សន្តិសុខសង្គម

រថយន្ត LEXUS GS300 ផ្ទុះកង់លើផ្លូវល្បឿនលឿនរេចង្កូតបុករនាំងសុវត្ថិភាពខួចទាំងឡាន និងត្រូវសង់ថ្លៃខូចខាតដល់ក្រុមហ៊ុនទៀត

បានផុស

២ years មុន

នៅ

ថ្ងៃអង្គារ ២២ វិច្ឆិកា ២០២២

ដោយ

កំពង់ស្ពឺ ៖ រថយន្តលុចស៊ី GS300 មួយគ្រឿងធ្វើចរាចរណ៍លើកផ្លូវល្បឿនលឿន បានផ្ទុះកង់ទប់លំនឹងមិនបានរេចង្កូតបុករនាំងសុវត្ថិភាពផ្នែកខាងក្នុងរួញមុខ ខណៈមេឃមានភ្លៀងរលឹមស្រិចៗ។

ករណីគ្រោះថ្នាក់ចរាចរណ៍ លើផ្លូវល្បឿនលឿនដោយរថយន្តរេចង្កូតបុកបង្កាន់ដៃសុវត្ថិភាពទ្រូងកណ្តាលពុះចែកទ្រូងផ្លូវនេះ ចន្លោះគីឡូម៉ែត្រ (៥២-៥៣) ចំណុចភូមិត្រពាំងក្រឡឹង ឃុំគីរីវន្ត ស្រុកភ្នំស្រួច ខេត្តកំពង់ស្ពឺ នៅរសៀលថ្ងៃទី២២ ខែវិច្ឆិកាឆ្នាំ២០២២នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនគរបាលផ្នែកចរាចរណ៍ស្រុកភ្នំស្រួច បានឲ្យដឹងថា រថយន្តមួយគ្រឿង LEXUS GS300 ពាក់ស្លាកលេខ ភ្នំពេញ 2BM-2573 បើកបរដោយឈ្មោះ សយ ចាន់ភក្តី ភេទប្រុស អាយុ២៦ឆ្នាំ នៅភូមិទំពាច ឃុំតាំងក្រូច ស្រុកសំរោងទង ខេត្តកំពង់ស្ពឺ ធ្វើដំណើរមកពីទិសខាងលិចទៅទិសខាងកើត មកដល់ចំណុចខាងលើ ផ្ទុះកង់បានរេចង្កូតទៅបុករនាំងសុវត្ថិភាពផ្នែកខាងក្នុង បណ្ដាលឲ្យខូចខាតរនាំងសុវត្ថិភាព ចំនួន០៦ផ្ទាំង ប្រវែងប្រមាណ ២៤ម៉ែត្រ និងខូចរថយន្ដយ៉ាងដំណំផងដែរ។

នគរបាលស្រុកភ្នំស្រួច ទទួលបន្ទុកផ្នែកចរាចរណ៍ បានបញ្ជាក់ថា គ្រោះថ្នាក់ចរាចរណ៍ខាងលើនេះ បណ្ដាលមកពីកត្ដាធ្វេសប្រហែស និងផ្ទុះកង់រថយន្តស្ថិតក្នុងស្ថានភាពបេីកលឿនធ្វើអោយការទប់លំនឹងមិនជាប់បាត់ម្ចាស់ការរេចង្កូតបុករនាំងសុវត្ថិភាព ប៉ុន្តែសំណាងល្អមិនបង្កឲ្យមានគ្រោះថ្នាក់មនុស្ស។