នយោបាយ
ថ្នាក់ដឹកនាំ “សម្ពន្ធភាពអ្នកប្រជាធិបតេយ្យខ្មែរ” ត្រូវបានក្រសួងមហាផ្ទៃ កោះហៅ ចូលប្រជុំ
នាយឧត្តមសេនីយ៍ ប៉ោ ភក្តិ អគ្គលេខាធិការក្រសួងមហាផ្ទៃ កាលពីថ្ងៃទី២៩ ខែធ្នូ ឆ្នាំ២០២០ បានចេញលិខិតចំនួន៣ អញ្ជើញមេដឹកនាំ៣នាក់ ឲ្យចូលរួមកិច្ចប្រជុំពិភាក្សា ពាក់ព័ន្ធនឹងការជូនដំណឹង មកក្រសួងមហាផ្ទៃ ស្តីពីការបង្កើត “សម្ពន្ធភាពអ្នកប្រជាធិបតេយ្យខ្មែរ” តាមរយៈលិខិតចុះថ្ងៃទី១៨ ខែវិច្ឆិកា ឆ្នាំ២០២០ នៅវេលាម៉ោង៣ រសៀលថ្ងៃទី៤ ខែមករា ឆ្នាំ២០២១ នៅសាលប្រជុំអគារ “S” ទីស្តីការក្រសួងមហាផ្ទៃ ដែលកិច្ចប្រជុំដឹកនាំលោក ប៊ុន ហុន រដ្ឋលេខាធិការក្រសួងមហាផ្ទៃ។
ការអញ្ជើញមេដឹកនាំ សម្ពន្ធភាពអ្នកប្រជាធិបតេយ្យខ្មែរ មកប្រជុំនេះ បានធ្វើឡើងបន្ទាប់ពីលោក ម៉ម សូណង់ដូ ប្រធានសម្ពន្ធភាព អ្នកប្រជាធិបតេយ្យខ្មែរ កាលពីថ្ងៃទី១៨ ខែវិច្ឆិកា ឆ្នាំ២០២០ បានដាក់លិខិតជូនសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ ជូនដំណឹងស្តីពី ការបង្កើតសម្ពន្ធភាពអ្នកប្រជាធិបតេយ្យខ្មែរ ហើយបន្ទាប់ពីជូនដំណឹង ទៅរដ្ឋមន្ត្រីក្រសួងមហាផ្ទៃ សម្ពន្ធភាពអ្នកប្រជាធិបតេយ្យខ្មែរ ត្រូវប្រកាសជាផ្លូវការ កាលពីថ្ងៃទី២៥ ខែវិច្ឆិកា ឆ្នាំ២០២០។
សូមបញ្ជាក់ថា គណបក្សនយោបាយ ចំនួន៣ ដែលបានផ្តួចផ្តើមបង្កើតកើត សម្ពន្ធភាពអ្នកប្រជាធិបតេយ្យខ្មែរ គឺមានគណបក្សសំបុកឃ្មុំ សង្គមប្រជាធិបតេយ្យ របស់លោក ម៉ម សូណង់ដូ គណបក្សខ្មែររួបរួមជាតិ របស់លោក ញឹក ប៊ុនឆៃ និងគណបក្សខ្មែរតែមួយ របស់លោក កែម រិទ្ធិសិត ហើយដឹកនាំសម្ពន្ធភាពអ្នកប្រជាធិបតេយ្យខ្មែរ គឺលោក ម៉ម សូណង់ដូ ជាប្រធានសម្ពន្ធភាព អ្នកប្រជាធិបតេយ្យខ្មែរ លោក ញឹក ប៊ុនឆៃ ជាអនុប្រធាន លោក គុជ លី (អនុប្រធានគណបក្សខ្មែរតែមួយ) ជាអគ្គលេខាធិការ។
គោលបំណង នៃការបង្កើតសម្ពន្ធភាព អ្នកប្រជាធិបតេយ្យខ្មែរ គឺដើម្បីបណ្តុះគំនិត ជាតិនិយមគំរូថ្មីមួយ ដើម្បីយុវជនខ្មែរបន្តវេន ដោយគ្មានវប្បធម៌លាបពណ៌ និងគ្មានវប្បធម៌ក្តិចត្រួយ ហើយគណបក្សទាំងបី គឺមានគោលដៅដូចគ្នា និងរឹត ចំណងសាមគ្គីភាព ដើម្បីការធ្វើកិច្ចសហប្រតិបត្តិការ សម្រាប់ការបោះឆ្នោត ក្រុមប្រឹក្សាឃុំ សង្កាត់ ឆ្នាំ២០២២ និងការបោះឆ្នោត ជ្រើសតាំងតំណាងរាស្ត្រ អាណត្តិទី៧ ឆ្នាំ២០២៣។ រួមគ្នាដោះស្រាយវិបត្តិនានា ក្នុងសង្គមនយោបាយតាមរយៈខ្មែរ និងខ្មែរ។
សម្ពន្ធភាពអ្នកប្រជាធិបតេយ្យខ្មែរ មានយន្តការការងារចំនួន៣រួមមាន ១. គ្រប់គណបក្សសាមី ត្រូវចុះមូលដ្ឋានរួមគ្នា ដើម្បីពង្រឹង និងពង្រីកសកម្មជនគាំទ្រ គណបក្សសាមីគ្រប់ខេត្តទូទាំងប្រទេស។ ២. ត្រូវបង្កើតការងារបណ្តាញសង្គម ដើម្បីផ្សព្វផ្សាយ ពីវត្ថុបំណងរបស់សម្ពន្ធភាព អ្នកប្រជាធិបតេយ្យខ្មែរ។ ៣. ត្រូវបង្កើតក្រុមវាគ្មិន និងអ្នកនាំពាក្យ ដើម្បីតស៊ូមតិគ្រប់រូបភាព ការពារផលប្រយោជន៍រួម៕
អត្ថបទ៖ កោះកែវ
សារ៉ាយសមុទ្រ ផលិតផលបំប៉នសុខភាព គ្មានប្រសិទ្ធភាពព្យាបាលជំងឺ…ទេ
សឹងមិនគួរឲ្យជឿ ! កីឡាករទម្ងន់ធ្ងន់កូរ៉េខាងត្បូង Kang Ji Won ផ្ដួលជើងខ្លាំងអ៊ីរ៉ង់ Aliakbari ត្រឹមទឹកទី១
ដំណឹងល្អ!! មន្ត្រីរាជការនិងបុគ្គលិកផ្តល់សេវាកម្មដឹកជញ្ជូនតាមផ្លូវអាកាស អាចទៅចាក់វ៉ាក់សាំងនៅមន្ទីរពេទ្យរដ្ឋ
អភិបាលខេត្តព្រៃវែងសម្រេចផ្អាកជាបណ្តោះអាសន្ន កម្មវិធីអាពាហ៍ពិពាហ៍ និងពិធីជប់លៀងផ្សេងៗ
គោយន្តកែច្នៃជ្រុលទៅបុកម៉ូតូ បណ្ដាលឲ្យមនុស្ស២នាក់បានស្លាប់ និង ៤នាក់ទៀតរបួសធ្ងន់ស្រាល
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ1 week agoវេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត
-
ព័ត៌មានជាតិ16 hours agoច្បាប់ថ្មី៖ អ្នកចម្លងជំងឺកូវីដ-១៩ទៅអ្នកដទៃ ត្រូវដាក់ពន្ធនាគារពី៦ខែ ដល់១០ឆ្នាំ ពិន័យពី ២លាន ដល់ ២០លានរៀល
-
ព័ត៌មានជាតិ16 hours agoសម្តីពីមាត់ឃាតក ស្រឡាញ់នារីរងគ្រោះ៤ខែ ទ្រាំមិនបានចាប់រំលោភ ខ្លាចបែកការណ៍ទើបសម្លាប់ចោល
-
ព័ត៌មានជាតិ14 hours agoផ្ទុះកូវីដនៅជ្រៃធំ ដាក់មនុស្ស ៧០០ នាក់ឲ្យធ្វើចត្តាឡីស័ក
-
ព័ត៌មានជាតិ1 day agoសមត្ថកិច្ចខេត្តសៀមរាបចាប់បានឃាតករំលោភ និងសម្លាប់នារីនៅខេត្តបន្ទាយមានជ័យ បានហើយ
-
ជំនឿ7 days agoតើសុបិនឃើញនាយករដ្ឋមន្ត្រីមកលេងដល់កន្លែង មានន័យយ៉ាងណាដែរ?
-
ព័ត៌មានអន្ដរជាតិ1 week agoគ្មាននរណាអាចបញ្ជាក់ថា វីរុសកូវីដ១៩ ឆ្លងមកពីណាឲ្យប្រាកដ សូម្បីតែ WHO
-
ព័ត៌មានជាតិ22 hours agoអាជ្ញាធរចុះបាញ់ថ្នាំទំាងយប់ផ្សារក្តាម ក្រោយគូសង្សារចិនឆ្លងកូវីដ ១៩
