សន្តិសុខសង្គម
បំបែកសំណុំរឿងឃាតកម្ម បែកធ្លាយករណីគ្រឿងញៀនពាក់ព័ន្ធមន្ត្រីអាវុធហត្ថស្រុកម្នាក់
កម្លាំងការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តស្ទឹងត្រែង បំបែកសំណុំរឿងឃាតកម្មឃាត់ខ្លួនជនសង្ស័យពីរនាក់ បែកធ្លាយករណីគ្រឿងញៀនឃាត់ខ្លួនជនសង្ស័យ២នាក់បន្ថែមទៀត ម្នាក់ជាមន្ត្រីកងរាជអាវុធហត្ថស្រុកបុរីអូរស្វាយសែនជ័យ។
ពាក់ព័ន្ធក្នុងករណីបែកធ្លាយគ្រឿងញៀននេះ សមត្ថកិច្ចបានឃាត់ខ្លួនសង្ស័យពីរនាក់កាលយប់កណ្ដាលអាធ្រាត្រថ្ងៃទី ២៧ ខែកញ្ញា ឆ្នាំ២០២២ម្នាក់នៅភូមិអូរស្វាយ និងម្នាក់ភូមិរិទ្ធិសែនជ័យ២ ឃុំអូរស្វាយ ស្រុកបូរីអូស្វាយសែន ខេត្តស្ទឹងត្រែង។
លោកវរសេនីយ៍ឯក វ៉ា សុផាន់ ស្នងការរងទទួលផែនព្រហ្មទណ្ឌកម្រិតធ្ងន់បានឱ្យដឹងថា ក្រោយការគាត់ខ្លួនជនសង្ស័យទាំងពីរនាក់ពាក់ព័ន្ធក្នុងករណីឃាតកម្ម សមត្ថកិច្ចបានចាប់ខ្លួនជនសង្ស័យពីរនាក់មាន ១.ឈ្មោះ ជាតិ សារ៉ូ ភេទប្រុសអាយុ១៨ឆ្នាំ មុខរបរមិនពិតប្រាកដ។ ទី២ .ឈ្មោះ គង់ សំអឿន ភេទប្រុសអាយុ២៧ឆ្នាំ មុខរបរមិនពិតប្រាកដ ជនសង្ស័យទាំងពីរនាក់រស់នៅភូមិរិទ្ធសែនជ័យ២ ឃុំអូរស្វាយ ស្រុកបុរីអូស្វាយសែនជ័យ ខេត្តស្ទឹងត្រែង។
លោកស្នងការរងបានបញ្ជាក់បន្ថែមថា ក្រោយការសាកសួរជនសង្ស័យទាំងពីរនាក់ជាឃាតករបានបែកធ្លាយករណីគ្រឿងញៀន ថាខ្លួនបានប្រើប្រាស់គ្រឿងញៀនជាមួយមន្ត្រីអាវុធហត្ថម្នាក់ និងជនសង្ស័យម្នាក់ទៀត ទើបសមត្ថកិច្ចឈានដល់ការឃាត់ខ្លួនជនសង្ស័យទាំងពីរនាក់បន្ថែមទៀត ប្រគល់ឱ្យការិយាល័យប្រចាំគ្រឿងញៀនខេត្តចាត់ការបន្ត។
លោកវីរៈសេនីយ៍ទោ ចែម ផានិត នាយការិយាល័យប្រឆាំងគ្រឿងញៀនខេត្តក៏បានឲ្យដឹងដែរថា ជនសង្ស័យទាំងពីរនាក់នោះ គឺពាក់ព័ន្ធក្នុងករណីប្រើប្រាស់គ្រឿងញៀនដែលពួកគេបានទិញ ហើយយកទៅប្រើប្រាស់ជាមួយជនសង្ស័យម្នាក់ដែលជាឃាតករដាក់ខ្នោះហើយទើបសម្លាប់។
លោកនាយការិយាល័យបញ្ជាក់បន្ថែមថា ជនសង្ស័យទាំងពីរនាក់មាន ១.ឈ្មោះ ពៅ វាសនា ភេទប្រុស អាយុ៣១ឆ្នាំ ជាមន្ត្រីកងរាជអាវុធហត្ថស្រុកបុរីអូរស្វាយសែនជ័យ។ ២.ឈ្មោះ ឈិត ថា ភេទប្រុសអាយុ៤៩ឆ្នាំ កសិកររស់នៅភូមិររិទ្ធីសែនជ័យ២ ឃុំអូស្វាយស្រុកបុរីអូរស្វាយសែនជ័យ។
បច្ចុប្បន្នជនសង្ស័យពីរនាក់ជាឃាតករត្រូវបានតុលាការឃុំខ្លួនហើយ។ ចំណែកជនសង្ស័យពីរនាក់ទៀតពាក់ព័ន្ធក្នុងករណីប្រើប្រាស់គ្រឿងញៀក៏ត្រូវបានការិយាល័យប្រឆាំងគ្រឿងញៀនធ្វើការសាកសួរដើម្បីកសាងសំណុំរឿងបញ្ជូនទៅកាន់តុលាការចាត់ការទៅតាមនីតិវិធី៕
អត្តបទ៖ ងិនលីម
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង