នយោបាយ
មនុស្សជំនិតលោក កឹម សុខា ថា យ៉ាងតិចមានមេដឹកនាំគណបក្សចំនួន៩ ដែលមានសញ្ជាតិច្រើនជាង១
លោក មុត ចន្ថា អតីតមនុស្សជំនិតរបស់លោក កឹម សុខា ហើយជាអតីតមន្ត្រីជាន់ខ្ពស់នៅក្នុងអតីតគណបក្សប្រឆាំង ដែលទើបទទួលបាននីតិសម្បទាធ្វើនយោបាយឡើងវិញកាលពីថ្មីៗនេះបានអះអាងថា តាមលោកដឹងនៅកម្ពុជាមានមេដឹកនាំគណបក្សនយោបាយទាំងចាស់ទាំងថ្មីចំនួន៩ មានសញ្ជាតិពីរ។
ការលើកឡើងរបស់លោក មុត ចន្ថា បានធ្វើឡើងបន្ទាប់ពីសម្តេចតេជោ ហ៊ុន សែន បានស្នើឲ្យរដ្ឋមន្ត្រីក្រសួងយុត្តិធម៌សិក្សារៀបចំធ្វើសេចក្តីព្រាងច្បាប់ វិសោធនកម្មរដ្ឋធម្មនុញ្ញ ឬសេចក្តីព្រាងច្បាប់អង្គការ ដែលចេញពីរាជរដ្ឋាភិបាល ឬជាសេចក្តីស្នើច្បាប់ ដែលចេញពីព្រឹទ្ធសភា និងរដ្ឋសភា ដើម្បីឲ្យថ្នាក់ដឹកនាំកាន់តួនាទីជាប្រធានព្រឹទ្ធសភា ប្រធានរដ្ឋសភា នាយករដ្ឋមន្ត្រី និងប្រធានក្រុមប្រឹក្សាធម្មនុញ្ញត្រូវមានសញ្ជាតិខ្មែរតែមួយ។
លោក មុត ចន្ថា បានលើកឡើងថា តាមការពិនិត្យមើលបញ្ជីគណបក្សនយោបាយ ទាំងចាស់ ទាំងថ្មី ដែលក្រសួងមហាផ្ទៃបានទទួលចុះបញ្ជី គឺមានគណបក្សនយោបាយយ៉ាងតិចចំនួនប្រាំបួនដែលប្រធានមានសញ្ជាតិពីរ គឺបារាំង អាមេរិក និងកាណាដា។ លោកថា ក្នុងចំណោមគណបក្សទាំងនោះរួមមាន ទី១- គណបក្សហ៊្វុនស៊ិនប៉ិច ទី២- គណបក្សភ្លើងទៀន ទី៣- គណបក្សខ្មែរឈប់ក្រ ទី៤- គណបក្សខ្មែរសាធារណរដ្ឋ ទី៥- គណបក្សសំបុកឃ្មុំសង្គមប្រជាធិបតេយ្យ ទី៦- គណបក្សខ្មែរតែមួយ ទី៧- គណបក្សខ្មែរស្រឡាញ់ជាតិ ទី៨- គណបក្សខ្មែរអភិរក្ស ទី៩- គណបក្សកម្ពុជានិយម។
បើតាមលោក មុត ចន្ថា នៅពេលសេចក្តីព្រាងច្បាប់វិសោធនកម្ម នៃរដ្ឋធម្មនុញ្ញ ដែលកំណត់សញ្ជាតិតែមួយសម្រាប់មុខតំណែងប្រធានព្រឹទ្ធសភា-រដ្ឋសភា នាយករដ្ឋមន្ត្រី និងប្រធានក្រុមប្រឹក្សាធម្មនុញ្ញ ត្រូវបានអនុម័ត និងចូលជាធរមាន គណបក្សនយោបាយទាំងនោះមិនអាចប្រកាសឈ្មោះប្រធានគណបក្សបច្ចុប្បន្នជាបេក្ខភាពនាយករដ្ឋមន្ត្រីបានទេ នៅពេលបើកយុទ្ធនាការបោះឆ្នោត និងដាក់ឈ្មោះស្នើជាបេក្ខភាពនាយករដ្ឋមន្ត្រី ប្រសិនជាគណបក្សមានភ័ព្វវាសនាឈ្នះការបោះឆ្នោត។
លោក មុត ចន្ថា លើកឡើងដែរថា ឈ្មោះរបស់ឥស្សរជនជាប្រធានគណបក្សដែលឈរឈ្មោះជាបេក្ខភាពនាយករដ្ឋមន្ត្រី គឺជាយុទ្ធសាស្ត្របោះឆ្នោត និងជាសារនយោបាយយ៉ាងសំខាន់មួយ នៅក្នុងការឃោសនាស្វែងរកការគាំទ្រ និងសម្លេងឆ្នោតពីម្ចាស់ឆ្នោត ទោះនៅក្នុងការបោះឆ្នោតថ្នាក់ជាតិ ឬថ្នាក់ក្រោមជាតិ ឬមូលដ្ឋាន។ លោកថា នេះជាឧបសគ្គនយោបាយមួយក្នុងដំណើរការរៀបចំអង្គការចាត់នយោបាយ រចនាសម្ព័ន្ធ និងការកសាងកម្លាំងគាំទ្រ ជាពិសេសក្នុងដំណើរការបោះឆ្នោតទាំងមូល។ គណបក្សទាំងនោះមានជម្រើសយ៉ាងតិចបី គឺ ទី១- ប្តូរប្រធានគណបក្សមានសញ្ជាតិពីរចេញ, ទី២- ប្រធានគណបក្សមានសញ្ជាតិពីរប្រកាសលាលែងសញ្ជាតូនីយ៍កម្ម និងទី៣- ជ្រើសរើសឥស្សរជនម្នាក់ទៀតមានសញ្ជាតិតែមួយអមជាមួយប្រធានបច្ចុប្បន្ន។
ក្នុងបរិបទកម្ពុជា លោក មុត ចន្ថា អះអាងថា ផ្នត់គំនិតរឹងមាំរបស់ប្រជាពលរដ្ឋខ្មែរស្ទើរតែទូទៅនោះឆ្នោតលើឥស្សរភាព និងប្រជាប្រិយភាពរបស់អ្នកដឹកនាំនយោបាយ ជាជាងបោះឆ្នោតដោយផ្អែកលើគោលនយោបាយ និងកម្មវិធីនយោបាយរបស់គណបក្សនយោបាយ។ ដោយសារមូលហេតុចម្បងនេះហើយ ទើបគណបក្សនយោបាយជាច្រើន ដែលចូលរួមប្រកួតប្រជែងក្នុងការបោះឆ្នោតពុំមានឱកាសឈ្នះបានអាសនៈ។
សូមបញ្ជាក់ថា កាលពីថ្ងៃទី០៦ ខែតុលា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានស្នើឲ្យរដ្ឋមន្ត្រីក្រសួងយុត្តិធម៌ លោក កើត រិទ្ធ សិក្សារៀបចំធ្វើសេចក្តីព្រាងច្បាប់ វិសោធនកម្មរដ្ឋធម្មនុញ្ញ ឬសេចក្តីព្រាងច្បាប់អង្គការ ដែលចេញពីរាជរដ្ឋាភិបាល ឬជាសេចក្តីស្នើច្បាប់ ដែលចេញពីព្រឹទ្ធសភា និងរដ្ឋសភា ដើម្បីឲ្យថ្នាក់ដឹកនាំកាន់តួនាទីជាប្រធានព្រឹទ្ធសភា ប្រធានរដ្ឋសភា នាយករដ្ឋមន្ត្រី និងប្រធានក្រុមប្រឹក្សាធម្មនុញ្ញត្រូវមានសញ្ជាតិខ្មែរតែមួយ៕
ដោយ ៖ កោះកែវ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ក្រុមហ៊ុន អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ
ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត