អាជ្ញាធរខេត្តស្វាយរៀង បានដឹកជញ្ជូនពលករខ្មែរ ៣៦នាក់ ដែលត្រឡប់មកពីថៃ ដល់លំនៅដ្ឋានដោយសុវត្ថិភាព

នៅរសៀលថ្ងៃទី៣ ខែសីហា ឆ្នាំ២០២៥ ក្រុមការងារសម្របសម្រួលទទួលពលករដែលត្រឡប់មកពីប្រទេសថៃទៅខេត្តស្វាយរៀង បានរៀបចំ ចំណីអាហារ ភេសជ្ជៈ និងរថយន្ត ៣គ្រឿង របស់រដ្ឋបាលខេត្ត ដើម្បីដឹកជញ្ជូនពលករខ្មែរ ចំនួន ៣៦នាក់ ស្រី ១៨នាក់ ចូលតាមច្រកទ្វារព្រំដែនអន្តរជាតិដូចជា ច្រកទ្វារព្រំដែនអន្តរជាតិដូង ស្រុកកំរៀង ខេត្តបាត់ដំបង ច្រកទ្វារព្រំដែនអន្តរជាតិព្រំ ស្រុកសាលាក្រៅ ខេត្តប៉ៃលិន និងច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ ត្រឡប់ទៅគេហដ្ឋានវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈទំព័រហ្វេសប៊ុករបស់រដ្ឋបាលខេត្តស្វាយរៀង នារសៀលថ្ងៃទី៤ ខែសីហា នេះ បានឱ្យដឹងថា ក្នុងនោះពលករដែលបានវិលត្រឡប់មកពីប្រទេសថៃ ចូលតាមច្រកទ្វារព្រំដែនអន្តរជាតិដូង ស្រុកកំរៀង ខេត្តបាត់ដំបង សរុបប្រមាណជា ៣១ ៥៧៩នាក់ ស្រី ១៣ ៤៨០នាក់។ ដោយឡែកខេត្តស្វាយរៀង មានពលករសរុបចំនួន ៣៦នាក់ ស្រី ១៨នាក់ តាមច្រកទ្វារព្រំដែនអន្តរជាតិព្រំ ស្រុកសាលាក្រៅ ខេត្តប៉ៃលិន សរុបប្រមាណ ១២៣៤នាក់ ស្រី ៥១៤នាក់ ក្នុងនោះខេត្តស្វាយរៀង ០នាក់ និងតាមច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ សរុបប្រមាណ ២៥១នាក់ ស្រី ៨៥នាក់ ខេត្តស្វាយរៀង ០នាក់។

ប្រភពដដែល បានបញ្ជាក់ថា ក្រុមការងារបានដឹកជញ្ជូនពលករខ្មែរ ចំនួន ៣៦នាក់ ស្រី ១៨នាក់ ទៅដល់លំនៅដ្ឋានពួកគាត់វិញនៅខេត្តស្វាយរៀង មានដូចជា ស្រុករមាសហែក ចំនួន ១៧នាក់ ស្រី ០៨នាក់ ស្រុកស្វាយជ្រំ ចំនួន ១៥នាក់ ស្រី ០៨នាក់ ស្រុកកំពង់រោទិ៍ ចំនួន ០២នាក់ ស្រី ០១នាក់ ស្រុករំដួល ចំនួន ០២នាក់ ស្រី ០១នាក់ នៅវេលាម៉ោង ០១:១៦ រំលងអាធ្រាត ថ្ងៃទី៤ ខែសីហា ឆ្នាំ២០២៥ ប្រកបដោយសុវត្ថិភាព។

សម្រាប់ពលករខ្មែរដែលត្រឡប់ពីប្រទេសថៃតាមច្រកបន្ទាយមានជ័យ បាត់ដំបង ប៉ៃលិន ដែលត្រូវទៅខេត្តស្វាយរៀង សូមធ្វើការទំនាក់ទំនង ០៧១ ៩៦៨ ៦៨០៥/ ០១០ ៨០១ ៥៨៤/ ០៦៩ ៣២៨ ៦០០/ ០៨៨ ៩២២ ៧០០៧៕