សន្តិសុខសង្គម
ជនសង្ស័យម្នាក់ដើរមកឆក់ទូរស័ព្ទនារីម្នាក់បានសម្រេចនៅក្រោមស្ពានអាកាសស្ទឹងមានជ័យ
នារីវ័យជំទង់ម្នាក់ ត្រូវបានជនសង្ស័យមា្នក់ដើរមកឆក់យកទូរស័ព្ទបានសម្រេចរួចរត់គេចខ្លួនបាត់ស្រមោល ខណៈដែលជនរងគ្រោះកំពុងឈប់ម៉ូតូនិយាយទូរស័ព្ទជាមួយម្ដាយ។
ករណីនេះ បានកើតឡើងកាលពីវេលាម៉ោង១៥និង៣០នាទី ថ្ងៃទី១០ ខែមីនា ឆ្នាំ២០២២ នៅចំណុចក្រោមស្ពានអាកាសស្តឹងមានជ័យ ហើយក្រោយឆក់ទូរស័ព្ទបាន ជនសង្ស័យបានរត់គេចខ្លួនចូលក្នុងភូមិមច្ឆា សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
តាមការរៀបរាប់ទាំងទឹកភ្នែកពីសំណាក់យុវតីរងគ្រោះបានអោយដឹងថា នៅមុនកើតហេតុ នាងបានជិះម៉ូតូមួយគ្រឿងទើបត្រឡប់មកពីទិញសម្ភារ:ចេញពីផ្សារដើមគ ក្នុងគោលដៅត្រឡប់ទៅផ្ទះវិញ ។ លុះដល់ចំណុចក្រោមស្ពានអាកាសស្ទឹងមានជ័យនាងក៏បានឈប់ម៉ូតូនៅចំណុចកើតហេតុ ដើម្បីនិយាយទូរស័ព្ទជាមួយម្តាយ ។ ស្របពេលជាមួយគ្នានោះ ក៏លេចមុខជនសង្ស័យម្នាក់ដើរចេញមកពីម្តុំខាងក្រោយវត្តស្ទឹងមានជ័យ ប្លុកតំបន់មិនរៀបរយ បានដើរទៅក្បែរយុវតីរងគ្រោះ ហើយបានធ្វើសកម្មភាពឆក់យកទូរស័ព្ទពីដៃយុវតីរងគ្រោះ រួចរត់គេចខ្លួនចូលសំបុករបស់ខ្លួនដោយសុវត្ថិភាព ។
ក្នុងពេលជាមួយគ្នានោះ យុវតីរងគ្រោះខាងលើបានព្យាយាមរត់ដេញតាមជនសង្ស័យដែរ ប៉ុន្តែរត់ដេញមិនទាន់ឡើយម្យ៉ាងនាងខ្លាចបាត់ម៉ូតូផង ក៏ត្រឡប់ទៅរកម៉ូតូវិញ ហើយក៏បានឡើងជិះម៉ូតូទៅប្តឹងសមត្ថកិច្ចចរាចរណ៍ ដែលនៅប្រចាំការនៅក្រោមស្ពានអាកាសស្ទឹងមានជ័យ ដើម្បីសុំកិច្ចអន្តរាគមន៍ទាំងស្ថានភាពភ័យខ្លាច និងកំពុងយំផង ។
បន្ទាប់ពីបង្កអោយមានការភ្ញាក់ផ្អើលរួចមក សមត្ថកិច្ចនគរបាលប៉ុស្តិ៍ស្ទឹងមានជ័យទី១ បានចុះអន្តរាគមន៍ និងណែនាំអោយយុវតីរងគ្រោះ រួមទាំងសាច់ញាតិ អោយទៅដាក់ពាក្យបណ្តឹងនៅប៉ុស្តិ៍នគរបាល ប៉ុន្តែភាគីរងគ្រោះសម្រេចមិនប្តឹងផ្ដល់ហើយក៏នាំគ្នាជិះម៉ូតូត្រឡប់ទៅផ្ទះតែម្តង ៕
អត្ថបទ៖ លីហេង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល