សន្តិសុខសង្គម

សមត្ថកិច្ចខេត្តកំពង់ស្ពឺ និងភ្នំពេញ សហការគ្នា ព័ទ្ធផ្ទះនគរបាលម្នាក់ ទទួលផលចោរកម្មពីអ្នកលួចគាស់រោងចក្រ

បានផុស

៣ years មុន

នៅ

ថ្ងៃសៅរ៍ ២៣ ធ្នូ ២០២៣

ដោយ

កំពង់ស្ពឺ ៖ កម្លាំងសមត្ថកិច្ចព្រហ្មទណ្ឌ នៃស្នងការដ្ឋានរាជធានីភ្នំពេញ និងរាជធានីភ្នំពេញ បានសហការគ្នាព័ទ្ធ និងឆែកឆេរផ្ទះមន្ត្រីនគរបាលក្រសួងមហាផ្ទៃម្នាក់ ពាក់ព័ន្ធករណីទទួលផលចោរកម្មពីអ្នកគាស់រោងចក្រលួចយកសំលៀកបំពាក់យ៉ាងច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មាន បានឲ្យដឹងថា ប្រតិបត្តិការព័ទ្ធផ្ទះមន្ត្រីនគរបាលក្រសួងមហាផ្ទៃ ខាងលើនេះ ធ្វើឡើងនៅថ្ងៃទី២២ ខែធ្នូ ឆ្នាំ២០២៣ ដោយបានការចង្អុលបង្ហាញពីលោកស្នងការនគរបាលខេត្តកំពង់ស្ពឺ និងការសម្របសម្រួលពី លោកព្រះរាជអាជ្ញាខេត្តកំពង់ស្ពឺ-រាជធានីភ្នំពេញ។

ប្រភពបន្តថា លោក រ៉ែន នរិទ្ធ ព្រះរាជអាជ្ញារងអមសាលាដំបូងខេត្តកំពង់ស្ពឺ បានដឹកនាំនគរបាលខេត្តកំពង់ស្ពឺ សហការជាមួយនគរបាលរាជធានី ភ្នំពេញ ឆែកឆេរផ្ទះលេខ ១០៥ ផ្លូវ៥១៩G ភូមិទួលថ្ងាន់ សង្កាត់ទួលសង្កែ២ ខណ្ឌឫស្សីកែវ រាជធានីភ្នំពេញ។

ប្រភពពីនគរបាលព្រហ្មទណ្ឌខេត្តកំពង់ស្ពឺ បានបញ្ជាក់ថា ម្ចាស់ផ្ទះមានឈ្មោះ ម៉ន ជាតិ ភេទប្រុស អាយុ ៣៥ឆ្នាំ ជានគរបាលក្រសួងមហាផ្ទៃ ដែលពាក់ព័ន្ធទទួលផលចោរកម្មលួចគាស់រោងចក្រលួចសំលៀកបំពាក់។

ការចុះឆែកឆេរផ្ទះមន្ត្រីនគរបាលនោះ សមត្ថកិច្ចដកហូតបានសំលៀកបំពាក់របស់រោងចក្របានចំនួន ១ ១១៩ និងនៅសល់ច្រើនទៀត រង់ចាំម្ចាស់រោងចក្រ មកពិនិត្យជាក់ស្តែង។ បច្ចុប្បន្នសមត្ថកិច្ចជំនាញកំពុងបន្តនីតិវិធី និងមានចំណាក់តាមផ្លូវច្បាប់ចំពោះអ្នកពាក់ព័ន្ធផងដែរ៕