Connect with us

អាជីព

តើគួរសិក្សាពីអ្វីខ្លះ មុននឹងសម្រេចចិត្តវិនិយោគទៅលើអ្វីមួយ?​

បានផុស

នៅ

ការចាប់ផ្តើមអាជីវកម្ម ឬ វិនិយោគទៅលើអ្វីមួយ មិនមែនជារឿងងាយស្រួលឡើយ គឺតម្រូវឱ្យមនុស្សមានការសិក្សាច្រើនណាស់មុននឹងចាប់ផ្តើមធ្វើរឿងអ្វីមួយ ចៀសវាងការខាតបង់ធំធេង។ តើគួរសិក្សាទៅលើអ្វីខ្លះ ដើម្បីទទួលបានភាពជោគជ័យចៀសវាងមានបញ្ហាផ្សេងៗ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.ស្រាវជ្រាវផ្នែកទីផ្សារឱ្យបានច្បាស់លាស់

ជំហានដំបូងសំខាន់ណាស់ គឺការស្រាវជ្រាវ។ ក្រៅពីសួរអ្នកដទៃ អ្ននត្រូវធ្វើការស្រាវជ្រាវខ្លួនឯងបន្ថែមទៀត ដើម្បីឱ្យមានភាពប្រាកដសម្រាប់ខ្លួនឯង។ អ្នកត្រូវស្រាវជ្រាវសិក្សាឱ្យបានច្បាស់ពីទីតាំងភូមិសាស្ត្រ ដៃគូប្រកួតប្រជែង និងតម្រូវការទីផ្សារដែលអ្នកផ្តល់តម្រូវការអាជីវកម្ម។ បន្ទាប់ពីបានដឹងពីទិន្នន័យទាំងនោះបានហើយ អ្នកត្រូវវិភាគដោយខ្លួនឯងពីចំណុចខ្លាំង ចំណុចខ្សោយ ឱកាស និងការគំរាមកំហែង សម្រាប់ការវិនិយោគ។

២.រៀបចំគម្រោងសម្រាប់វិនិយោគ

មុនធ្វើអ្វីមួយ អ្នកត្រូវរៀបចំគម្រោង និងដាក់ផែនការឱ្យបានច្បាស់លាស់ មិនអាចធ្វើលេងៗបានឡើយ។ នៅពេលរៀបចំគម្រោង អ្នកក៏គួរបើកចិត្តឱ្យទូលាយសម្រាប់ទទួលយកនូវការប្រឹក្សាយោបល់ផ្សេងៗពីមនុស្សជុំវិញខ្លួន។ ជួនកាល ពួកគេមានបទពិសោធច្រើនជាង អាចបង្ហាញផ្លូវដ៏ល្អមួយសម្រាប់អ្នក។ នៅពេលសិក្សាពីការរៀបចំគម្រោង ច្បាស់ណាស់ អ្នកត្រូវគិតឱ្យបានគ្រប់ជ្រុងជ្រោយជុំវិញការវិនិយោគទាំងនោះ។

៣.គិតពីទំហំទឹកប្រាក់សម្រាប់ការវិនិយោគ

ការចំណាយសម្រាប់ការវិនិយោគ គឺសំខាន់ អ្នកត្រូវមើលថា តើចំនួនទឹកប្រាក់ត្រូវវិនិយោគនោះ អ្នកអាចរ៉ាប់រងរួច ឬ ទេ? ការចំណាយ គឺជាការព្យាករណ៍មួយសម្រាប់ទឹកប្រាក់នៅពេលអ្នកបានមកពីការចំណេញ ថាតើត្រូវចំណាយប៉ុន្មាន ហើយចំណេញមកវិញក្នុងទឹកប្រាក់ប៉ុន្មាន?

៤.ការបង្កើតក្រុម

ក្រោយពីគិតគូរបញ្ហានានាបានខ្លះ អ្នកគូរចាប់ផ្តើមគិតសម្រាប់ការបង្កើតក្រុមធ្វើអាជីវកម្ម មិនថាការជ្រើសរើសបុគ្គលិក ឬ ដៃគូសហការ។ អ្នកត្រូវមើលទៅលើមនុស្សដែលមានគោលដៅ និងទំនួលខុសត្រូវច្បាស់លាស់។ ត្រូវប្រាកដចិត្តថា ពួកគេគ្រប់គ្នា មានសមត្ថភាព និងចក្ខុវិស័យសមជាមួយនឹងអាជីវកម្មរបស់អ្នក។

៥.ស្វែងរកដៃគូគាំទ្រ

ដូចបានរៀបរាប់ពីខាងលើមកហើយ សម្រាប់ការបង្កើតអាជីវកម្មអ្វីមួយ មិនមែនជារឿងងាយស្រួលទេ។ អ្នកត្រូវមានដៃគូ ឬ ក្រុមហ៊ុនផ្សេងទៀតជួយគាំទ្រ ទើបក្រុមហ៊ុន ឬអាជីវកម្មដំណើរការបានល្អ និងរលូន។ អ្នកត្រូវបង្កើតទំនាក់ទំនងឱ្យបានល្អ និងទូលំទូលាយ ជាមួយអ្នកជំនួញដូចគ្នា ឬ ជាមួយក្រុមធុរកិច្ចក្នុងស្រុក ដើម្បីអាចស្វែងរកជំនួយទៅវិញទៅមក។

៦.ស្គាល់ពីអតិថិជនជាមុន

មុនចាប់ផ្តើមអាជីវកម្ម អ្នកត្រូវសិក្សាស្វែងយល់ពីអតិថិជនថា តើពួកគេចង់បានអ្វី? ក្នុងនាមជាអ្នកវិនិយោគ ត្រូវធ្វើយ៉ាងណាយកចិត្តអតិថិជនឱ្យបានតាមរយៈការផ្គាប់តាមតម្រូវការដែលគេចង់បាន មិនថាជាផលិតផល សេវាកម្ម ឬ ឥរិយាបថឡើយ។ នេះ គឺជាវិធីដែលអ្នកបើកអាជីវកម្ម អាចទាក់ទាញភ្ញៀវបានច្រើន និងមានការគាំទ្រកើនឡើង។

ដូច្នេះ ប្រសិនជាអ្នកចង់បង្កើតអាជីវកម្មអ្វីមួយ ចូរអ្នកគិតគូរឱ្យបានវែងឆ្ងាយ ត្រូវដឹងពីគុណសម្បត្តិ និងគុណវិបត្តិរបស់វាជាមុនសិន។ អ្នកត្រូវចេះប៉ាន់ប្រមាណនូវអ្វីដែលត្រូវចំណាយ ហើយត្រូវស្គាល់ខ្លួនឯងឱ្យបានច្បាស់ថា តើខ្លួនឯងខ្លាំងខាងអ្វី? ធ្វើបែបនេះ ទើបជ្រើសរើសអាជីវកម្មត្រឹមត្រូវតាមសមត្ថភាពរបស់អ្នក៕

ដោយ៖ អុន ស្រីមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម