សន្តិសុខសង្គម

ខឹងប្រពន្ធទៅផឹកស្រាផ្ទះបងប្អូន កើតភ្លើងប្រចណ្ឌដុតផ្ទះឆេះខ្ទេច

បានផុស

៥ years មុន

នៅ

ថ្ងៃអង្គារ ១៤ ធ្នូ ២០២១

ដោយ

ដោយសារភ្លើងប្រចណ្ឌ ធ្វើឲ្យបុរសជាប្តីប្រើអំពើហិង្សារហូតឈានទៅដល់ដុតផ្ទះខ្លួនឯង បណ្តាលអោយខូចខាតទាំងស្រុង ។

ហេតុការណ៍ខាងលើនេះបានកើតឡើងនៅថ្ងៃទី១៣ ខែធ្នូ ឆ្នាំ២០២១ វេលាម៉ោង២២និង១០នាទី នៅត្រង់ចំណុចចុងអូប្រង់ ស្ថិតនៅក្នុងភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ក្នុងករណីអគ្គិភ័យនេះធ្វើឲ្យខូចខាតផ្ទះទំហំ៥ម៉ែត្រ× ៦ម៉ែត្រ ធ្វើអំពីឈើប្រក់ស័ង្កសីចំនួន០១ខ្នង, ស្រូវ៣៥បេ និងសម្ភារៈប្រើប្រាស់ក្នុងផ្ទះមួយចំនួនទៀត ។

ជនបង្កជាប្តីមានឈ្មោះ ក្លឹង ស៊ី អាយុ២៥ឆ្នាំ ជនជាតិព្នង និងប្រពន្ធឈ្មោះ ថាំ បឺប អាយុ២៣ឆ្នាំ ជនជាតិព្នង មានទីលំនៅបច្ចុប្បន្នភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី ។

សមត្ថកិច្ចបានបញ្ជាក់ថា មូលហេតុនៃការដុតផ្ទះខាងលើនេះ បណ្តាលមកពីភ្លើងប្រចណ្ឌប្រពន្ធដោយសារទៅផឹកស្រានៅផ្ទះបងប្អូន ពេលប្តីបបួលមកផ្ទះវិញប្រពន្ធមិនព្រមមក ទើបកើតជាភ្លើងប្រចណ្ឌបង្កជាអំពើហិង្សាឈានទៅដុតផ្ទះខ្លួនឯងតែម្តង ៕