សន្តិសុខសង្គម

ឃាត់ខ្លួននាយករងវិទ្យាល័យមួយរូប ក្រោយពីដាក់ថ្នាំចាប់រំលោភកូន សិស្សខ្លួនបានសម្រេចច្រើនដងនិងថតរូបវីដេអូកំពុងទុកគំរាម

បានផុស

៣ years មុន

នៅ

ថ្ងៃព្រហស្បតិ៍ ២៣ កុម្ភៈ ២០២៣

ដោយ

កំពង់ឆ្នាំង ៖ លោកនាយករងវិទ្យាល័យម្នាក់នៅក្នុងខេត្តកំពង់ឆ្នាំង ត្រូវបានសមត្ថកិច្ចនៃស្នងការដ្ឋាននគរបាលខេត្តកំពង់ឆ្នាំងចាប់ខ្លួនកសាងសំណុំរឿងបញ្ជូនមកអយ្យការនៃសាលាដំបូងខេត្តកំពង់ឆ្នាំងនៅថ្ងៃទី២៣ ខែកុម្ភៈ ឆ្នាំ២០២៣ ដោយជាប់ចោទពីបទចាប់រំលោភសេពសន្ថវៈ និង ផលិត ចែកចាយរូបភាពអាសអាភាសលើកុមារីជាសិស្សសាលារបស់ខ្លួន និងករណីហិង្សាដោយ ចេតនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចជំនាញនៃស្នងការនគរបាលខេត្តកំពង់ឆ្នាំងបានឲ្យដឹងថា កាលពីថ្ងៃទី២១ ខែកុម្ភៈ ឆ្នាំ២០២៣ សមត្ថកិច្ច បានធ្វើការឃាត់ខ្លួន លោក ង៉ែត សុខខេង អាយុ ៤១ឆ្នាំ ជនជាតិខ្មែរ សញ្ជាតិខ្មែរ មុខរបរ នាយករងសាលាផ្នែកវិន័យ និងបរិស្ថាន នៅវិទ្យាល័យមួយ(ក្នុងស្រុកកំពង់ ត្រឡាច) ពីករណី រំលោភសេពសន្ថវៈ និង ផលិត ចែកចាយរូបភាពអាសអាភាសលើកុមារីជាសិស្សវិទ្យាល័យ និងករណី ហិង្សាដោយចេតនា។ ករណីចាប់ខ្លួនជនសង្ស័យខាងលើនេះ ធ្វើឡើងតាមបញ្ជា លោក ស្នងការនគរបាលខេត្តកំពង់ឆ្នាំង ដោយមានការសម្របសម្រួលពីស្ថាប័នអយ្យការខេត្តកំពង់ឆ្នាំង។

សមត្ថកិច្ចបានឲ្យដឹងទៀតថា យោងតាមពាក្យបណ្តឹង របស់អាណា ព្យាបាលរបស់កុមារី ជាសិស្សវិទ្យា ល័យអាយុ ១៥ ឆ្នាំ ជាជនរងគ្រោះនៃអំពើខាងលើ បានរៀបរាប់ទាំងក្តុកក្តួលថា ជនសង្ស័យឈ្មោះ ង៉ែត សុខខេង នាយករងសាលាផ្នែកវិន័យ និងបរិស្ថានបានលួងលោមកុមារីជាកូនគាត់ថា ទៅរៀនបើក រថយន្តជាមួយលោកគ្រូ ឈ្មោះ ង៉ែត សុខខេង រួចបែរជាលួចដាក់ថ្នាំចូល ក្នុងទឹកឱ្យកូនគាត់ផឹក លុះពេលកូនគាត់សន្លប់បាត់ បាននាំកូនគាត់ទៅរំលោភរហូតបានសម្រេច ជាច្រើនដង និងបានថតរូប និងវីដេអូកំពុងចាប់រំ លោភជនរងគ្រោះនោះ ដើម្បីទុកគំរាមកុមារីរងគ្រោះសម្រាប់បំពេញតណ្ហារបស់ខ្លួនលើកក្រោយទៀត។

ករណីខាងលើនេះ គឺជាសារដាស់តឿនសម្រាប់ជនល្មោភតណ្ហាទាំងឡាយគួរតែជៀសវាងឲ្យឆ្ងាយកុំឱ្យមាន រឿងអាស្រូវនាំឲ្យអាប់អោនកិត្តិយស និង អាប់អោនដល់មន្ត្រីក្នុងអង្គភាព ក្នុងស្រុកក្នុងខេត្តដែលគេជាមនុស្សល្អ។

ទន្ទឹមគ្នានេះដែរ អាណាព្យាបាលនិងមាតាបិតាទាំងឡាយរបស់សិស្សក៏គួរតែប្រុងប្រយ័ត្នចំពោះកូនជានារីភេទផងដែរ ដោយកុំបណ្ដែតបណ្ដោយដូចករណីខាងលើនេះ៕

ដោយ ៖ ឈៀងថារិទ្ធ