ព័ត៌មានជាតិ
ពលរដ្ឋ ស្នើ អាជ្ញាធរ ជួយពិនិត្យមើលផ្លូវ ៦០ ម៉ែត្រ កំពុងរងការខូចខាតនៅផ្នែកមួយចំនួន ពិបាកធ្វើដំណើរ
ប្រជាពលរដ្ឋ ស្នើសុំអាជ្ញាធរ ជួយពិនិត្យមើលផ្លូវ ៦០ ម៉ែត្រ ដោយសារផ្នែកមួយចំនួនកំពុងតែរងការខូចខាត និងមានជង្ហុក ពិបាកធ្វើដំណើរ ព្រមទាំងបង្កគ្រោះថ្នាក់ដល់អ្នកធ្វើដំណើរជាយថាហេតុ។
ទីតាំងកំពុងរងការខូចខាត និងមានជង្ហុកនេះ ស្ថិតនៅលើមហាវិថី ៦០ ម៉ែត្រ ក្នុងមូលដ្ឋានខណ្ឌមានជ័យ រាជធានីភ្នំពេញ។
លោក ឆាយ ទ្រី ជាប្រជាពលរដ្ឋ បានឲ្យដឹងថា រៀងរាល់ថ្ងៃ លោកតែងតែធ្វើដំណើរលើផ្លូវខាងលើនេះ ទៅធ្វើការរាល់ព្រឹក។ នៅពេលធ្វើដំណើរ ផ្នែកមួយចំនួនលើផ្លូវ ៦០ ម៉ែត្រ នេះ កន្លែងខ្លះ ចាប់ផ្ដើមមានជង្ហុក ពិបាកក្នុងការធ្វើដំណើរ។
លោកបានបន្តថា សម្រាប់លោកជិះម៉ូតូ នៅពេលជិះមកដល់កន្លែងជង្ហុក មានពេលខ្លះរេចង្កូតម្ដងៗ ដែរ។ ចំណែករថយន្តវិញ នៅពេលដល់កន្លែងជង្ហុក គឺ ខ្លះអុកស្ទើរតែដល់បាតរថយន្តទៅហើយ។
ចំណែក លោក ហេង គីមឪ ជាប្រជាពលរដ្ឋ ក៏បានលើកឡើងពីទុក្ខកង្វល់ធ្វើដំណើររៀងរាល់ថ្ងៃ ដែលជួបការលំបាកផងដែរ។ លោកបានសំណូមពរឲ្យអាជ្ញាធរពាក់ព័ន្ធ សូមមេត្តាជួយពិនិត្យមើលផង បើទុកដូច្នេះ អាចនឹងខូចផ្លូវ ឬបង្កគ្រោះថ្នាក់ដល់អ្នកធ្វើដំណើរច្រើនជាងនេះផងដែរ។
ពាក់ព័ន្ធបញ្ហានេះ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានប្រាប់ឲ្យកម្ពុជាថ្មីដឹងថា លោកនឹងឲ្យក្រុមការងារចុះទៅធ្វើការត្រួតពិនិត្យមើលជាបន្ទាន់។ ជាមួយនេះ លោក ផន រឹម ក៏បានអរគុណផងដែរសម្រាប់ការជួយផ្ដល់ព័ត៌មានពាក់ព័ន្ធនឹងបញ្ហាផ្លូវខាងលើ៕
អត្ថបទ ៖ ម៉េង
សូមទស្សនាវីដេអូខាងក្រោម ៖
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៨ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ