ស្ដែង ដើម្បីបើកផ្លូវមួយខ្សែឱ្យធំទូលាយងាយស្រួលក្នុងការធ្វើដំណើរដល់ប្រជាពលរដ្ឋ ទើបលោកធ្វើលិខិតជូនដំណឹងដល់ប្រជាពលរដ្ឋ និងជាម្ចាស់កម្មសិទ្ធិណាដែលសាងសង់រំលោភមកលើចំណីផ្លូវសាធារណៈឱ្យរុះរើចេញជាបន្ទាន់។

លោកបន្តថា ក្រោយជូនដំណឹងរួច លោកបានដឹកនាំមន្ត្រីជំនាញ និងដាក់គ្រឿងចក្រឈូសឆាយពង្រីកផ្លូវមួយខ្សែ ដោយចាប់ពីកែងមហាវិថីឈ្នះ ឈ្នះ រហូតទៅដល់សាលាសង្កាត់ត្រពាំងក្រសាំង ស្ថិតក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ។