ខណ្ឌរដ្ឋបាលជលផលកំពង់ចាម បង្ក្រាបបទល្មើសនេសាទ២ករណី និងបានបំផ្លាញចោលឧបករណ៍នេសាទខុសច្បាប់មួយចំនួន

ខណ្ឌរដ្ឋបាលជលផលកំពង់ចាម នៅថ្ងៃទី១១ ខែសីហា ឆ្នាំ២០២៥ បានសហការជាមួយអាជ្ញាធរស្រុកព្រៃឈរ និងអាជ្ញាធរស្រុកកងមាស ចុះបង្ក្រាបបទល្មើសនេសាទ២ករណី និងរុះរើបំផ្លាញចោលនូវឧបករណ៍នេសាទខុសច្បាប់មួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ឹម ថាវីរ: ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកំពង់ចាម បានឲ្យដឹងថា ខណ្ឌរដ្ឋបាលជលផលកំពង់ចាម បានសហការជាមួយ អាជ្ញាធរស្រុកព្រៃឈរ និងអាជ្ញាធរស្រុកកងមាស និងកម្លាំងផ្នែកសឹករងព្រៃឈរ កម្លាំងសហគមន៍នេសាទសាមគ្គីឃុំមៀន ដោយមានការសម្របសម្រួលពីឯកឧត្តមព្រះរាជអាជ្ញានៃអយ្យការអមសាលា ដំបូងខេត្តកំពង់ចាម បានចុះប្រតិបត្តិការបង្ក្រាបបទល្មេីសជលផល ដោយរុះរើ និងបំផ្លាញចោលនូវឧបករណ៍ខុសច្បាប់បានចំនួន ០២ករណីរួមមាន ករណីទី១ មានឧករណ៍លូស្បៃមុងចំនួន ២មាត់ -របាំងស្បៃមុងប្រវែង ៩០ម៉ែត្រ-បង្គោលចម្រឹងចំនួន ៤៥ដើម និងចាក់លែងកូនត្រីចម្រុះទម្ងន់ ១គីឡូក្រាម នៅចំណុចគ្របបាយ ឃុំមៀន ស្រុកព្រៃឈរ ខេត្តកំពង់ចាម។

ករណីទី២ មានដូចជាឧករណ៍លូស្បៃមុងចំនួន ៧មាត់-របាំងស្បៃមុងប្រវែង ២១៥ម៉ែត្រ-បង្គោលចម្រឹងចំនួន ១១០ដើម និងបានចាក់លែងកូនត្រីចម្រុះទម្ងន់ ៤គីឡូក្រាមផងដែរ នៅចំណុចបឹងក្បាលក្រពើ ឃុំព្រែក ក្របៅ ស្រុកកងមាស ខេត្តកំពង់ចាម៕

អត្ថបទ​​៖​ ​ឡេក​ ចាន់ពេជ្រ