អាជីព
៥ វិធី ដើម្បីស្វែងរកការងារក្នុងក្រុមហ៊ុនដែលអ្នកពេញចិត្ត
តើធ្វើយ៉ាងម៉េច ដើម្បីស្វែងរកការងារដែលអ្នកចូលចិត្ត ដោយមិនស្ដាយក្រោយ និងអាចទទួលបានចំណេះដឹងថ្មីៗត្រលប់មកវិញ។
ខាងក្រោមនេះ គឺជាគន្លឹះ ៥ យ៉ាង ណែនាំអ្នក មុនពេលដាក់ពាក្យសុំការងារនៅក្រុមហ៊ុនដែលអ្នកចង់ធ្វើ។
១. ស្វែងរកតាមអ៊ីនធឺណិត
វាជារឿងសំខាន់បំផុតក្នុងជីវិតការងារ ទៅនឹងចំណាប់អារម្មណ៍របស់ក្រុមហ៊ុនដែលយើងចង់ធ្វើការ ដើម្បីអភិវឌ្ឍន៍វិជ្ជាជីវៈបន្ថែមទៀត។ ការស្រាវជ្រាវតាមអ៊ីនធឺណិត គឺដើម្បីបង្ហាញបញ្ជីឈ្មោះក្រុមហ៊ុនដែលមានគេស្គាល់ច្រើន និងអាចជឿទុកចិត្តបានថា ក្រុមហ៊ុនដែលយើងចង់ធ្វើ អាចផ្ដល់ចំណេះដឹងអ្វីខ្លះមកឲ្យយើង។
២. ស្វែងរកឯកសារយោង
មុនពេលដាក់ពាក្យសុំមុខតំណែង សូមធ្វើការស៊ើបសួរបណ្ដាញ ឬនរណាម្នាក់ដែលបច្ចុប្បន្នកំពុងធ្វើការ ឬធ្លាប់ធ្វើការនៅស្ថាប័នដែលយើងកំពុងតែដាក់ពាក្យ។
ការស៊ើបសួរ ស្រាវជ្រាវពីកន្លែងការងារនោះ មិនត្រឹមតែអាចជួយយើងជៀសផុតពីចន្លោះប្រហោងខ្មៅប៉ុណ្ណោះទេ។ ប៉ុន្តែក៏អាចផ្ដល់ឲ្យយើងបានដឹងពីតម្លៃ និងវប្បធម៌ក្រុមហ៊ុន រួមទាំងដំណើរការផ្សេងៗ ដែលក្រុមហ៊ុនបានផ្ដល់ឲ្យបុគ្គលិករបស់គេ។
៣. ពិនិត្យមើលគេហទំព័ររបស់ក្រុមហ៊ុន
គេហទំព័រនៅលើអ៊ីនធឺណិត គឺអាចជួយយើងយល់ច្បាស់ពីវប្បធម៌របស់ក្រុមហ៊ុន មុនពេលឈានជើងចូលបន្ទប់សម្ភាសន៍។ ចាប់ផ្ដើមដោយការពិនិត្យមើលគេហទំព័ររបស់ក្រុមហ៊ុន ជាពិសេសផ្នែក“ អាជីព” របស់ពួកគេ។
ទាំងនេះនឹងជួយយើងវាស់ស្ទង់វប្បធម៌សាជីវកម្ម និងសម្រេចចិត្តថា តើបរិយាកាសការងាររបស់ក្រុមហ៊ុននិងគុណតម្លៃរបស់វា សមនឹងយើងដែរឬទេ។
៤. ស្វែងយល់ពីអ្វីដែលអ្នកដទៃកំពុងនិយាយអំពីក្រុមហ៊ុន
នៅពេលធ្វើការផ្លាស់ប្ដូរអាជីព សូមកុំភ្លេចពិនិត្យលើអ៊ីនធឺណិត ពីព័ត៌មានឬអ្នកណាម្នាក់ដែលដឹងច្បាស់ពីកន្លែងការងាររបស់យើង។ វាមានប្រយោជន៍ ជាពិសេសប្រសិនបើយើងបានស្គាល់នរណាម្នាក់ ដែលធ្វើការនៅក្រុមហ៊ុនគោលដៅរបស់យើង ដែលអាចចែករំលែកបទពិសោធន៍ផ្ទាល់ខ្លួនរបស់ពួកគេមកយើងបាន។
៥. រៀបចំសំណួរសម្រាប់ការសម្ភាសន៍
ប្រសិនបើយើងចង់ស្វែងរកការងារក្នុងក្ដីសុបិន សូមចាំថា ដំណើរការសម្ភាសន៍ គួរតែជាផ្លូវពីរ។ ដូចជាក្រុមហ៊ុនកំពុងវាយតម្លៃយើង និងជំនាញរបស់យើង ក្នុងតួនាទីរបស់ពួកគេ។ ហើយក៏ជាការងាររបស់យើង ក្នុងការសួរសំណួរ ដើម្បីទទួលបាននូវជំហរកាន់តែប្រសើរឡើង៕
ប្រែសម្រួល៖ សាង ស្រីល័ក្ខ
ចុចអាន៖១១ ឃ្លាដែលបុគ្គលិកត្រូវប្រយ័ត្ន មិនគួរនិយាយជាមួយចៅហ្វាយនាយ
ចុចអាន៖ខ្ញុំមិនមែនជាមេដឹកនាំផង រៀនក្បួន ដោះស្រាយទំនាស់ធ្វើអ្វី
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ១ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ