សន្តិសុខសង្គម
អុជធូបសែនហើយមិននៅផ្ទះក៏ឆាបឆេះភ្លើងធូបជាមួយធុងដាក់អាកុលក្នុងហាងលក់វត្ថុអនុស្សាវរីយ៍
ម្ចាស់ហាងលក់វត្ថុអនុស្សាវរីយ៍ យីហោ តែ ម៉េងហេង បានអុជធូបសែនរួចមិននៅផ្ទះក៏ឆាបឆេះភ្លើងធូបជាមួយធុងដាក់អាកុលបណ្ដាលឲ្យមានអណ្ដាតភ្លើងកើតឡើង។
ហេតុការណ៍នេះវេលាម៉ោង ១១ និង៣០នាទីថ្ងៃទី១២ខែសីហាឆ្នាំ២០២២ មានករណីអគ្គិភ័យក្នុងក្រុមទី៦ ភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប។
លោកឧត្តមសេនីយ៍ត្រី ភឹង ចិន្តារ៉េត ស្នងការរងស្តីទី នៃស្នងការដ្ឋាននគរបាលខេត្តសៀមរាបបានឲ្យដឹងថា ដោយទទួលបានសេចក្តីរាយការណ៍ករណីគ្រោះអគ្គិភ័យបានកើតឡើងកម្លាំងសមត្ថកិច្ចចម្រុះបានចុះទៅជួយពពន្លត់ក្នុងហាងលក់វត្ថុអនុស្សាវរីយ៍ យីហោ តែ ម៉េងហេង។
លោកបន្ថែមថា ក្នុងហេតុការណ៍ឆេះនេះមានមន្ត្រីចរាចរណ៍ចំនួននាក់ដែលប្រចាំការនៅ ស្តុបសារៈមន្ទីរដែលមានឆន្ទះនិងស្មារតីគោរពស្រឡាញ់ ការពារទ្រព្យសម្បត្តិប្រជាពលរដ្ឋ បានមើលឃើញផ្សែងខ្មៅ ពួកគាត់ មិនប្រកាន់តួនាទីនិងភារកិច្ចបាននាំគ្នារត់ទៅកន្លែងកើតហេតុពិនិត្យមើលឃើញថាមានភ្លើងឆេះក្នុងផ្ទះល្វែង១ខ្នងដែលម្ចាស់ផ្ទះមិននៅព្រោះឃើញទ្វារចាក់សោរខាងក្រៅ។
គ្រានោះគាត់បានរាយការណ៍មកមេវេនរួចក៏នាំគ្នាវ៉ៃសោរចូលទៅក្នុង ពេលវ៉ៃសោររបើកហើយក៏យកបំពង់អគ្គិភ័យអ្នកជិតខាងនិងបំពង់អគ្គិភ័យដែលលោកស្នងការបំពាក់នឹងម៉ូតូរបស់ក្រុមអន្តរាគមន៍នគរបាលចរាចរណ៍ ទៅបាញ់ពន្លត់នៅក្នុងផ្ទះ ស្របគ្នាពេលនោះក៏មានរថយន្តអគ្គិភ័យរបស់ស្នងការនគរបាលខេត្តសៀមរាបទៅដល់ផងដែរ។លោកបន្ថែមថា ដោយមានកិច្ចសហការគ្នាល្អ អគ្គិភយ័ដែលឆាបឆេះនោះបានរលត់ទាំងស្រុងទៅវិញនៅម៉ោង ១២និង២៥នាទីថ្ងៃខែដដែល។
លោកបញ្ជាក់ទៀតថា ករណីអគ្គិភ័យនេះ គឺបណ្តាលមកពី អុជធូបសែន ហើយម្ចាស់មិននៅផ្ទះ រួចឆាបឆេះភ្លើងធូបជាមួយធុងដាក់អាកុល បណ្ដាលឲ្យមានអណ្ដាតភ្លើងកើតឡើង៕
អត្ថបទ៖ កុសល
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)