ផ្លូវបេតុងឆ្អឹងដែកប្រវែង៨៦១ម៉ែត្រក្នុងភូមិព្រៃទា១ ត្រូវបានស្ថាបនារួចរាល់១០០​ភាគ​រយ​

ផ្លូវដែលធ្លាប់តែមានភក់ជ្រាំជង្ហុកធំៗធ្វេីឱ្យប៉ះពាល់ដល់ការរស់នៅ​ ប្រកបមុខរបរ​ និងការធ្វេីដំណេីរដល់ប្រជាពលរដ្ឋ ពេលនេះប្រែក្លាយទៅជាផ្លូវបេតុងឆ្អឹងដែកយ៉ាងស្រស់ស្អាត​ជួយដោះស្រាយ និងងាយស្រួលដល់ប្រជាពលរដ្ឋប្រកបរបរនិងធ្វេីដំណេីរ​ ក្រោយពីមានការយកចិត្តទុកដាក់ពីអាជ្ញាធរខណ្ឌពោធិ៍សែនជ័យ។

លោក វ៉ា សាវឿន ចៅសង្កាត់ចោមចៅទី៣ បានឱ្យដឹងថា​ ផ្លូវបេតុងឆ្អឹងដែកដែលស្ថាបនានេះមានប្រវែងបណ្តោយ​៨៦១ម៉ែត្រ​ ទទឹង៦ម៉ែត្រ​ កម្រាស់១តឹក​ ដែលស្ថិតនៅក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ​ និងប្រេីប្រាស់ថវិកា​ គម្រោងអភិវឌ្ឍន៍របស់សាលាខណ្ឌពោធិ៍សែនជ័យ។

លោក សុទ្ធ សុជាតិ ចៅសង្កាត់រងទី១ បានប្រាប់បន្ថែមថា​ ផ្លូវបេតុងឆ្អឹងដែកដែលស្ថាបនាពេលនេះស្ថាបនារួចរាល់​១០០ភាគរយហេីយ​ និងដាក់ឱ្យប្រេីប្រាស់ហេីយសម្រាប់តែថ្មេីជេីង និងម៉ូតូតែប៉ុណ្ណោះ​ ដោយឡែកសម្រាប់រថយន្តលក្ខណៈគ្រួសារ និងធុនធំមិនទាន់អនុញ្ញាតឱ្យបេីកបរឆ្លងកាត់នៅឡេីយទេ ដោយសាររង់ចាំបេតុងរឹងស្ងួតល្អសិន។

ជាមួយគ្នានេះផងដែរ​ ប្រជាពលរដ្ឋសំដែងការត្រេកអរសប្បាយចិត្តយ៉ាងខ្លាំងដោយអាចប្រេីប្រាស់ និងប្រកបអាជីវកម្មផ្សេងៗបានយ៉ាងល្អ៕

អត្ថបទ៖ សុខា