សន្តិសុខសង្គម
ថ្ងៃនៃក្ដីស្រលាញ់ ប្ដីប្រពន្ធជាអ្នកលក់ផ្កាមួយគូចាក់គ្នារងរបួស
កម្លាំងនគរបាលនៃអធិការដ្ឋាននគរបាលខណ្ឌច្បារអំពៅ បានឃាត់ខ្លួនជនដៃដល់ជាប្ដីម្នាក់ បន្ទាប់ពីប្រើកាំបិតចុងស្រួចចាក់លើប្រពន្ធខ្លួនឯងបណ្ដាលឲ្យរងរបួសនៅថ្ងៃនៃក្ដីស្រលាញ់។
ការឃាត់ខ្លួននេះ បានធ្វើឡើងកាលពីវេលាម៉ោង១៣និង៣០នាទី ថ្ងៃទី១៤ ខែកុម្ភៈ ឆ្នាំ២០២៣ ចំណុចផ្ទះគ្មានលេខ ភូមិកោះក្របី១ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។
របាយការណ៍សមត្ថកិច្ចបានឲ្យដឹងថា ជនរងគ្រោះឈ្មោះ ផន នីន ភេទស្រី អាយុ៤៦ឆ្នាំ ជនជាតិខ្មែរ មុខរបរលក់ផ្កា ស្នាក់នៅផ្ទះកើតហេតុ។ ចំណែកឯជនដៃដល់ឈ្មោះ ចែត ហៃ ភេទប្រុស អាយុ៤៩ឆ្នាំ ជនជាតិខ្មែរ មុខរបរលក់ផ្កា ស្នាក់នៅផ្ទះកើតហេតុ។
បើតាមសមត្ថកិច្ច មុនកើតហេតុជនសង្ស័យមកពីដើរយកផ្កាម្លិះមកដល់ផ្ទះ រួចជនរងគ្រោះសួរថា ផ្កាអ្នកណា? ជនសង្ស័យឆ្លើយថា មិនបាច់សួរនាំទេ! ហើយក៏មានទំនាស់គ្នា ស្រាប់តែជនសង្ស័យទះជនរងគ្រោះ១កំផ្លៀង និងយកកូនកាំបិតចាក់ចំចង្កេះជនរងគ្រោះមួយកាំបិត។
បន្ទាប់មកសមត្ថកិច្ចចុះទៅឃាត់ខ្លួនជនសង្ស័យ រួមនឹងវត្ថុតាងកូនកាំបិត០១ (ធ្វើសកម្មភាព) បញ្ជូនមកទីស្នាក់ការប៉ុស្តិ៍ព្រែកថ្មី សាកសួរ។ ចំណែកជនរងគ្រោះត្រូវបានក្រុមគ្រួសារ នាំទៅព្យាបាលនៅមន្ទីរពេទ្យជ័យជំនះ ៕
អត្ថបទ៖ សុខុម
-
ព័ត៌មានអន្ដរជាតិ៥ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៤ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ៥ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៤ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៧ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ៣ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៣ ថ្ងៃ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ជីវិតកម្សាន្ដ៣ ថ្ងៃ ago
តារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី