កីឡា

លោក សេង ភក្ដី ការមកគាំទ្រច្រើនបញ្ជាក់ពីការរីកចម្រើនក្នុងវិស័យបាល់់ទាត់នៅកម្ពុជា

បានផុស

៩ ខែ មុន

នៅ

ថ្ងៃពុធ ២៩ តុលា ២០២៥

ដោយ

អ្នកបង្កើតមាតិកាកីឡានៅកម្ពុជាលោក សេង ភក្ដី ថាការមកចូលរួមទស្សនាការប្រកួតនានាពិសេសការប្រកួតធំៗច្រើនដូចជាការប្រកួតព្រះខ័នរាជស្វាយរៀងថ្ងៃនេះគឺបញ្ជាក់ពីការរីកចម្រើនលើវិស័យបាល់ទាត់នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេង ភក្ដី

លោក សេង ភក្ដី បានឲ្យដឹងថា ថ្ងៃនេះគឺលោកបានមកទស្សនាក៏ដូចជាគាំទ្រការប្រកួតរបស់ព្រះខ័នរាជស្វាយរៀងផងដែរ ព្រោះជាការប្រកួតធំ និងសំខាន់ចំពោះក្រុមតំណាងប្រទេសកម្ពុជាក្នុងពានរង្វាន់ AFC Challenge League។

ទិដ្ឋភាពអ្នកគាំទ្រ

អ្នកបង្កើតមាតាកីឡាល្បីឈ្មោះរូបនេះបន្ថែមទៀតថា លោកសប្បាយចិត្ត និងអរគុណជំនួសក្លឹបបាល់ទាត់ព្រះខ័នរាជស្វាយរៀងទៅដល់អ្នកគាំទ្រដែលតែងតែមកទស្សនាលើកទឹកចិត្តយ៉ាងច្រើនកន្លងមក។ ការមកគាំទ្រនៅពេលប្រកួតបែបនេះគឺពិតជាបានបញ្ជាក់ឲ្យគេឃើញថាសន្ទុះអ្នកគាំទ្រ និងភាពរីកចម្រើនលើវិស័យបាល់ទាត់នៅកម្ពុជាកាន់តែធំ និងច្រើនឡើងពីមួយឆ្នាំទៅមួយឆ្នាំ។

ទិដ្ឋភាពអ្នកគាំទ្រ

បញ្ជាក់ដែរថា ក្នុងការប្រកួតលើកទី២ របស់ក្លឹបបាល់ទាត់ព្រះខ័នរាជ្យស្វាយរៀងនៅបន្តិចទៀតនេះគឺលោក សេង ភក្ដី អ្នកបង្កើតមាតិកាកីឡាល្បីឈ្មោះនៅកម្ពុជាក៏បានមកចូលរួមទស្សនាលើកទឹកចិត្តផងដែរ។ ម៉ោង ៧យប់នេះក្រុមរបស់កម្ពុជាគឺព្រះខ័នរាជ្យស្វាយរៀងត្រូវប៉ះក្រុមមកពីឡាវ Ezra FC នៃវគ្គសន្សំពិន្ទុកពូល D ពានរង្វាន់ AFC Challenge League ៕