ព័ត៌មានជាតិ

ផ្លូវជាតិចំនួន ៣ ខ្សែ រងការខូចខាតដោយគ្រាប់ផ្លោងពីទាហានថៃក្នុងខេត្តឧត្តរមានជ័យ

បានផុស

១១ ខែ មុន

នៅ

ថ្ងៃព្រហស្បតិ៍ ៣១ កក្កដា ២០២៥

ដោយ

រយៈពេល២ថ្ងៃ គឺពីថ្ងៃទី២៩-៣០ ខែកក្កដា ឆ្នាំ២០២៥ ក្រោយបទឈប់បាញ់គ្នា ក្រុមការងារមន្ទីរសាធារណការ និងដឹកជញ្ជូន ខេត្តឧត្តរមានជ័យ បានចុះពិនិត្យលម្អិតបណ្តាញហេដ្ឋារចនាសម្ព័ន្ធផ្លូវថ្នល់ក្នុងខេត្តនិងស្រុកជាប់ព្រំដែន ដែលរងការខូចខាតដោយគ្រាប់ផ្លោងពីកាំភ្លើងធំ និងអាវុធធុនធ្ងន់របស់ទាហានថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយការចុះត្រួតពិនិត្យ មន្រ្តីជំនាញបានរកឃើញការខូចខាតហេដ្ឋារចនាសម្ព័ន្ធផ្លូវថ្នល់មួយចំនួនក្នុងភូមិសាស្ត្រស្រុកបន្ទាយអំពិល និងក្រុងសំរោង ខេត្តឧត្តរមានជ័យ។

១-ផ្លូវជាតិលេខ៥៨÷ (ពីព្រំប្រទល់ខេត្តបន្ទាយមានជ័យ-វង្វង់មូលផ្អុង ក្រុងសំរោង) មានករណីគ្រាប់កាំភ្លើងធំផ្លោងធ្លាក់ចន្លោះគ.ម ១១៨+៥០០ ដល់ គ.ម១៦៣+៣០០

•សរុបផ្ទៃកៅស៊ូ ៤៩,៤០ម៉ែត្រការ៉េ
•សរុបជើងទេ ១០ម៉ែត្រ
•សរុបធ្លុះបេតុងស្ពាន ២ម៉ែត្រការ៉េ

២-ផ្លូវជាតិលេខ៦៨÷ (ព្រំប្រទល់សៀមរាប-អូរស្មាច់) មានករណីគ្រាប់កាំភ្លើងធំផ្លោង ចន្លោះ គ.ម ៩០+០០០ ដល់ គ.ម១០៤+០០០

•សរុបផ្ទៃកៅស៊ូ ៣៦ម៉ែត្រការ៉េ

៣-ផ្លូវខេត្តលេខ២៥៦៧÷ (គោកមន-ប្រាសាទតាមាន់) មានករណីគ្រាប់កាំភ្លើងធំផ្លោង ៧ ករណីចន្លោះគ.ម ១៥+០០០ ដល់ គ.ម២២+០០០

•សរុប ផ្ទៃកៅស៊ូ ១៥០,៦០ម៉ែត្រការ៉េ
•សរុប ចិញ្ជើម ១.០០ម៉ែត្រ
•សរុប បេតុងលូ ២.០០ម៉ែត្រគីប

ក្នុងចំណោមកំណាត់ផ្លូវដែលបានត្រួតពិនិត្យ មានតែផ្លូវជាតិលេខ ៥៨ (ផ្លូវក្រវាត់ទី១) ផ្លូវជាតិលេខ ៦៨ និងផ្លូវខេត្តលេខ ២៥៦៧ (គោកមន- ប្រាសាទតាមាន់) ប៉ុណ្ណោះ ដែលរងការខូចខាតដោយសារគ្រាប់កាំភ្លើងធំធ្លាក់ចំ។ ចំណែកផ្លូវជាតិលេខ ៥៦ អាចចរាចរណ៍បានធម្មតា។

ជារួមស្ថានភាពផ្លូវក្នុងស្រុកបន្ទាយអំពិល និងក្រុងសំរោង ខេត្តឧត្តរមានជ័យ គឺនៅមានសុវត្ថិភាពសម្រាប់ការធ្វើដំណើរបានធម្មតានៅលើកំណាត់ផ្លូវជាតិលេខ ៥៦ លើកលែងតែកំណាត់ផ្លូវមួយចំនួនប៉ុណ្ណោះដែលត្រូវការជួសជុលដោយសារការខូចខាតខាងលើ៕