សន្តិសុខសង្គម
ឆេះអគារស្នាក់នៅបុគ្គលិកកាស៊ីណូជីងប៉ី ១ នៅកណ្ដាលក្រុងព្រះសីហនុ
អគ្គិភ័យបានឆាបឆេះអគារស្នាក់នៅបុគ្គលិកសណ្ឋាគារ និងកាស៊ីណូ ជីងប៉ី ១ (សណ្ឋាគារឡេមុន) បង្កការភ្ញាក់ផ្អើលដល់សមត្ថកិច្ច និងប្រជាពលរដ្ឋរាប់រយនាក់ចោមរោមមើលពេញកន្លែងកើតហេតុ។
![](https://www.kampucheathmey.com/wp-content/uploads/2023/01/IMG_20230120_063618_269-1024x1024.jpg)
ករណីភ្លើងឆេះអគារបុគ្គលិកស្នាក់នៅនេះបានកើតឡើងកាលពីវេលាម៉ោង ២១ និង ៣៥ នាទីយប់ ថ្ងៃទី ១៩ ខែមករា ឆ្នាំ ២០២៣ ស្ថិតនៅឆៀងខាងជើងរង្វង់មូលតោ ២ ជិតសាលារៀនតេជោសែនកម្មករ ក្រុមទី ១៣ ភូមិ ៤ សង្កាត់លេខ ៤ ក្រុង/ខេត្តព្រះសីហនុ។
![](https://www.kampucheathmey.com/wp-content/uploads/2023/01/IMG_20230120_063618_925-1024x1024.jpg)
ក្នុងពេលកើតហេតុ កម្លាំងសមត្ថកិច្ចស្នងការនគរបាលប៉ូលិសខេត្តព្រះសីហនុ និងកម្លាំងសមត្ថកិច្ចកងរាជអាវុធហត្ថខេត្តព្រះសីហនុជាច្រើននាក់ បានចុះធ្វើអន្តរាគមន៍ និងការពារនៅកន្លែងកើតហេតុ និងបញ្ជូនរថយន្តពន្លត់អគ្គិភ័យជាច្រើនគ្រឿងជួយបាញ់ទឹកពន្លត់ភ្លើងការពារ ការឆេះរីករាលដាលនៅទីតាំងផ្សេងទៀត។ នៅកន្លែងកើតហេតុគេបានឃើញភ្លើងឆេះចេញពីខាងក្នុងជាន់ផ្ទាល់ដី និងមានផ្សែងហុយយ៉ាងខ្មួលខ្មាញ់ងងឹតស្លុងពេញផ្ទៃមេឃ។
![](https://www.kampucheathmey.com/wp-content/uploads/2023/01/IMG_20230120_063619_000-1024x768.jpg)
ក្រុមសមត្ថកិច្ចបានប្រាប់ថា គ្រោះអគ្គិភ័យនេះគេមិនទាន់ដឹងថា ផ្ដើមឡើងដោយសារមូលហេតុអ្វីនៅឡើយទេ។ តែករណីនេះសមត្ថកិច្ចបានប្រើពេលប្រមាណ ២ ម៉ោង ទើបអាចពន្លត់ភ្លើងបានទាំងស្រុងកាលពីវេលាម៉ោង ២២ និង ៤៥នាទី នាថ្ងៃខែឆ្នាំដដែលនេះ។
![](https://www.kampucheathmey.com/wp-content/uploads/2023/01/IMG_20230120_065020_803-1024x768.jpg)
សមត្ថកិច្ចបានប្រាប់ទៀតថា ករណីនេះមិនមានមនុស្សរងរបួស ឬក៏ស្លាប់នោះទេ ដោយក្នុងពេលកើតហេតុ ក្រុមសមត្ថកិច្ចបានសហការគ្នាជួយសង្គ្រោះបុគ្គលិកទាំងអស់ក្នុងបន្ទប់អគារមានកម្ពស់ទាំង ៩ ជាន់នេះ ចេញដោយសុវត្ថិភាព។
![](https://www.kampucheathmey.com/wp-content/uploads/2023/01/IMG_20230120_065159_330-1024x576.jpg)
ដោយឡែកចំពោះមូលហេតុបង្កឲ្យកើតមានគ្រោះអគ្គិភ័យ និងទំហំ នៃការខូចខាត ពេលនេះសមត្ថកិច្ចមិនទាន់អាចបញ្ជាក់បាននោះទេ ដោយរង់ចាំធ្វើការស្រាវជ្រាវ និងបូកសរុបតាមក្រោយសិន៕
អត្ថបទ ៖ ស៊ុយ ចាន់ធា
![](https://www.kampucheathmey.com/wp-content/uploads/2023/01/IMG_20230120_065135_474-768x1024.jpg)
![](https://www.kampucheathmey.com/wp-content/uploads/2023/01/IMG_20230120_065029_088-1024x768.jpg)
![](https://www.kampucheathmey.com/wp-content/uploads/2023/01/IMG_20230120_065056_021-576x1024.jpg)
![](https://www.kampucheathmey.com/wp-content/uploads/2023/01/IMG_20230120_063619_079-1024x768.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ