លេស​ទាំង​នេះ​បង្ហាញ​ថា​ ហេតុអ្វី​មនុស្ស​ខ្លះ​វ័យ​ជ្រេ​ទៅ​ហើយ នៅតែ​គ្មាន​អាជីព​ច្បាស់លាស់​នឹង​គេ​

ការ​ដេកចាំ​សំណាង ធ្វើ​ឲ្យ​នុស្សទៅជាកម្ចិល ឃើញ​ឱកាស​ចំពោះ​មុខ​ក៏​មិន​ចេះ​គ្រប់គ្រង ហើយ​ចូលចិត្ត​តែ​យកតម្រាប់អ្នកផ្សេងណា​ដែល​ជោគជ័យ​មុន។ ណាមួយ​ចូលចិត្ត​វិធី​ស្រួលៗ ហើយ​ពូកែ​ រក​លេស​មក​អាង​បានយ៉ាងល្អ ដើម្បីគេចវេះ​ពី​ឱកាស គេចវេះ​ពី​ការ​ខំប្រឹង​តស៊ូ​ឲ្យ​ដូចគេ​ឯង​ធម្មតា។

លេស​ពេញនិយម​ជាច្រើន​មាន​ដូចជា៖

គ្មាន​លុយ

អត់​លុយ ជា​ពាក្យ​ដែល​មនុស្ស​ឧស្សាហ៍​និយាយ​ជា​លេស​មិន​ចាប់ផ្តើមអ្វីទំាងអស់។ គ្មាននរណាកើតមកមានលុយមកតាមនោះទេ បើទោះនិយាយពាក្យនេះច្រើនដងក៏លុយមិនអាចធ្លាក់មកពីលើមេឃដែរ។ ជាជាងពោលពាក្យនេះ អ្វីដែលគួរធ្វើ គឺគិតរកលុយតាមវិធីណាឲ្យមាននឹងគេ។

គ្មាន​ពេល

បើយើងគ្រប់គ្រងពេលវេលាមិនបានល្អ លទ្ធផលការងារនឹងអាចបង្ហាញឲ្យឃើញតាមនោះ។ ​ គ្មាននរណាគេមកជំរឿនយើងថា យើងចំណាយពេលធ្វើអ្វីខ្លះទេ តែគេនឹងមើលលើផលិតភាពទទួលបានពីការប្រើប្រាស់ពេលវេលារបស់យើង។

អត់ចេះ

មនុស្សគ្រប់រូបសុទ្ធតែត្រូវឆ្លងកាំទី១ ទើបទៅដល់កាំបន្ទាប់ឬកាំចុងក្រោយបាន។ មិនចេះធ្វើ មិនមែនមានន័យថា ធ្វើមិនបាននោះទេ។ មនុស្សចេះពិតប្រាកដគេនឹងមិនពោលពាក្យនេះទេ តែគេនឹងរៀនធ្វើវាពីតិចទៅច្រើន និងតូចទៅធំ។

មិនបានរៀនផ្នែកហ្នឹង

ការសិក្សាស្វែងរកចំណេះដឹងមិនមែនបញ្ចប់ត្រឹមតែ ១២ ឆ្នាំ ឬ ១៦ ឆ្នាំនៅសាលានោះទេ។ វាត្រូវការស្វ័យសិក្សាបន្ថែម និងរៀននូវអ្វីដែលថ្មីជានិច្ច។ អនាគតមនុស្សម្នាក់ៗមិនមែនពឹងផ្អែកតែចំណេះលើសញ្ញាប័ត្រនោះដែរ។  បើយើងមិនចេះ យើងត្រូវរៀន!

មិនបានត្រៀមខ្លួន

មនុស្សខ្ជិល ចូលចិត្តពាក្យ មិនបានត្រៀមខ្លួន ​នេះណាស់។ ធ្វើអ្វីក៏ថា មិនទាន់ត្រៀម ឬ មិនទាន់មាន​ ដែរ។ ការដែលនរណាម្នាក់ទទួលជោគជ័យមិនមែនគេបានត្រៀមឬមិនត្រៀមនោះទេ តែមកពីគេចេះបង្កើតនិងចាប់យកឱកាស៕

ប្រែសម្រួល៖ សន្យា

ប្រភព៖ Brighside

ចុចអាន៖បង្ហាញមុខប្រធានាធិបតីស្ត្រីដំបូងរបស់ប្រទេស ៤ នៅទ្វីបអាស៊ី

ចុចអាន​៖បុគ្គលិក៥ប្រភេទ ​ដែល​ក្រុមហ៊ុន​នីមួយៗ​ដណ្ដើម​គ្នា​យក