នយោបាយ
គណបក្សភ្លើងទៀន ទទួលបានលិខិតស្នើសុំចូលជាសមាជិកបក្ស របស់លោក សុន ឆ័យ រួចហើយ
គណបក្សភ្លើងទៀន បានទទួលលិខិតស្នើសុំចូលជាសមាជិក ពីសំណាក់លោក សុន ឆ័យ អតីតតំណាងរាស្រ្ដ នៃអតីតគណបក្សសង្រ្គោះជាតិ រួចហើយ។ នេះបើតាមការឲ្យដឹងពីលោក ថាច់ សេដ្ឋា ស្ថាបនិកគណបក្សភ្លើងទៀន។
លោក ថាច់ សេដ្ឋា មានប្រសាសន៍ប្រាប់កម្ពុជាថ្មីថា នៅថ្ងៃទី ១ ខែមីនា ឆ្នាំ ២០២២នេះ គណបក្សភ្លើងទៀនរបស់លោក បានទទួលលិខិតស្នើសុំចូលជាសមាជិក ពីសំណាក់លោក សុន ឆ័យ រួចហើយ។ ប៉ុន្តែមិនទាន់ មានការកំណត់តួនាទី និងតំណែងរបស់លោក សុន ឆ័យ នៅក្នុងគណបក្សភ្លើងទៀន នៅឡើយទេ ពីព្រោះលោកកំពុងស្ថិតនៅក្រៅប្រទេស នៅឡើយ។
សូមជម្រាបថា លោក សុន ឆ័យ អតីតតំណាងរាស្រ្ដ នៃអតីតគណបក្សសង្រ្គោះជាតិ បានប្រកាសថា រូបលោកបានសុំចូល ជាសមាជិកនៃគណបក្សភ្លើងទៀន។ ក្នុងសេចក្ដីប្រកាសព័ត៌មាន ដែលបានចុះហត្ថលេខាដោយលោក សុន ឆ័យ នៅថ្ងៃទី ១ ខែមីនា ឆ្នាំ ២០២២នេះ បានសរសេរថា លោកជាអតីតតំណាងរាស្រ្ដ សូមធ្វើការប្រកាសជាសាធារណៈថា រូបលោក ស្នើសុំចូលជាសមាជិក នៃគណបក្សភ្លើងទៀន ចាប់ពីថ្ងៃទី ១ ខែមីនា ឆ្នាំ ២០២២ តទៅ។
សេចក្ដីប្រកាសព័ត៌មានដដែល បានបន្ថែមថា «គណបក្សភ្លើងទៀន ជាគណបក្សដែលរូបខ្ញុំ ក៏ដូចជាបងប្អូនរួមជាតិជាច្រើន ធ្លាប់បានចូលរួម និងគាំទ្រយ៉ាងសកម្ម ព្រោះជាគណបក្ស ដែលបម្រើ និងការពារប្រជាពលរដ្ឋខ្មែរ បានយ៉ាងត្រឹមត្រូវ»។
លោក សុន ឆ័យ អតីតតំណាងរាស្រ្ត នៃអតីតគណបក្សសង្រ្គោះជាតិ ត្រូវបានព្រះករុណា ព្រះមហាក្សត្រ ចេញព្រះរាជក្រឹត្យមួយ កាលពីថ្ងៃទី ៣ ខែកញ្ញា ឆ្នាំ ២០២០កន្លងទៅ ផ្តល់នីតិសម្បទាធ្វើនយោបាយឡើងវិញ បន្ទាប់ពីរូបលោកដាក់លិខិតស្នើសុំ ទៅកាន់ក្រសួងមហាផ្ទៃ៕
អត្ថបទ៖ ឃួន សុភ័ក្រ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៧ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore