សន្តិសុខសង្គម
លម្អិត ពីករណីប្ដីបាញ់សម្លាប់ប្រពន្ធទាំងមានកូនក្នុងផ្ទៃ៤ខែនៅខណ្ឌដង្កោ
ករណីប្ដីបាញ់សម្លាប់ប្រពន្ធទាំងមានកូនក្នុងផ្ទៃ៤ខែ នៅបុរីពិភពថ្មីកួរស្រូវ ខណ្ឌដង្កោ កាលពីម្សិលមិញ បើតាមចម្លើយសារភាពរបស់ជនដៃដល់ជាប្ដី គឺដោយសារភ្លើងប្រចណ្ឌ។ ក្រោយពីបាញ់សម្លាប់ប្រពន្ធរួច ជនដៃដល់បានរត់ទៅសារភាពនៅនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ។

ស្ត្រីរងគ្រោះក្នុងអំពើបាញ់ប្រហារនេះមានឈ្មោះ ម៉ៃ គន្ធា អាយុ៣៨ឆ្នាំ មុខរបរនៅផ្ទះ ចំណែកជនដៃដល់ជាប្ដីឈ្មោះ យ័ន គុយហេង អាយុ៣៣ឆ្នាំ មុខរបរអ្នកគួកជេររថយន្ដ ស្នាក់នៅផ្ទះកើតហេតុ។
បើតាមចម្លើយសារភាពរបស់ជនដៃដល់ជាប្ដី មូលដែលនាំឲ្យមានការបាញ់សម្លាប់នេះ គឺផ្ដើមចេញពីភ្លើងប្រចណ្ឌ។ បើតាមប្រភពមួយចំនួនបានលើកឡើងថា ស្ត្រីរងគ្រោះធ្លាប់មានប្ដីម្ដងរួចហើយ និងមានកូន៤នាក់ លុះក្រោយមកក៏មានប្ដីម្នាក់ទៀត (ជនដល់) និងមានកូនក្នុងផ្ទៃ៤ខែមកហើយ ដោយបានទិញផ្ទះបង់រំលស់ផ្ទះ (កន្លែងកើតហេតុ) ទើបបានរយៈពេលជាង៣ខែប៉ុណ្ណោះ។

សូមរំលឹកថា ករណីបាញ់ប្រហារខាងលើនេះបានកើតឡើងកាលពីវេលាម៉ោង៤និង៣៥នាទីល្ងាចថ្ងៃទី២ ខែមីនា ឆ្នាំ២០២៣ នៅចំណុចផ្ទះលេ១៦៨ ផ្លូវលេខKS03 បុរីពិភពថ្មីកួរស្រូវ៣ ភូមិកណ្ដាល សង្កាត់រលួស ខណ្ឌដង្កោ រាជធានីភ្នំពេញ។ ជនរងគ្រោះត្រូវបានប្តីបាញ់សម្លាប់មួយគ្រាប់ចំក្បាលបណ្ដាលឲ្យស្លាប់ភ្លាមៗ នៅកន្លែងកើតហេតុ។

នៅទីតាំងកើតហេតុសមត្ថកិច្ចបានរកឃើញសំបកគ្រាប់កាំភ្លើងចំនួន៣សំបក គ្រាប់កាំភ្លើងចំនួន៣៣គ្រាប់ បង់កាំភ្លើងចំនួន២ ក្បាលគ្រាប់កំពិត១ និងបំណែកសំណរក្បាលគ្រាប់ (ពណ៌ទង់ដែង និងពណ៌ទឹកប្រាក់) ព្រមទាំងសម្ភារមួយចំនួនទៀត។ ក្រោយពិនិត្យសាកសព សមត្ថកិច្ចបានប្រគល់ជូនក្រុមគ្រួសារដើម្បីយកទៅធ្វើបុណ្យតាមប្រពៃណី។
បច្ចុប្បន្នជនដៃដល់ នាយកដ្ឋាននគរបាលព្រហ្មទណ្ឌ កំពុងកសាងសំណុំរឿងដើម្បីចាត់ការបន្ដតាមនីតិវិធី៕
អត្ថបទ៖ សុខុម


-
ព័ត៌មានជាតិ៧ ថ្ងៃ មុន
កូនប្រសារសម្ដេច ហេង សំរិន កំពុងកាន់តំណែងនៅរដ្ឋសភា រាជរដ្ឋាភិបាល និងជាអភិបាលខេត្ត
-
ព័ត៌មានជាតិ៦ ថ្ងៃ មុន
៣០ ឆ្នាំចុងក្រោយ ឥស្សរជនចំនួន១៤រូប ទទួលបានគោរមងារជា “សម្ដេច”
-
ព័ត៌មានអន្ដរជាតិ១ សប្តាហ៍ មុន
ទំនាយ៦យ៉ាងរបស់លោកយាយ Baba Vanga ក្នុងឆ្នាំ២០២៤ ខ្លាំងជាង ២០២៣
-
ព័ត៌មានអន្ដរជាតិ៧ ថ្ងៃ មុន
មេទ័ពអាមេរិក ថា សល់ពេល ៣០ ថ្ងៃទៀតប៉ុណ្ណោះ បើអ៊ុយក្រែន វាយរុស្ស៊ី មិនបែក នោះពិបាកហើយ
-
ព័ត៌មានជាតិ៥ ថ្ងៃ មុន
លោកឧកញ៉ា ចាន់ សុឃាំង បង្ហាញមូលហេតុបង្កឱ្យស្រូវប្រែប្រួលតម្លៃ
-
ព័ត៌មានជាតិ៦ ថ្ងៃ មុន
ថ្ងៃសៅរ៍នេះ ទូតបារាំង បើកឱកាសជាថ្មី ឱ្យសាធារណជនចូលទស្សនាឧទ្យានដ៏ស្រស់ស្អាតទំហំជិត៥ហិកតា
-
សន្តិសុខសង្គម៣ ថ្ងៃ មុន
បងថ្លៃស្រីចាក់សម្លាប់ប្អូនស្រី និងកូនអាយុជាងមួយឆ្នាំប្លន់យកលុយជាង៤០លានរៀល
-
ព័ត៌មានជាតិ៥ ថ្ងៃ មុន
ទីបំផុត ស្រ្តីតែងខ្លួនជាប្រុសម្នាក់ត្រូវបានសមត្ថកិច្ចចាប់ខ្លួន ក្រោយតាមរំខានយុវតីម្នាក់រាប់ឆ្នាំ