អាជីព
អាជីវករលក់ត្រីឆ្អើរ ត្អូញត្អែរចង់បោះបង់អាជីព ដោយសារតែលក់មិនចំណេញ
ប្រជាពលរដ្ឋប្រកបមុខរបរឆ្អើរត្រីលក់ រស់នៅក្នុងភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង នៅព្រឹកថ្ងៃទី ១៣ ខែមករា ឆ្នាំ២០២២ នេះបានឲ្យដឹងថា ត្រីស្លឹកឫស្សី ថ្ងៃនេះក៏ដូចថ្ងៃមុនដែរ នៅក្នុងខែខ្នើត បុស្សនេះ មួយគីឡូថ្លៃ ៥ ពាន់ រៀល ទិញយកមកឆ្អើរលក់ចេញវិញមិនចំណេញនោះឡើយ។
ស្ត្រីអាជីវករម្នាក់ជាម្ចាស់រោងត្រីឆ្អើរបាននិយាយឲ្យដឹងថា ត្រីស្លឹកឫស្សីដែលកូនៗរបស់គាត់ ទិញនៅក្នុងថ្ងៃនេះ មួយគីឡូ មានតម្លៃចាប់ពី ៤ ៥០០ រៀល ទៅ ៥ ០០០ រៀល ហើយនៅ ពេលយកមកឆ្អើរវិញនោះក្នុងមួយគីឡូត្រីស្រស់ បានត្រីឆ្អើរតែ ៧ចង្កាក់ប៉ុណ្ណោះ។
ពេលលក់ចេញវិញក្នុងពេលនេះ ត្រីឆ្អើរ ១ចង្កាក់មានតម្លៃត្រឹមតែ ១ ពាន់រៀលប៉ុណ្ណោះ។
ក្នុងនោះដែរត្រូវចំណាយទៅលើអុសដែលទិញមកឆ្អើរត្រីក្នុង១ម៉ែត្រ ២ ម៉ឺនរៀល បូកនឹងថ្លៃឈ្នួលកម្មកររៀបដោតត្រីស្រស់ក្នុង ១០០ ចង្កាក់ ថ្លៃ ៦ ០០០ រៀល ទៀតនោះ គឺមិនចំណេញនោះឡើយ។
ស្ត្រីវ័យចំណាស់ខាងលើនេះ បានបញ្ជាក់ឲ្យដឹងទៀតថា បើនៅក្នុងខែរនោចម៉ូយទិញត្រីឆ្អើរ ឱ្យតម្លៃត្រីឆ្អើរថោកបែបនេះទៀត រូបគាត់ និងកូនៗនៅឆ្នាំក្រោយ ប្រហែលជាត្រូវឈប់ប្រកបមុខរបរនេះលក់ហើយ។ ព្រោះខិតខំចំណាយថវិកា និងកម្លាំងពលកម្មខាតទទេមិនទទួលផលចំណេញនោះឡើយ។
ដោយឡែកស្ត្រីឈ្មោះ សុភា កំពុងដោតត្រីស្រស់ជាចង្កាក់ៗ ដើម្បីយកទៅហាលថ្ងៃឲ្យស្ងួតត្រៀមនឹងដាក់ឆ្អើរនោះបាននិយាយឲ្យដឹងថា ក្នុងមួយថ្ងៃនាងអាចដោតត្រីស្រស់បានចំនួន ៤០០ចង្កាក់ ដែលអាចទទួលប្រាក់កម្រៃ ចំនួន ២៤ ០០០រៀលក្នុងមួយថ្ងៃៗ ដើម្បីផ្គត់ផ្គង់ជីវភាពរស់នៅ។ ប៉ុន្តែបើម្ចាស់រោងឆ្អើរត្រីឈប់ប្រកបមុខរបស់នេះពួកគាត់ក៏ជួបការលំបាកក្នុងការរកប្រាក់ផ្គត់ ផ្គង់ជីវភាពប្រចាំថ្ងៃផងដែរ។
ទាក់ទងនឹងមុខរបរអត់ឆ្អើរត្រីលក់នេះអាជ្ញាធរមូលដ្ឋាន និងសមត្ថកិច្ចក៏ធ្លាប់អំពាវនាវដល់ម្ចាស់រោងច្អើរត្រីទាំងអស់នៅគ្រប់មូលដ្ឋាន សូមប្រុងប្រយ័ត្នឲ្យបានខ្ពស់ចំពោះភ្លើងផ្សែងដែលអាចនឹងបង្កឲ្យមានគ្រោះអគ្គី ភ័យខូចខាតទ្រព្យសម្បត្តិផងដែរបើយើងមិនប្រុងប្រយ័ត្ននោះទេ។ ជាក់ស្តែងដូចជានៅក្នុងភូមិឆ្នុកទ្រូឃុំឆ្នុកទ្រូស្រុកបរិបូណ៌ កាលពីខែ មុននេះក៏មានគ្រោះអគ្គិភ័យឆេះរោងត្រីឆ្អើរដ៏ធំមួយ ខូចខាតត្រីឆ្អើររាប់ម៉ឺនចង្កាក់គិតជាប្រាក់អស់រាប់ម៉ឺនដុល្លារ៕
អត្ថបទ៖ ឈៀងថារិទ្ធ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»