អាជីព

អ្វីខ្លះទៅ ដែលមេដឹកនាំទូទៅ តែងរំពឹងចង់បានពីបុគ្គលិកខ្លួន?

បានផុស

៦ years មុន

នៅ

ថ្ងៃសុក្រ ៦ វិច្ឆិកា ២០២០

ដោយ

ធ្វើការទាមទារឡើងលុយជានិច្ច តែតិចអត់ដឹងថា តើអ្វីខ្លះ ជាការរំពឹងទុករបស់មេដឹកនាំពីបុគ្គលិក?
និយោជិកភាគច្រើនរំពឹងចង់បាន អ្វីៗជាច្រើននៅក្នុងអាជីពរបស់ពួកគេ រួមមាន ចំណូលខ្ពស់ឡើងៗ ការគោរព ការឲ្យតម្លៃ ក្រុមហ៊ុនមានកេរ្តិ៍ឈ្មោះ មានមេដឹកនាំល្អ មានក្រុមការងារខ្លាំង។ល។ តើដែលយកចិត្តទុកដាក់អត់ថា ការរំពឹងទុករបស់ក្រុមហ៊ុនពីយើងវិញក៏ប្រហាក់ប្រហែលគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះ គឺជាអ្វីៗដែលថៅកែទាំងអស់ចង់បានហើយបុគ្គលិកគួរតែទទួលខុសត្រូវ៖

១ គោរពគ្នាទៅវិញទៅមក ប្រកាន់ខ្ជាប់នូវតួនាទីភារកិច្ច
២ មានភាពបត់បែនអំពីការងារនិងចេះដោះស្រាយបញ្ហា
៣ មានឆន្ទៈជួយគ្នាទៅវិញទៅមកជំនួសឲ្យការបង្ហាញអាកប្បកិរិយា “មិនមែនជាការងាររបស់ខ្ញុំ” ទេ។
៤ សុំជំនួយនៅពេលចាំបាច់និងមិនឲ្យដៃមើលបំណាំ
៥ ធ្វើការដោយសុវត្ថិភាព ទាំងអនាម័យនិងហូបចុក ពុំមែនហូបតែមីកញ្ចប់ ស្គមរីងរៃ ទៅណាមកណីបង្ហាញអាការៈស្រេកឃ្លាន មិនថ្លៃថ្នូរ ហើយប្រាក់ខែសន្សំទុកអស់នោះទេ។
៦ ចេះបើកចំហចំពោះមតិស្ថាបនា ក្នុងន័យស្ថាបនាដោយមិនមានការការពារខ្លួនប្រកែកយកត្រូវ ឬជាបុគ្គលអវិជ្ជមាន។
៧ ចេះលើកទឹកចិត្តខ្លួនឯង មិនផ្ដេកផ្ដួលត្អូញត្អែរបង្កភាពអាប់អួ។
៨ ព្រមចេះចែករំលែកគំនិត ចំណេះ និងបទពិសោធន៍ ដើម្បីកែលំអ។
៨ មានការលើកទឹកចិត្តនិងចរិត វិជ្ជមាននិងបង្កើតវប្បធម៌ល្អ ដល់សមាជិកក្រុមផ្សេងទៀត។