បាក់លូចូលទន្លេបាសាក់ បង្កឲ្យភ្ញាក់ផ្អើលដល់ពលរដ្ឋ

ប្រពន្ធ័លូរបស់មន្ទីរសាធាណការរាជធានីភ្នំពេញបានរងការបាក់ស្រុតចូលទៅក្នុងទន្លេបាសាក់ដែលអាចប្រឈមរាលដាលដល់ផ្ទះប្រជាពលរដ្ឋដែលសាងសង់នៅក្បែកន្លែងកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជូ វ៉ាន់នី ជំនួយការសាលាសង្កាត់ច្បារអំពៅទី២ បានប្រាប់កម្ពុជាថ្មីនារសៀលថ្ងៃទី ១៤ ខែកញ្ញានេះទីតាំងលូបង្ហូរទឹកដែលបានបាក់ស្រុតចូលទៅក្នុងទន្លេនេះគឺស្ថិតនៅភូមិដើមស្លែង១ សង្កាត់ច្បារអំពៅទី២ ខណ្ឌច្បារអំពៅរាជធានីភ្នំពេញកាលពីយប់ថ្ងៃទី ១៣ ខែកញ្ញា។ លូដែលបានស្រុតចុះទៅក្នុងទន្លេបាសាក់នេះមានមុខកាត់១ម៉ែត្រ។

លោក ជូ វ៉ាន់នី បានបន្តថា បន្ទាប់ពីមានហេតុការណ៍បាក់ស្រុតប្រពន្ធ័លូចូលទៅក្នុងទន្លេបាសាក់មកនោះលោក យុិន វិធី ចៅសង្កាត់ច្បារអំពៅទី២បានចុះទៅពិនិត្យផ្ទាល់រួមទាំងមន្ត្រីជំនាញមកពីសាលារាជធានីភ្នំពេញនិងមន្ត្រីសាលាខណ្ឌច្បារអំពៅដើម្បីពិនិត្យពីស្ថានភាពនៃការបាក់ស្រុតព្រោះវាអាចរាលដាលដល់ដីធ្លីនិងផ្ទះសម្បែងរបស់ប្រជាពលរដ្ឋ។

ទាក់ទិនទៅនឹងការបាក់ស្រុតនេះដែរ លោក យុិន វុធ បានបញ្ជាក់ថា ពីដូនតាមកគឺដីតំបន់ច្រាំងបាក់នេះគឺបានបាក់ជារៀងរាល់ឆ្នាំហើយបើទំហ៊ុដីដែលទឹកដីសង្កាត់ច្បារអំពៅទី២បានបាក់រហូតមកដែលដីពីដើមមកស្ថិតនៅមជ្ឈមណ្ឌលកោះពេជ្របច្ចុប្បន្ននេះដែលគ្រប់គ្រងដោយសង្កាត់ទន្លេបាសាក់ខណ្ឌចំការមន។

ទោះជាយ៉ាងណាក៏លោក ចៅសង្កាត់បានធ្វើការណែនាំដល់បងប្អូនប្រជាពលរដ្ឋដែលស្ថិតនៅក្បែរតំបន់បាក់ស្រុតសូមមេត្តាប្រុងប្រយត្ន័ព្រោះងាយគ្រោះថ្នាក់ដល់អាយុជីវិតពេលបាក់ច្រាំងពេលយប់៕

អត្ថបទ៖ នរា