កីឡា
លោក បែ មករា សំណូមពរអ្នកគាំទ្រគោរពការសម្រេចចិត្តរបស់គ្រូ
ចាប់តាំងពីបញ្ជីឈ្មោះក្រុមបាល់ទាត់ជម្រើសជាតិកម្ពុជា ចេញកាលពីរសៀលថ្ងៃទី១០ ខែវិច្ឆិកា ឆ្នាំ ២០២៥ មក អ្នកគាំទ្រមួយចំនួនមិនពេញចិត្តនឹងការជ្រើសរើសកីឡាករមួយចំនួនក្នុងចំណោមកីឡាករ ២៣ នាក់ឡើយ។
អ្នកគាំទ្រខ្លះបានឡើងឡើងថា កីឡាករចំនួនដែលកំពុងល្អក្នុងរដូវកាលនេះ បែរជាគ្មានឈ្មោះ ប៉ុន្តែកីឡាករមួយចំនួនដែលមិនសូវលេចធ្លោនៅក្នុងរដូវកាលនេះបែរជាមានឈ្មោះទៅវិញ។ អ្នកខ្លះលើកឡើងទៀតថា ក្រុមខ្លះកំពុងល្អនៅលីគបាល់ទាត់កំពូលកម្ពុជាមានកីឡាករជាប់ជម្រើសជាតិតិច ឬគ្មានជាប់ក៏មាន។ ក្រៅពីរិះគន់លើការជ្រើសរើសកីឡាកររបស់គ្រូបង្គោលសញ្ជាតិជប៉ុន Koji Gyotoku អ្នកគាំទ្រក៏មិនចង់ឲ្យគ្រូបង្វឹករូបនេះដឹកនាំបន្ត ហើយចង់បានគ្រូផ្សេង។
នៅព្រឹកថ្ងៃទី១១ ខែវិច្ឆិកា ស្របពេលក្រុមបាល់ទាត់ជម្រើសជាតិកម្ពុជាកំពុងធ្វើដំណើរទៅទីក្រុងហុងកុង លោក បែ មករា អ្នកចាត់ការក្រុមបឹងកេត បានបង្ហាញទស្សនៈផ្ទាល់ខ្លួន និងសំណូមពរឲ្យអ្នកគាំទ្រគោរពចំពោះការសម្រេចចិត្តរបស់គ្រូបង្គោល ពីព្រោះនេះជាការទទួលខុសត្រូវរបស់គ្រូ។
លោកបានរៀបរាប់ថា ៖«ជាការពិតណាស់ការជ្រើសរើសកីឡាករ ជាសិទ្ធិនៃការសម្រេចចិត្តរបស់គ្រូបង្វឹក ព្រោះគាត់ជាអ្នកទទួលខុសត្រូវធំចំពោះលទ្ធផល។ អ្នកគាំទ្រ រួមទាំងខ្ញុំផងដែរក៏អាចបញ្ចេញទស្សនៈផ្ទាល់ខ្លួនចំពោះអ្វីដែលជាការគិតរាងៗខ្លួន ប៉ុន្តែសូមគោរពការសម្រេចចិត្តរបស់គ្រូ។ យើងទាំងអស់គ្នានៅពីក្រោយ និងគាំទ្រជម្រើសជាតិរបស់យើង»។
ក្នុងចំណោមកីឡាករ ២៣ នាក់គឺ ព្រះខ័នរាជស្វាយរៀង (៨នាក់) វិសាខា (៦នាក់) ភ្នំពេញក្រោន (២នាក់) ណាហ្គាវើលដ៍ (២នាក់) បឹងកេត (១នាក់) អាយអេសអាយ ដង្កោសែនជ័យ (១នាក់) ឡាយហ្វ ព្រះសីហនុ (១នាក់) ក្លិបថៃ PT Prachuap FC (១នាក់) និង ក្លិបឥណ្ឌូណេស៊ី Bhyangkara (១នាក់)។
កីឡាករខ្មែរ-អាមេរក Nick Taylor មកពីប្រទេសថៃ និងកីឡាករចូលសញ្ជាតិខ្មែរ Andres Neito មកពីប្រទេសឥណ្ឌូណេស៊ី ប៉ុន្តែខ្សែការពារចូលសញ្ជាតិខ្មែរ Takaki Ose នៅប្រទេសថៃមិនត្រូវបានកោះហៅទេ ទំនងជារបួសមិនទាន់ជាសះស្បើយ។
សុផល ឌីម៉ង់ និង សុះ ស៊ូហាណា ក៏ត្រូវត្រូវបានកោះហៅចូលជម្រើសជាតិវិញដែរ ខណៈកីឡាករ វ៉ាន វីត របស់ក្លិប ឡាយហ្វ ខេត្តព្រះសីហនុ ក៏មានឈ្មោះ។ ក្រៅពីនេះសុទ្ធតែជាកីឡាករដែលបានជាប់ឈ្មោះរហូតមក។ យ៉ាងណា ខ្សែការពារ សឿយ វិសាល មិនមានឈ្មោះទេ៕
អត្ថបទ៖ វីរបុត្រ
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម