Connect with us

សន្តិសុខសង្គម

មេជាងកាប់ម្ចាស់សំណង់ រងរបួសសុះសាច់ ដោយសារការបញ្ឈប់មិនឲ្យធ្វើបន្ត

បានផុស

នៅ

បុរសម្នាក់ ដែលជាម្ចាស់សំណង់ ត្រូវបានក្រុមគ្រូពេទ្យជួយសង្គ្រោះ បន្ទាប់ពីត្រូវបានជាងសំណង់របស់ខ្លួនប្រើបុ័ងតោកាប់ជាច្រើនកាំបិតរួចមក។ ជនសង្ស័យ​ម្នាក់​ ត្រូវបាន​កម្លាំង​សមត្ថកិច្ច​ចុះ​ឃាត់ខ្លួន​ភ្លាមៗ កាលពីថ្ងៃទី​ ០៥ ខែកក្កដា ឆ្នាំ ២០២២ វេលា​ម៉ោង​ ៦ និង​ ៣០​ នាទីល្ងាច នៅ​ចំណុច​ក្រុមទី​ ០៨ ភូមិ ជ្រោយ​ម្ទេស ឃុំ​តា​ម៉ឺន ស្រុក​ថ្មគោល ខេត្តបាត់ដំបង បន្ទាប់ពី​មាន​ករណី​ហិង្សា​ដោយ​ចេតនា​មាន​ស្ថាន​ទម្ងន់ទោស​រួចមក​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះ​បង្កដោយ​ជនសង្ស័យឈ្មោះ​ សេង សារុន ភេទ​ប្រុស អាយុ​ ៤៧ ​ឆ្នាំ រស់នៅ​ភូមិ​ជ្រោយ​ម្ទេស ឃុំ​តា​ម៉ឺន ស្រុក​ថ្មគោល បានធ្វើ​សកម្មភាព​យក​កាំបិត​បុ័ងតោ​កាប់​ទៅលើ​ជនរងគ្រោះឈ្មោះ ចាន់ ​សារ៉េត ភេទ​ប្រុស​ អាយុ ៦២ ​ឆ្នាំ​ រស់នៅ​ភូមិ​ជ្រោយ​ម្ទេស ឃុំ​តា​ម៉ឺន​ ស្រុក​ថ្មគោល ជាច្រើន​កាំបិត បណ្ដាលឱ្យ​រងរបួស​ត្រង់​ក្បាល ផ្នែក​ខាងលើ​និង​ផ្នែក​ខាងក្រោយ ខ្នងដៃ​ខាងឆ្វេង​និង​កំភួនដៃ​ចំហៀង​ខាងឆ្វេង​។

ដោយ​អនុវត្តតាម​បទបញ្ជា​របស់លោក​ឧ​ត្ត​ម​សេនីយ៍​ទោ សាត គឹម​សាន ស្នងការ​នៃ​ស្នងការដ្ឋាន​នគរបាល​ខេត្តបាត់ដំបង រួចមក​លោក​វរសេនីយ៍ទោ សេង លុច អធិការនគរបាល​ស្រុក​ថ្មគោល បាន​ដឹកនាំ​កម្លាំង​ជំនាញ​ធ្វើ​ការស្រាវជ្រាវ​រហូត​ឃាត់ខ្លួន​ជនសង្ស័យ​​ខាង​លើបាន ​និង​ដកហូត​វត្ថុតាង​មាន​កាំបិតបុ័ងតោ​ផ្លែ​ដែក​ដង​ឈើ ចំនួន​១ ​ដែល​ជនសង្ស័យ ប្រើប្រាស់​ក្នុង​អំពើល្មើស​នេះ​រួច​ នាំមក​ធ្វើការ​សាកសួរ​នៅ​អធិការដ្ឋាន​នគរបាល​ស្រុក​។

លោក​វរសេនីយ៍ទោ សេង លុច បាន​បញ្ជាក់ថា តាម​ច​ម្លើ​សារភាព​រប​ស់​ជនសង្ស័យ​ថា មូល​ហេតុដែល​ជនសង្ស័យ ប្រើ​ហិង្សា​បែបនេះ​ទៅ​លើជនរងគ្រោះ​ គឺ​ដោយសារតែកន្លងមក​ជនរងគ្រោះ​ធ្វើសំណង់​បន្ទប់ទឹក​នៅផ្ទះ​របស់គាត់ ហើយ​ជួល​ជនសង្ស័យ​នេះ​មក​ធ្វើសំណង់​នោះ​ត្បិត​ជនសង្ស័យ​នេះ​ជាជាង​សំណង់​។ ដោយសារតែ​ការ​ធ្វើការងារ​របស់​ជាង​នេះ បាត់​ឃើញៗ ហើយ សំណង់​ទុកចោល​មិន​ធ្វើឱ្យ​រួចរាល់ ទើប​ម្ចាស់​សំណង់​ជា​ជនរងគ្រោះ​បញ្ឈប់ មិនឱ្យ​ជនសង្ស័យ​ធ្វើ​ការងារ​នេះ​បន្តទៀត​។ ដោយមាន​កំហឹង​បែបនេះ​ហើយ​ទើប​នៅ​ថ្ងៃ​កើ​ត​ហេតុ​ខាង​លើ ជនសង្ស័យ​បាន​យក​កាំបិតបុ័ងតោ មក​កាប់​ទៅ​លើជនរងគ្រោះ​ជា​ច្រើន​កន្លែង​បណ្តាលឱ្យ​រងរបួស​ធ្ងន់ធ្ងរ​តែម្តង​។

បច្ចុប្បន្ន​ សមត្ថកិច្ច​បា​ន​រៀបចំ​សំណុំរឿង​បញ្ជូន​ជនសង្ស័យ​ និង​វត្ថុតាង​មកកាន់​ការិយាល័យ​ជំនាញ​ដើម្បី​អនុវត្ត​បន្ត​តាម​នីតិវិធីច្បាប់​៕

អត្ថបទ៖ សោ និយម​រ័ត្ន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

លោក ហេង សួរ ចង់ឱ្យ​គម្រោង​គាំទ្រ​ស្ត្រី​ក្នុង​វិស័យ​ថែរក្សា​សម្ផស្ស និង​សហគ្រិនភាព ក្លាយជា​កូនសោ​ពង្រីក​ការបណ្តុះបណ្តាល​ជំនាញ​ដល់​ពលរដ្ឋ​ខ្មែរ​កាន់តែច្រើន

ព័ត៌មានជាតិ៣ ម៉ោង មុន

ការថតវីដេអូ Pre-Wedding នៅតាមប្រាង្គប្រាសាទ​កើន​ជិត ៤ ពាន់វីដេអូ

ព័ត៌មានជាតិ៣ ម៉ោង មុន

មន្រ្តីក្រសួង​សាធារណការ​ចុះ​ប្រមូលព័ត៌មាន​​​​ទីតាំង​​​​សាងសង់​ផ្លូវល្បឿនលឿនភ្នំពេញ-សៀមរាប

ព័ត៌មានជាតិ៤ ម៉ោង មុន

នាយទាហានកម្ពុជា៨រូប បានការពារសារណាបញ្ចប់ការសិក្សាដោយជោគជ័យ នៅប្រទេសចិន

ព័ត៌មានជាតិ៤ ម៉ោង មុន

ជប៉ុន ប្រគល់គ្រឿងឥស្សរិយយសជូនលោក ពិត ចំណាន ដែលបានលើកកម្ពស់ទំនាក់ទំនងកម្ពុជា-ជប៉ុន លើវិស័យអប់រំ

ជីវិតកម្សាន្ដ៥ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៧ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ចរាចរណ៍២ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៥ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៤ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម