មន្រ្តីយោធាម្នាក់បេីករថយន្តពីខេត្តព្រះសីហនុមកបាញ់សម្លាប់ខ្លួនឯងនៅក្រុងដូនកែវ

មន្ត្រីយោធាម្នាក់មិនដឹងមានវិបត្តិអ្វីបានបេីករថយន្តចេញពីខេត្តព្រះសីហនុមកបាញ់សម្លាប់ខ្លួនឯងនៅក្នុងដីចំការរបស់ឳពុកម្តាយដែលស្ថិតនៅក្នុងភូមិត្រពាំងឫស្សី សង្កាត់បារាយណ៍ ក្រុងដូនកែវ ខេត្តតាកែវ។

យោងតាមការបញ្ជាក់ពីលោកឧត្តមសេនីយ៍ត្រី ហ៊ិន សុខេង ស្នងការរងទទួលផែនព្រហ្មទណ្ឌ នៃស្នងការដ្ឋាននគរបាលខេត្តតាកែវ បានឱ្យដឹងនៅថ្ងៃទី០៤ ខែឧសភា ឆ្នាំ២០២៣ នេះ មានករណីមន្រ្តីយោធាម្នាក់ឈ្មោះ ហ៊ន ប៊ុណ្ណារ័ត្ន បម្រើការងារនៅតំបន់ប្រតិបត្តិការសឹករងខេត្តព្រះសីហនុ ភូមិភាគទី៣ បាញ់សម្លាប់ខ្លួនក្នុងដីចំការស្ថិតនៅភូមិត្រពាំងឫស្សី សង្កាត់បារាយណ៍ ក្រុងដូនកែវ ដោយមិនដឹងមូលហេតុ។

យោងតាមការបញ្ជាក់ពីសាច់ញាតិជនរងគ្រោះបានឱ្យដឹងដែរថា មុនពេលកើតហេតុ ជនរងគ្រោះបានធ្វើដំណើរចេញមកខេត្តព្រះសីហនុដោយរថយន្តផ្ទាល់ខ្លួន គឺបានយកសោរបងពីពូនៅផ្ទះមកចាក់ចូលដីចម្ការឳពុកម្ដាយខ្លួន ស្រាប់តែមួយសន្ទុះក្រោយ ក៏លឺស្នូកាំភ្លើងសាច់ញាតិជនរងគ្រោះក៏ចូលមកមើលស្រាប់តែជនរងគ្រោះដេកស្លាប់នៅខ្ចុសក្នុងចម្ការតែម្ដង។ សាច់ញាតិជនរងគ្រោះ ក៏មិនទាន់ដឹងលម្អិតថា ជនរងគ្រោះមានវិបត្តិរឿងអ្វីនោះទេ ដែលឈានទៅដល់ការបាញ់សម្លាប់ខ្លួនឯងបែបនេះ៕

អត្ថបទ៖ សុខា