Connect with us

សន្តិសុខសង្គម

តុលាការសម្រេចឃុំខ្លួនក្រុមជនសង្ស័យគាស់ផ្ទះ៣នាក់ ដាក់ពន្ធនាគារបណ្តោះអាសន្ន

បានផុស

នៅ

កាលពីល្ងាចថ្ងៃទី១៥ ខែកញ្ញា ឆ្នាំ២០២២ លោក អឿង វណ្ណា ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនក្រុមជនសង្ស័យដែលគាស់ផ្ទះមន្ត្រីនគរបាលម្នាក់ ដាក់ពន្ធនាគារបណ្តោះអាសន្ន ពីបទ “លួចមានស្ថានទម្ងន់ទោស ” តាមមាត្រា៣៥៣ និងមាត្រា៣៥៧ នៃក្រមព្រហ្មទណ្ឌ ។ ដែលប្រព្រឹត្តកាលពីថ្ងៃទី១២ ខែកញ្ញា ឆ្នាំ២០២២ វេលាម៉ោង២៣និង៣០នាទីយប់ នៅចំណុចផ្ទះរបស់ជនរងគ្រោះ ភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្តាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនត្រូវចោទទី១ឈ្មោះ ប៉េង ពៅ ភេទប្រុស អាយុ២៥ឆ្នាំ ជនជាតិខ្មែរ មានទីលំនៅភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបររត់តុការ។ ទី២ឈ្មោះ យ៉ុន ហេង ភេទប្រុស អាយុ២៥ឆ្នាំ ជនជាតិខ្មែរ មានទីលំនៅភូមិលេខ១(ក) សង្កាត់ស្វាយរលំ ក្រុងតាខ្មៅ ខេត្តកណ្តាល មុខរបរមិនពិតប្រាកដ។ ទី៣ឈ្មោះ ខន សុដានិត ភេទប្រុស អាយុ២៥ឆ្នាំ ជនជាតិខ្មែរ ទីលំនៅភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្តាល មុខរបរមិនពិតប្រាកដ។

នគរបាលក្រុងតាខ្មៅបានអោយដឹងថា ជនរងគ្រោះឈ្មោះ ថា សុជាតិ ភេទប្រុស អាយុ៤០ឆ្នាំ ជនជាតិខ្មែរ មានទីលំនៅភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្តាល មុខរបរនគរបាល។

នគរបាលក្រុងតាខ្មៅ បានប្រាប់អោយដឹងទៀតថា មុនពេលកេីតហេតុ ជនរងគ្រោះព្រមទាំងក្រុមគ្រួសារបានចាកចេញពីផ្ទះដោយបានចាក់សោរទ្វារផ្ទះត្រឹមត្រូវ រួចធ្វេីដំណេីរទៅមេីលដីចំការនៅតាមខេត្តបាត់ទៅ។

លុះដល់វេលាកេីតហេតុស្រាប់តែក្រុមជនសង្ស័យបានធ្វេីសកម្មភាពគាស់ផ្ទះរបស់ជនរងគ្រោះលួចយកទ្រព្យសម្បត្តិ ហេីយនាំគ្នាគេចខ្លួនបាត់ទៅ។

រហូតដល់ថ្ងៃទី១២ ខែឆ្នាំដដែល ពេលជនរងគ្រោះត្រឡប់មកដល់ផ្ទះវិញបានឃេីញទ្វារផ្ទះត្រូវបានក្រុមចោរកាត់សោរចូលរេីកកាយលួចយកទ្រព្យសម្បត្តិអស់ ក៏រាយការណ៍ប្រាប់នគរបាលប៉ុស្តិ៍ស្វាយរលំចុះទៅឆែកមេីលកាមេរ៉ាសុវត្ថិភាពកំណត់មុខសញ្ញាបានរួចធ្វេីការស្រាវជ្រាវរហូតដល់ថ្ងៃទី១៤ទេីបឃាត់មុខសញ្ញាបានចំនួន៣នាក់រួមទាំងវត្ថុតាងយកទៅសាកសួរនៅប៉ុស្តិ៍ រួចបញ្ជូនមកកាន់អធិការដ្ឋាននគរបាលក្រុងតាខ្មៅដេីម្បីចាត់ការតាមនីតិវិធី៕

អត្ថបទ៖ ឆៃ យ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៤២ វិនាទី មុន

គ្រូ​ U23 ជប៉ុន​​និយាយ​​ពី​​​ក្រុម​​របស់​លោក​​​​​ជ្រើស​រើស​​​ពី​​សាកល​​វិទ្យាល័យ

ព័ត៌មានជាតិ១៣ នាទី មុន

រដ្ឋសភា អនុម័តគម្រោងចំណាយថវិការបស់ខ្លួន សម្រាប់ឆ្នាំ ២០២៣ ដើម្បីបញ្ជូនទៅក្រសួងសេដ្ឋកិច្ច និងហិរញ្ញវត្ថុ  

ព័ត៌មានអន្ដរជាតិ១៩ នាទី មុន

លោក បៃដិន នៅតែអះអាងថា កងកម្លាំង អាមេរិក នឹងការពារកោះតៃវ៉ាន់

សន្តិសុខសង្គម២៩ នាទី មុន

អភិបាលខេត្តស្ទឹងត្រែង​ព្រមាន​ថា ភូមិឃុំស្រុកណា មានល្បែងស៊ីសង នឹងត្រូវទទួលខុសត្រូវ​ចំពោះមុខច្បាប់

KPT+៤៧ នាទី មុន

ឱកាសសិក្សា របាំបុរាណ របាំប្រពៃណី ល្ខោនខោល ដោយឥតបង់ថ្លៃ ពីសាលាមធ្យមវិចិត្រសិល្បៈ

Sokha Hotels

ព័ត៌មានពេញនិយម