យប់ថ្ងៃសែនចូលឆ្នាំចិនទី១ អគ្គិភ័យឆេះផ្ទះពលរដ្ឋ ០៣ខ្នង ជាប់គ្នាដោយសារកម្ទេចភ្លើងធូប

ផ្ទះប្រជាពលរដ្ឋចំនួន ០៣ខ្នង ជាប់គ្នាដែលសាងសង់អំពីឈើប្រក់ក្បឿង ត្រូវបានអគ្គិភ័យឆាបឆេះ យ៉ាងសន្ធោសន្ធៅខូចខាតអស់ទាំងស្រុងនៅថ្ងៃសែនចូលឆ្នាំចិនទី១ ដោយសារកម្ទេចភ្លើងធូប។ ហេតុការណ៍គ្រោះ អគ្គិភ័យនេះបានកើតឡើងនៅវេលាម៉ោង ១២និង០២នាទី យប់រំលងអធ្រាត្រ ឈានចូលថ្ងៃទី១៧ ខែកុម្ភៈ ឆ្នាំ២០២៦ នៅភូមិគោកកណ្ដាល ឃុំភក្ដី ស្រុកបសេដ្ឋ ខេត្តកំពង់ស្ពឺ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់ស្នងការដ្ឋាននគរបាលខេត្តកំពង់ស្ពឺបានអោយដឹងថា ផ្ទះដែលត្រូវអគ្គិភ័យឆាប ឆេះនេះមានចំនួន០៣ខ្នង ធ្វើពីឈើលើដំបូលប្រក់ក្បឿង ជញ្ជាំងក្ដា ថ្មក្រោម ទំហំ6mx8m ម្ចាស់ឈ្មោះ ប្រាក់ ចាន់ណា ភេទស្រី អាយុ៣៨ឆ្នាំ ខូចខាតប្រាក់រៀលចំនួន ៧,០០ ០,០០០ រៀលនិងសម្ភារៈប្រើប្រាស់ក្នុងផ្ទះមួយចំនួន។

ផ្ទះទី២ម្ចាស់មានឈ្មោះ ប្រាក់ ណុំ ភេទប្រុស អាយុ៦៩ឆ្នាំ ធ្វើពីឈើលើ ដំបូលប្រក់ក្បឿង ជញ្ជាំងក្ដា ថ្មក្រោម ទំហំ០៦m x ០៨m ខូចខាត៖ ខ្សែកផ្លាកទីន ០៩ជី មាស ០២ តម្លឹង និង សម្ភារៈប្រើប្រាស់មួយចំនួន។ ចំណែកផ្ទះទី៣ ជារបស់ឈ្មោះ សឿង ធឹម  ភេទប្រុស អាយុ៥៥ឆ្នាំ ធ្វើពីឈើលើ ដំបូលប្រក់ក្បឿង ជញ្ជាំងក្ដា ថ្មក្រោម ទំហំ ០៦m x ០៨m បណ្ដាលឲ្យខូចខាតស្រូវ៣០បាវ ឯកសារអត្ត សញ្ញាណប័ណ្ណ១០សន្លឹក , សំបុត្របញ្ជាក់កំណើតចំនួន ១០សន្លឹក ឯកសារប្លង់ដី មួយចំនួន។

របាយការណ៍ ដដែលបានបញ្ជាក់ថា មូលហេតុ ដែលបង្កឲ្យមានករណីអគ្គិភ័យនេះដោយសារកម្ទេច ភ្លើងធូប ដែលធ្លាក់ មក លើពូកបណ្ដាល អោយឆេះនិងបន្ដរាលដាល ជាអណ្ដាត ភ្លើងតែម្ដង។

លោកវរសេនីយ៍ឯក ចន សុភីត អធិការនគរបាលស្រុកបសេដ្ឋបានអោយដឹងថា ករណីខាងលើកម្លាំងនគរបាលបានជួយអន្ដរាគមន៍ ដោយសារតែស្ថានភាពផ្ទះសង់ជាប់គ្នាទាំង៣ខ្នង អំណាចភ្លើងឆេះ ពេញបន្ទុកការ ប្រើប្រាស់ រថយន្តអគ្គិភ័យ ០៣គ្រឿង ទើបបអាចគ្រប់គ្រងស្ថានការណ៍បាន តែពុំមានបង្កគ្រោះថ្នាក់ដល់មនុស្សសត្វឡើយ៕