សន្តិសុខសង្គម

បាត់កូន ២ ថ្ងៃ បែរជាប្រទះឃើញស្លាប់ក្នុងទឹកស្រះក្បែរផ្ទះ

បានផុស

៣ years មុន

នៅ

ថ្ងៃសុក្រ ២១ មេសា ២០២៣

ដោយ

ក្មេងប្រុសអាយុទើប ៧ ឆ្នាំម្នាក់ បានបាត់ខ្លួនចេញពីផ្ទះអស់រយៈពេល ២ ថ្ងៃមកហើយ ឪពុកម្ដាយដើរតាមស្វែងរកគ្រប់ទីកន្លែងមិនឃើញ ស្រាប់តែមកប្រទះឃើញអណ្ដែតទឹកស្រះស្លាប់បាត់ទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កឲ្យភ្ញាក់ផ្អើលកាលពីវេលាម៉ោង ៧ និង ២០ នាទីព្រឹក ថ្ងៃទី ២១ ខែមេសា ឆ្នាំ ២០២៣ នៅស្រះទឹកមួយកន្លែង ចម្ងាយជាង ១០០ ម៉ែត្រពីផ្ទះ ក្នុងភូមិព្រៃរងៀង សង្កាត់ភ្លើងឆេះរទេះ ខណ្ឌកំបូល។

ក្មេងរងគ្រោះឈ្មោះ ព ស ជ ភេទប្រុស អាយុ ៧ ឆ្នាំ ជាសិស្សថ្នាក់ទី ១ មានឪពុកឈ្មោះ ឈុន ពន្លឺ អាយុ ៣៦ ឆ្នាំ មុខរបរទិញលក់អេតចាយ និងម្ដាយឈ្មោះ ណៃ សុខណា អាយុ ៣២ ឆ្នាំ រស់នៅភូមិកើតហេតុ។

តាមម្ដាយក្មេងរងគ្រោះបានឲ្យដឹងថា កូនប្រុសរបស់គាត់បានបាត់ពីផ្ទះកាលពីវេលាម៉ោង ៤ រសៀល ថ្ងៃទី ១៩ ខែមេសា ឆ្នាំ ២០២៣ រហូតដល់ល្ងាច មិនឃើញកូនចូលផ្ទះ រកបាយទឹក ទើបដើរតាមរក តែមិនឃើញ ទៅរកមើលកន្លែងមាត់ស្រះ ដែលកូនធ្លាប់ទៅលេងជាមួយក្មេងៗក្នុងភូមិក៏មិនឃើញ។ ការស្វែងរកកូនប្រុសអស់រយៈពេល ២ ថ្ងៃទៅហើយ សាកសួរក្មេងៗធ្លាប់លេងជាមួយ ក៏គ្មានក្មេងណាដឹង ដើរស្វែងរកតាមស្រះ តាមត្រពាំងទឹក ក្នុងភូមិ ក្រៅភូមិ អស់ហើយ មិនឃើញសោះ ស្រាប់តែនៅវេលាម៉ោង ៧ និង ២០ នាទីព្រឹក ថ្ងៃទី ២១ ខែមេសា ឆ្នាំ ២០២៣ នេះ ឪពុកម្តាយមិនអស់ចិត្តដើររកមើលតាមស្រះទឹក បែរជាប្រទះឃើញកូនស្លាប់អណ្ដែតទឹកស្រះក្បែរផ្ទះទៅវិញ។