នយោបាយ
បែក១០ឆ្នាំ ពេលមកវិញ លោក យឹម ស៊ីណន ថា «ពិបាករកផ្លូវទៅផ្ទះ» ព្រោះភ្នំពេញមានការរីកចម្រើនពេក
លោក យឹម ស៊ីណន អតីតប្រធានចលនាយុវជននៃអតីតបក្សសង្រ្គោះជាតិប្រចាំប្រទេសកូរ៉េខាងត្បូងកាលពីសប្តាហ៍មុន បានវិលត្រឡប់មករស់នៅក្នុងប្រទេសកម្ពុជាវិញហើយ បន្ទាប់ពីឃ្លាតឆ្ងាយរយៈពេល១០ឆ្នាំ។ ពេលមកដល់ប្រទេសកម្ពុជាវិញ លោក យឹម ស៊ីណន បានពោលឡើងថា លោកវង្វេង និងពិបាកក្នុងការរកផ្លូវទៅផ្ទះរបស់លោក ដោយសារនៅរាជធានីភ្នំពេញ មានការរីកចម្រើនខ្លាំង ដោយមានផ្លូវខ្វាត់ខ្វែងពេក។
នៅក្នុងជំនួបជាមួយក្រុមអ្នកសារព័ត៌មានកាលពីថ្ងៃអាទិត្យម្សិលមិញ លោក យឹម ស៊ីណន បានអះអាងថា លោកស្ទើរតែមិនដឹងថា ផ្លូវណាទៅណាៗទេនៅក្នុងរាជធានីភ្នំពេញនេះ ដោយសារតែមានផ្លូវខ្វាត់ខ្វែងច្រើនពេក។ បើតាមលោកយឹម ស៊ីណន ការរកផ្លូវទៅផ្ទះនៅពេលនេះ មិនមែនជារឿងងាយស្រួលនោះទេ ហើយជាធម្មតា លោកតែងតែមើលតាម Location នៅពេលលោកចង់ទៅផ្ទះ ឬទៅកន្លែងណាផ្សេង។
សូមបញ្ជាក់ថា លោក យឹម ស៊ីណន បានវិលត្រឡប់មកប្រទេសកម្ពុជាវិញ នៅថ្ងៃទី១៤ ខែមករា ឆ្នាំ២០២២ ដើម្បីរស់នៅជាអចិន្រ្តៃយ៍ជាមួយក្រុមគ្រួសាររបស់លោក ហើយការវិលត្រឡប់វិញនេះ ដោយសារតែលោកមិនចង់ទៅរស់នៅប្រទេសទី២ ឬទី៣ ក្រៅពីកម្ពុជា។ ការវិលត្រឡប់មកកាន់មាតុប្រទេសរបស់អតីតប្រធានចលនាយុវជននៃអតីតបក្សសង្រ្គោះជាតិប្រចាំប្រទេសកូរ៉េខាងត្បូងនេះ គឺបន្ទាប់ពីសម្តេចតេជោ ហ៊ុន សែន បានស្នើឲ្យក្រសួងយុត្តិធម៌កម្ពុជាពិចារណាលើបញ្ហាលុបចោលការចោទប្រកាន់របស់តុលាការលើលោកយឹម ស៊ីណន និងក្រុមរបស់លោក៩រូបទៀតពាក់ព័ន្ធនឹងព្រឹត្តិការណ៍ ៩ វិច្ឆិកា ឆ្នាំ២០១៩។
លោក យឹម ស៊ីណន កាលពីថ្ងៃទី២៩ ខែកញ្ញា ឆ្នាំ២០២១ បានសរសេរលិខិតមួយស្នើសុំសម្តេចតេជោ ហ៊ុន សែន ដើម្បីឱ្យជួយស្នើដល់អាជ្ញាធរមានសមត្ថកិច្ច ឱ្យដកការចោទប្រកាន់ទាំងឡាយមកលើខ្លួន និងបក្ខពួក ដែលពាក់ព័ន្ធនឹងព្រឹត្តិការណ៍ ៩វិច្ឆិកា របស់លោក សម រង្ស៉ី។ លិខិតរបស់លោក យឹម ស៊ីណន ត្រូវបានសម្តេចតេជោប្រគល់ជូនទៅលោក កើត រិទ្ធ រដ្ឋមន្រ្តីក្រសួងយុត្តិធម៌ ដើម្បីពិនិត្យមើល និងដោះស្រាយ។
ចំពោះករណីនេះ សាលាដំបូងរាជធានីភ្នំពេញ បានបញ្ជាក់ថា ធ្លាប់បានចេញដីកាបញ្ឈប់ឲ្យចាប់ខ្លួនលោក យឹម ស៊ីណន និងបក្ខពួក (សរុបទាំង១០នាក់) តាំងពីខែវិច្ឆិកា ឆ្នាំ២០១៩ មកម្ល៉េះ។ អ្នកដែលត្រូវបានបញ្ឈប់ការចាប់ខ្លួននេះ រួមមាន ១. យឹម ស៊ីណន ២. មាស ពិសាល ៣. រស់ សុផល ៤. សុខ រដ្ឋា ៥. យ៉ង់ ស៉ីណេត ៦. ឈុន ប៊ុនហ៊ា ៧. ថុង ហូច ៨. ទឹម វណ្ណី ៩.ព្រុំ សុខា និង១០.ឈ្មោះ ព្រីង ឆេង៕
អត្ថបទ ៖ កោះកែវ
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ៧ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៥ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ