សន្តិសុខសង្គម
លោក ទៀ សីហា ទាត់ចោលសំណើបន្តជួបជុំរបស់បក្សLDP ហើយព្រមានចាត់វិធានការនៅយប់នេះ បើមិនរំសាយ
អភិបាលខេត្តសៀមរាប លោក ទៀ សីហា បានទាត់ចោលលិខិតជូនដំណឹងរបស់គណបក្សសម្ព័ន្ធដើម្បីប្រជាធិបតេយ្យដែលចង់បន្តការជួបជុំប្រមូលផ្តុំរហូតដល់ដាច់ខែកញ្ញា ឆ្នាំ២០២២។ ក្រៅពីទាត់ចោល លោកថែមទាំងព្រមានទៀតថា អាជ្ញាធរខេត្តសៀមរាប នឹងចាត់វិធានការទៅតាមច្បាប់ បើសិនគណបក្សសម្ព័ន្ធដើម្បីប្រជាធិបតេយ្យមិនរំសាយការជួបជុំតាមបញ្ជារបស់អាជ្ញាធរទេនោះ។
លោក ទៀ សីហា បានអះអាងប្រាប់«កម្ពុជាថ្មី»បែបនេះ៖ «ការជូនដំណឹងទៅឃុំ ដោយមិនបានដាក់មកស្រុកឬខេត្តនោះទេ។ ហើយលិខិតនេះ គឺមុនអាជ្ញាធរបានចុះទៅពិនិត្យទីតាំងជាក់ស្តែង ហេតុនេះ យើងមិនអនុញាតការប្រមូលផ្តុំនេះជាដាច់ខាត យើងនឹងបន្តអនុវត្តតាមនីតិវិធី នាថ្ងៃទី៣០ខែសីហា ម៉ោង ២៤:០០នេះ»។
ការអះអាង និងការព្រមានរបស់អភិបាលខេត្តសៀមរាបនេះ ជាការឆ្លើយតបទៅនឹងគណបក្សសម្ព័ន្ធដើម្បីប្រជាធិបតេយ្យ(LDP)របស់លោក ខឹម វាសនា ប្រចាំខេត្តសៀមរាប ដែលបានជូនដំណឹងទៅអាជ្ញាធរសៀមរាបពីគម្រោងជួបជុំសមាជិកបក្សរបស់ខ្លួន នឹងត្រូវបន្តរហូតដល់ដំណាច់ខែកញ្ញា ឆ្នាំ២០២២។ លិខិតនេះ តំណាងគណបក្ស LDP ប្រចាំខេត្តសៀមរាបនេះ ដាក់ជូនទៅកាន់អភិបាលខេត្តសៀមរាប កាលពីថ្ងៃទី៣០ ខែសីហា ឆ្នាំ២០២២នេះ។
គណបក្សសម្ព័ន្ធដើម្បីប្រជាធិបតេយ្យបានលើកឡើងនៅក្នុងលិខិតនោះថា ការជួបជុំនេះ គណបក្សសម្ព័ន្ធដើម្បីប្រជាធិបតេយ្យ គឺបានសហការយ៉ាងជាប់លាប់ជាមួយអាជ្ញាធរមូលដ្ឋាន ហើយបានដាក់លិខិតជូនដំណឹងទៅរដ្ឋបាលឃុំត្បែង ដើម្បីជ្រាបជាដំណឹង កាលពីថ្ងៃទី២៧ ខែសីហា ឆ្នាំ២០២២ និងបានអនុញ្ញាតឱ្យសមត្ថកិច្ចអាចចេញចូល ដើម្បីត្រួតពិនិត្យក្នុងបរិវេណទីតាំងជួបជុំរាល់ពេលវេលា។
សម្រាប់ការជួបជុំនេះ គណបក្សសម្ព័ន្ធដើម្បីប្រជាធិបតេយ្យអះអាងថា បានរៀបចំរក្សាសណ្តាប់ធ្នាប់យ៉ាងមានរបៀបរៀបរយ ហើយរក្សាអនាម័យបានល្អ និងបានអនុវត្តតាមវិធានការចុងក្រោយរបស់ក្រសួងសុខាភិបាលអំពីការការពារពីការឆ្លងជំងឺកូវីដ១៩។ ចំពោះសំណង់នានាក្នុងបរិវេណចម្ការដែលជាកម្មសិទ្ធិស្របច្បាប់ គឺគ្រាន់តែជាសំណង់ស្រាលសម្រាប់សម្រាកក្នុងរយៈពេលខ្លី ពុំមែនជាសំណង់រឹងមាំឡើយ។ រីឯ រយៈពេលនៃការជួបជុំរបស់គណបក្សក្នុងបរិវេណចម្ការនេះ បានបញ្ជាក់ច្បាស់លាស់ក្នុងលិខិតជូនដំណឹងទៅរដ្ឋបាលឃុំតែងរួចរាល់ហើយ គឺនឹងបញ្ចប់នៅដំណាច់ខែកញ្ញា ឆ្នាំ២០២២។
លិខិតដដែលនេះ គណបក្សសម្ព័ន្ធដើម្បីប្រជាធិបតេយ្យ បានបញ្ជាក់ថា ខ្លួន គឺជាគណបក្សនយោបាយស្របច្បាប់ មានប្រកាសទទួលស្គាល់ជាផ្លូវការពីក្រសួងមហាផ្ទៃ ដូច្នេះ ការជួបជុំសមាជិករបស់គណបក្សដែលបានធ្វើមកនេះ ពុំមានអ្វីដែលផ្ទុយនឹង ច្បាប់នៃព្រះរាជាណាចក្រកម្ពុជាឡើយ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង