សន្តិសុខសង្គម
ជនសង្ស័យវាយប្លន់យកកាបូបលុយពីយុវជន៣នាក់បានសម្រេចខណ្ឌពោធិ៍សែនជ័យ
យុវជន៣នាក់ជិះម៉ូតូឌុបគ្នាមកពីដេីរលេងត្រូវជនសង្ស័យមួយក្រុមមកធ្វើសកម្មភាពធាក់ផ្ដួល រួចចុះមកវាយ ប្លន់យកកាបូបលុយបានសម្រេច ហើយនាំគ្នាជិះម៉ូតូគេចខ្លួនបាត់។
ហេតុការណ៍នេះបង្កការភ្ញាក់ផ្អើលនៅវេលាម៉ោង ១ និង៣០ នាទីរំលងអាធ្រាតឈានចូលថ្ងៃទី៩ខែ វិច្ឆិកា ឆ្នាំ ២០២២ នៅត្រង់ចំណុចមុខក្រុមហ៊ុន ម៉ាស្តា តាមបណ្តោយមហាវិថីសហព័ន្ធរុស្ស៊ី ស្ថិតនៅក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
តាមសម្ដីជនរងគ្រោះប្រាប់ថា ពួកគេមានគ្នា ៣ នាក់ជិះម៉ូតូពីរគ្រឿងធ្វើដំណើរមកពីមុខព្រះរាជវាំងត្រលប់ទៅផ្ទះនៅបុរីឈូកវ៉ា២តាមផ្លូវសហព័ន្ធរុស្ស៊ី លុះមកដល់ចំណុចគល់ស្ពានអាកាសផ្សារដីហុយ ក៏ឃើញជនសង្ស័យមួយក្រុមមានគ្នា៧ ទៅ៨ នាក់ជិះម៉ូតូចំនួន៤គ្រឿង មកពីក្រោយ ហើយជនសង្ស័យម្នាក់ធាក់ម៉ូតូរបស់គាត់ តែមិនដួល លុះមកដល់ចំណុចកើតហេតុខាងលើជនសង្ស័យបានធាក់ម្ដងទៀតបណ្តាលឲ្យម៉ូតូពួកគាត់ដួលទៅបុកឃឿនសួនក្រុមហ៊ុនលក់រថយន្ត បណ្តាលពួកគាត់ម្នាក់បោកទៅឃឿនរងរបួសក្បាល ភ្លាមនោះជនសង្ស័យក៏បាននាំគ្នាចុះពីលើម៉ូតូដកខ្សែក្រវ៉ាត់ វាយទៅលើពួកគាត់ម្នាក់ទៀតត្រូវចំនួន ៥ ក្រវ៉ាត់ រួចប្លន់យកកាបូបលុយបានសម្រេច ធ្វើឲ្យពួកគាត់ភ័យស្លន់ស្លោ រត់ទៅឲ្យសន្តិសុខដែលយាមនៅក្រុមហ៊ុនលក់រថយន្តជួយផង។
ចំណែកជនសង្ស័យក្រោយពីបានប្លន់យកកាបូបលុយរួចឃើញសភាពមិនស្រួលក៏នាំគ្នាជិះគេខ្លួនបាត់ដោយសុវត្ថិភាព។ចំណែកម៉ូតូរងការខូចខាតផ្នែកខាងមុខយ៉ាងដំណំ។ ជនរងគ្រោះបានបន្តទៀតថានៅក្នុងកាបូបលុយមានលុយខ្មែរចំនួន ៦ ម៉ឺនរៀល កាតមួយសន្លឹក និងបង្កាន់ដៃទិញចិញ្ចៀនមួយសន្លឹក។
ក្រោយកើតហេតុក៏មានកម្លាំងអាវុធហត្ថខណ្ឌសែនសុខបានចុះមកដល់បានធ្វើការសួរនាំទៅលើជនរងគ្រោះក្នុងករណីខាងលើនេះ ដោយករណីនេះនៅក្នុងភូមិសាស្ត្រខណ្ឌពោធិ៍សែនជ័យទើបសមត្ថកិច្ចឲ្យជនរងគ្រោះពាក្យបណ្ដឹងនៅប៉ុស្តិ៍នគរបារដ្ឋបាលកាកាបទី១ ដើម្បីឲ្យសមត្ថកិច្ចជួយស្វែងរកជនសង្ស័យមកផ្ដន្ទាទោសតាមផ្លូវច្បាប់៕
អត្ថបទ៖សុខា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ