សន្តិសុខសង្គម
ករណីនារីវ័យក្មេងម្នាក់បើកឡានបុកមនុស្សស្លាប់ ត្រូវបញ្ជូនខ្លួនចាត់ការតាមផ្លូវច្បាប់
នារីវ័យក្មេងម្នាក់ដែលបានបើករថយន្តបុកបុរសជិះម៉ូតូអគ្គិសនីម្នាក់ស្លាប់ នៅចំណុចខាងមុខអាកាសយានដ្ឋានអន្តរជាតិភ្នំពេញ ត្រូវបានមន្ត្រីជំនាញចរាចរណ៍បញ្ចូនខ្លួនទៅអយ្យការអមសាលាដំបូងរាជធានីភ្នំពេញ ចាត់ការតាមផ្លូវច្បាប់។ នេះបើតាមការផ្សព្វផ្សាយរបស់ស្នងការនគរបាលរាជធានីភ្នំពេញ កាលពីយប់ថ្ងៃទី៧ ខែធ្នូនេះ។
![](https://www.kampucheathmey.com/wp-content/uploads/2023/12/image-385-790x1024.png)
ប្រភពដដែលបានឱ្យដឹងថា កាលពីយប់ថ្ងៃទី០២ ខែធ្នូ ឆ្នាំ២០២៣ វេលាម៉ោង០១៖៤៥នាទី មានករណីគ្រោះថ្នាក់ចរាចរណ៍មួយកើតឡើងរវាងរថយន្ត និងម៉ូតូអគ្គិសនី នៅចំណុចខាងមុខអាកាសយានដ្ឋានអន្តរជាតិភ្នំពេញ លើមហាវិថីសហព័ន្ធរុស្សី ភូមិក្បាលដំរីទី១ សង្កាត់កាកាបទី១ ខណ្ឌពោធិ៍សែនជ័យ។ ស្ត្រីម្នាក់ដែលជាម្ចាស់រថយន្តម៉ាក Ford Mustang ពណ៌ខ្មៅ ពាក់ផ្លាកលេខ ភ្នំពេញ 2BW-0080 បើកបរដោយឈ្មោះ ជា ថាកាណា ភេទស្រី អាយុ២៥ឆ្នាំ មុខរបរបុគ្គលិកក្រុមហ៊ុន មានទីលំនៅផ្ទះលេខ២២០ ផ្លូវលេខ១៣២ ភូមិ៣ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ បានបុកបុរសម្នាក់ស្លាប់នៅកន្លែងកើតហេតុមានឈ្មោះ សុត ម៉ាល័យ ភេទប្រុស អាយុ ៣៧ឆ្នាំ មុខរបរបុគ្គលិកផ្នែកផ្ទេរអីវ៉ាន់ក្នុងព្រលានយន្តហោះ មានទីលំនៅផ្ទះលេខ១៥៦០ ភូមិតាងួន សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
![](https://www.kampucheathmey.com/wp-content/uploads/2023/12/image-386-768x1024.png)
បន្ទាប់ពីកើតហេតុហើយ កម្លាំងជំនាញចរាចរណ៍បានឃាត់ខ្លួនអ្នកបើកបររថយន្ត និងវាស់វែងតាមជំនាញ បន្ទាប់មកធ្វើការបញ្ជូនអ្នកបើកបរបង្ក រួមនឹងវត្ថុតាង ទៅកាន់ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីអនុវត្តតាមនីតិវិធី។ លុះនៅរសៀលថ្ងៃទី៣ ខែធ្នូ ២០២៣ មន្ត្រីជំនាញចរាចរណ៍បានកសាងសំណុំរឿង និងបញ្ជូនខ្លួនជនបង្កទៅអយ្យការអមសាលាដំបូងរាជធានីភ្នំពេញ ចាត់ការតាមផ្លូវច្បាប់៕
![](https://www.kampucheathmey.com/wp-content/uploads/2023/12/image-387-768x1024.png)
![](https://www.kampucheathmey.com/wp-content/uploads/2023/12/image-388-768x1024.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
ព័ត៌មានជាតិ១ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
សន្តិសុខសង្គម២០ ម៉ោង ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់