នយោបាយ
លោក ជូង ជូងី មេធាវីការពារក្តីលោក សុន ឆ័យ ដាក់ពាក្យស្នើសុំពន្យារពេលចូលបំភ្លឺនៅតុលាការ
លោក ជូង ជូងី ដែលជាមេធាវីការពារក្តីឲ្យលោក សុន ឆ័យ អនុប្រធានគណបក្សភ្លើងទៀន កាលពីព្រឹកថ្ងៃទី២៩ ខែមិថុនា ឆ្នាំ២០២២នេះ បានយកលិខិតស្នើសុំពន្យារពេលចូលបំភ្លឺរបស់លោក សុន ឆ័យ ទៅដាក់នៅតុលាការ សាលាដំបូងរាជធានៅភ្នំពេញ ដោយសារកូនក្តីជាប់បំពេញភារកិច្ចនៅក្រៅប្រទេស នេះបើតាមការបញ្ជាក់ពីលោក ជូង ជូងី។
ការដាក់ពាក្យស្នើសុំពន្យាពេលចូលបំភ្លឺរបស់មេធាវីនេះ បានធ្វើឡើងបន្ទាប់ពីតុលាការបានកោះហៅលោក សុន ឆ័យ ឲ្យចូលបំភ្លឺលើបណ្ដឹងរបស់គណបក្សប្រជាជនកម្ពុជា នៅព្រឹកថ្ងៃទី ៣០ ខែមិថុនា ឆ្នាំ២០២២។
លោក ជូង ជូងី អះអាងថា មូលហេតុនៃការស្នើសុំពន្យាពេលនេះ ដោយសារតែថ្ងៃនេះ ក៏ដូចជាថ្ងៃស្អែក លោក សុន ឆ័យ មិនមានវត្តមាននៅប្រទេសកម្ពុជាទេ គឺលោកកំពុងតែបំពេញភារកិច្ចនៅក្រៅប្រទេស។ ដូច្នេះលោក សុន ឆ័យ មិនអាចចូលឆ្លើយបំភ្លឺតាមការកោះហៅរបស់អយ្យការអមសាលាដំបូងរាជធានីភ្នំពេញបានទេ។ លោកថា ការស្នើសុំនេះ គឺសុំទៅក្រោយថ្ងៃទី០៣ ខែកក្កដា ឆ្នាំ២០២២។
គួររលឹកថា លោក សុន ឆ័យ ដែលមានតួនាទីជាអនុប្រធានគណបក្សភ្លើងទៀន កំពុងទទួលរងបណ្តឹងចំនួន២ គឺទី១, បណ្តឹងពាក់ព័ន្ធការចោទ និងការបំភ្លៃព័ត៌មានជុំវិញដំណើរការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ដែលត្រូវបានចាត់ទុកជាអំពើទុច្ចរិត, បំភ្លៃខុសពីការពិត, ការផ្តល់ព័ត៌មានក្លែងក្លែង ក្នុងចេតនាទម្លាក់កំហុសដោយអសុទ្ធចិត្ត និងមួលបង្កាច់នាំឱ្យប៉ះពាល់យ៉ាងធ្ងន់ធ្ងរធ្ងរ ដល់កិត្តិយសរបស់គណបក្សប្រជាជនកម្ពុជា ហើយបណ្តឹងនេះ មេធាវីបានទាមទារសំណងជំងឺចិត្តចំនួន៤.០០០លានរៀល ឬប្រហែល១លានដុល្លារអាមេរិក។
ទី២, បណ្តឹងពីបទ បរិហារកេរ្តិ៍ជាសាធារណៈ របស់ស្ថាប័នគ.ជ.ប ដែលបណ្តឹងនេះ បានស្នើឲ្យតុលាការផ្តន្ទាទោសលោក សុន ឆ័យ តាមមាត្រា៣០៥ នៃក្រមព្រហ្មទណ្ឌ និងស្នើឲ្យលោក សុន ឆ័យ ធ្វើលិខិតសុំទោសជាសាធារណៈ។
លោក សុន ឆ័យ បានចាកចេញពីប្រទេសកម្ពុជា ទៅកាន់អូស្ត្រាលី កាលពីថ្ងៃទី១១ ខែមិថុនា ឆ្នាំ២០២២ ក្រោយពីលោកដឹងខ្លួនថា នឹងមានការប្តឹងរូបលោកទៅតុលាការ ហើយកាលពីថ្មីៗនេះ លោក សុន ឆ័យ បានអះអាងថា លោកនឹងវិលត្រឡប់មកប្រទេសកម្ពុជាវិញនៅថ្ងៃទី០១ ខែកក្កដា ឆ្នាំ២០២២ ខាងមុខ ដើម្បីពិភាក្សាជាមួយមេធាវី ទាក់ទងបណ្តឹងរបស់គណបក្សប្រជាជនកម្ពុជា និងបណ្តឹងរបស់ស្ថាប័ន គ.ជ.ប៕
ដោយ ៖ កោះកែវ
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៤ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស