ព័ត៌មានជាតិ

អាជ្ញាធរសង្កាត់ចោមចៅទី ៣ ដាក់គ្រឿងចក្រកាយស្តារប្រឡាយតាមដងផ្លូវជាតិលេខ ៤ ដើម្បីរំដោះទឹក

បានផុស

១០ ខែ មុន

នៅ

ថ្ងៃអង្គារ ៧ តុលា ២០២៥

ដោយ

កាលពីព្រឹកថ្ងៃទី ៧ ខែតុលា ឆ្នាំ ២០២៥ នេះ រដ្ឋបាលសង្កាត់ចោមចៅទី ៣ ខណ្ឌពោធិ៍សែនជ័យ បានដាក់គ្រឿងចក្រកាយស្តារប្រឡាយមេអមផ្លូវជាតិលេខ ៤ ដើម្បីរំដោះទឹកជំនន់ក្នុងមូលដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុទ្ធ សុជាតិ ចៅសង្កាត់រងទី ១ នៃសាលាសង្កាត់ចោមចៅទី ៣ បានឲ្យដឹងថា ការកាយស្តារប្រឡាយខាងលើចាប់ពីគល់ស្ពានអាកាសជម្ពូវ័ន ភូមិព្រៃស្វាយ សង្កាត់ចោមចៅទី ៣ ខណ្ឌពោធិ៍សែនជ័យ រហូតទៅដល់ព្រំប្រទល់ខណ្ឌកំបូល។

លោក សុទ្ធ សុជាតិ បានបន្តថា កន្លងមក ដោយសារតែភ្លៀងធ្លាក់មកម្តងៗ ធ្វើឲ្យតំបន់មួយចំនួនមានការជន់លិច ជាពិសេសលើកំណាត់ផ្លូវជាតិលេខ ៤ គល់ស្ពានអាកាសចោមចៅ ដើម្បីបញ្ចៀសការជន់លិចដោយជំនន់ទឹកភ្លៀង ទើប លោក វ៉ា សាវឿន ចៅសង្កាត់ចោមចៅទី ៣ ស្នើសុំគ្រឿងចក្ររបស់បុរី ជោរី មកកាយស្តារយកកាកសំណល់ចេញពីប្រឡាយឲ្យចរន្តទឹកហូរបានលឿន។ ចំពោះកាកសំណល់ដែលកាយចេញពីប្រឡាយ ត្រូវបានដឹកយកទៅចាក់ចោលនៅទីលានចាក់សំរាម។

អាជ្ញាធរ បានអំពាវនាវដល់ប្រជាពលរដ្ឋទាំងអស់ សូមមេត្តាទុកដាក់សំរាមឲ្យបានត្រឹមត្រូវ ចៀសវាងបោះចោលគ្មានសណ្ដាប់ធ្នាប់ អាចធ្លាក់ចូលប្រឡាយ បង្កការកកស្ទះចរន្តទឹកហូរពេលភ្លៀងមកម្តងៗ៕

អត្ថបទ ៖ សុខា