កីឡា

លោក ផាត សូដា មួយប្រកួតដែល វិសាល ឈ្នះថៃផ្អើលអ្នកចូលរួមសរសើរថាខ្មែរខ្លាំង

បានផុស

៨ ខែ មុន

នៅ

ថ្ងៃព្រហស្បតិ៍ ៣០ តុលា ២០២៥

ដោយ

លោក ផាត សូដា ដែលជាគ្រូជំនួយជម្រើសជាតិថ្នាល ដែលបានចូលរួមដឹកនាំសិស្សទៅប្រកួតក្នុងព្រឹត្តិការណ៍កីឡាយុវជនអាស៊ីថ្មីៗនេះថាការឈ្នះរបស់ ឆុង វិសាល លើកីឡាករថៃធ្វើឲ្យផ្អើលដល់បណ្ដាប្រទេសផ្សេងៗ និងសរសើរថាកីឡាករខ្មែរខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផាត សូដា

លោក ផាត សូដា បានឲ្យដឹងពេលមកដល់កម្ពុជាវិញថា រំលឹកទៅការឈ្នះរបស់ ឆុង វិសាល លើអ្នកប្រដាល់ថៃគឺអ្នកចូលរួមមានទាំងកីឡាករគ្រូបង្វឹកបណ្ដាប្រទេសផ្សេងៗមានការភ្ញាក់ផ្អើលដែលខ្មែរខ្លាំងរហូតអាចយកឈ្នះលើប្រទេសនេះបាន។ ម្នាក់ៗសរសើរកីឡាករខ្មែរខ្លាំង មានសមត្ថភាព និងពូកែ។

ក្រុមគុនខ្មែរឈ្នះមេដាយ

កីឡាករថៃ Chanthachaem Suphak ម្នាក់នេះគឺពុះកញ្ជ្រោលខ្លាំងចង់ឈ្នះខ្មែរនៅការប្រកួតនោះណាស់ស្របពេលត្រូវប៉ះដៃគ្នាសម្ដែងការគួរសមមុនចាប់ផ្ដើមប្រកួតក៏មិនគួរសមទៀតហើយថែមទាំងទាត់ វិសាល ភ្លាមៗពេលនោះទៀត។ យ៉ាងណាលោកដឹងថាប្រភេទកីឡាករដែលចង់ឈ្នះខ្លាំងបែបនេះគឺដឹងតែចូលវាយមករហូតហើយ ដូច្នេះត្រូវតែវាយតាមបច្ចេកទេសមូយៗ និងចេញអាវុធកាត់ឲ្យបានច្រើនរហូតអាចយកឈ្នះយ៉ាងល្អទៀតផង។

កីឡាករ សៅយ៉ាន់ វិសាល

រំលឹកទៅការប្រកួតបើកឆាកដំបូងរបស់ ឆុង វិសាល ឬ សៅយ៉ាន់ វិសាល នៃព្រឹត្តិការណ៍កីឡាយុវជុនអាស៊ី លើកទី៣ នៅបារ៉ែន គឺប៉ះកីឡាករថៃ Chanthachaem Suphak លើប្រភេទទម្ងន់ ៥៤គីឡូក្រាមដែលជាការប្រកួតចាញ់ធ្លាក់ៗ។ យ៉ាងណាការប្រកួតដ៏តានតឹងមួយនេះកូនប្រុសលោក សាន់ សៅយ៉ាន់ ខាងលើធ្វើបានល្អដោយយកឈ្នះពិន្ទុដាច់លើកីឡាករថៃ និងបន្តដំណើររហូតវគ្គផ្ដាច់ព្រ័ត្រទទួលបានមេដាយប្រាក់ក្នុងព្រឹត្តិការណ៍កម្រិតអាស៊ីមួយនេះ។ ក្រុមគុនខ្មែររកបានមេដាយរហូត ៣គ្រឿងជូនប្រទេសកម្ពុជា និងបានបញ្ចប់ភារកិច្ចវិលត្រឡប់មកដល់មាតុភូមិវិញហើយ៕