បង្ក្រាបទូកឆក់ត្រីមួយគ្រឿង ដកហូតបានវត្ថុតាងបទល្មើស ជនសង្ស័យរត់គេចខ្លួន

កម្លាំងមន្ត្រីឧទ្យានុរក្យសហការជាមួយសហគមន៍នេសាទកោះហិបបានចុះល្បាតនៅតាមដងទន្លេមេគង្គចាប់ពីកន្ទុយកោះ​ហិបរហូតដល់ព្រះសាខន បានអុំទូក ឃ្លាំមើលបទល្មើសបានប្រទះឃើញជនសង្ស័យមានគ្នាពីរទៅបីនាក់កំពុងធ្វើសកម្មភាពឆក់ត្រី ក្រោយកម្លាំងដេញបង្ក្រាបពួកគេបានចូលច្រាំងរត់គេចខ្លួនបន្សល់ទុកតែទូក និងវត្ថុតាងតែប៉ុណ្ណោះ។

សកម្មភាពបទល្មើសឆក់ត្រីខាងលើនេះត្រូវបានក្រុមឧទ្យានុរក្យរួមជាមួយសហគមន៍នេសាទចុះបង្ក្រាបកាលពីវេលាម៉ោង ៧យប់ថ្ងៃទី ៧ ឧសភាឆ្នាំ ២០២៤ រហូតម៉ោង ៣ ទៀបភ្លឺទើបប្រទះឃើញជនសង្ស័យកំពុងធ្វើសកម្មភាពនៅចំណុចក្បាលកោះឫស្សី ស្ថិតភូមិកោះ ស្នែងឃុំកោះស្នែង ស្រុកបុរីអូរស្វាយសែនជ័យ ខេត្តស្ទឹងត្រែង។

លោក នី វីមន្រី្តឧទ្យានុរក្សបញ្ជាក់ថា កម្លាំងរបស់លោកបានចុះល្បាតចាប់ពីវេលាម៉ោង ៧យប់ ពីកន្ទុយកោះហិបរហូតដល់ព្រះសាខនក្រុមល្បាត បានអុំទូក ឃ្លាំមើលបទល្មើសតាមដងទន្លេ ពេលត្រឡប់មកវិញមកតាមអូរតាឡាស់ មកដល់ចំណុចក្បាលកោះឬស្សីក្រុមល្បាតបានដេកចាំរហូតដល់វេលាម៉ោង ០៣៖០០ បានជួបនឹងបទល្មើស មួយទូកកុំពុងធ្វើសកម្មភាពឆក់ត្រី ពេលនោះក្រុមល្បាតបានដេញចាប់បទល្មើស ជនសង្ស័យ បានរត់គេចបាត់ស្រមោលបន្សល់តែវត្ថុតាងតែប៉ុណ្ណោះ។

លោកបន្តថា ក្រោយជនសង្ស័យរត់គេចខ្លួនយើងបានដកហូតវត្ថុតាងរួមមាន:ទូកឈើក្បាលស្រួច០១គ្រឿង
ម៉ាស៊ីន​​​កម្លាំង២០សេសធីបីសី០១គ្រឿង អាគុយ៥០ Ah ០១ គ្រឿង ដុំឆក់អាក្ដៅសេរីថ្មី ០១គ្រឿង ច្រវ៉ាក់ផ្ជាប់កន្រ្តងដងត្រី០១ ខ្សែភ្លើង០៥ម៉ែត្រ។

បច្ចុប្បន្នវត្ថុតាងខាងលើដែលដកហូបបានកម្លាំងសមត្ថកិច្ចបានរក្សាទុក្ខនៅស្នាក់ការរងកំបោររងចាំស្រាវជ្រាវស៊ើបអង្កេតដើម្បីបន្តនីតិវិធីរកមុខជនសង្ស័យដើម្បីចាត់ការទៅតាមនីតិវិធី៕

អត្ថបទ៖ ងិនលីម