នយោបាយ
តើប្រព័ន្ធផ្សព្វផ្សាយត្រូវផ្សាយ និងមិនត្រូវផ្សាយព័ត៌មានបែបណា នៅថ្ងៃស និងថ្ងៃបោះឆ្នោត?
មន្ត្រីជាន់ខ្ពស់ គ.ជ.ប បានបញ្ជាក់ថា សម្រាប់ថ្ងៃស និងថ្ងៃបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី ៥នេះ ប្រព័ន្ធផ្សព្វផ្សាយនៅតែអាចផ្សព្វផ្សាយព័ត៌មានបាន តែការផ្សព្វផ្សាយនោះមិនត្រូវផ្សាភ្ជាប់នឹងសារនយោបាយ របស់គណបក្សនយោបាយ ឬខ្លឹមសារមានលក្ខណៈគាំទ្រគណបក្សនយោបាយណាមួយជាដើម។
លោក សោម សូរីដា អគ្គលេខាធិការរង និងអ្នកនាំពាក្យ គ.ជ.ប មានប្រសាសន៍ប្រាប់កម្ពុជាថ្មីថា ប្រព័ន្ធផ្សព្វផ្សាយនៅតែអាចផ្សព្វផ្សាយព័ត៌មាន ពាក់ព័ន្ធនឹងការបោះឆ្នោតបានដដែល នៅមុនមួយថ្ងៃនៃការបោះឆ្នោត (ថ្ងៃស) និងថ្ងៃបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី ៥នេះ។ ការផ្សព្វផ្សាយនោះ ជាការផ្សព្វផ្សាយពាក់ព័ន្ធនឹងការបោះឆ្នោត, ពាក់ព័ន្ធនឹងសារអំពាវនាវឲ្យប្រជាពលរដ្ឋទៅបោះឆ្នោត, ពាក់ព័ន្ធនឹងការរំលឹកការអញ្ជើញប្រជាពលរដ្ឋទៅបោះឆ្នោត នៅតាមការិយាល័យដែលពួកគាត់មានឈ្មោះនៅទីតាំងនោះ, ពាក់ព័ន្ធនឹងឯកសារដែលប្រជាពលរដ្ឋ ត្រូវប្រើសម្រាប់បោះឆ្នោត។
អ្នកនាំពាក្យ គ.ជ.ប បានបញ្ជាក់ទៀតថា «ចឹងជាទូទៅ គឺជាការផ្សព្វផ្សាយព័ត៌មានពាក់ព័ន្ធ នឹងការបោះឆ្នោតជូនដល់ប្រជាពលរដ្ឋ ប៉ុន្តែរាល់ព័ត៌មានដែលផ្សព្វផ្សាយមិនត្រូវ ភ្ជាប់នឹងសារនយោបាយរបស់គណបក្ស ឬក៏ព័ត៌មានដែលាមានខ្លឹមសារគាំទ្រដល់គណបក្សនយោបាយ ឬបេក្ខជនណាម្នាក់នោះទេ»។
លោក សោម សូរីដា អគ្គលេខាធិការរង បានគូសបញ្ជាក់ថា ក្នុងករណីដែលប្រព័ន្ធផ្សព្វផ្សាយ មិនអនុវត្តតាមគោល ការណ៍ ដែលបានបញ្ជាក់ខាងលើនេះ គឺប្រព័ន្ធផ្សព្វផ្សាយនោះ នឹងរងការពិន័យជាលាយល័ក្ខណ៍អក្សរពី គ.ជ.ប។ ករណីនេះ គ.ជ.ប នឹងសហការជាមួយអាជ្ញាធរ មានសមត្ថកិច្ចពាក់ព័ន្ធ ដើម្បីចាត់វិធានការបញ្ឈប់ការផ្សព្វផ្សាយ ដែលត្រូវបានហាមឃាត់ទៅតាមច្បាប់ ស្ដីពី ការបោះឆ្នោតជ្រើសរើសក្រុមប្រឹក្សាឃុំ-សង្កាត់។
សូមជម្រាបថា ការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី ៥ នឹងត្រូវធ្វើឡើងនៅថ្ងៃទី ៥ ខែមិថុនា ឆ្នាំ ២០២២ខាងមុខ។ ការបោះឆ្នោតនេះ មានគណបក្សនយោបាយចំនួន ១៧ បានដាក់បេក្ខជនចូលរួប្រកួតប្រជែង ដើម្បីដណ្ដើមយកអាសនៈក្រុមប្រឹក្សាឃុំ-សង្កាត់៕
អត្ថបទ៖ ឃួន សុភ័ក្រ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល