កីឡា

ក្រុមកីឡាបាល់ទាត់លើតុកម្ពុជា ស៊ីហ្គេមនៅថៃនេះត្រូវទៅប្រកួតឯខេត្ត Chonburi ពីថ្ងៃទី៨ ដល់ ១៤ ធ្នូ

បានផុស

៧ ខែ មុន

នៅ

ថ្ងៃអង្គារ ២ ធ្នូ ២០២៥

ដោយ

ក្រុមកីឡាបាល់ទាត់លើតុកម្ពុជា នឹងត្រូវចេញដំណើរទៅចូលរួមការប្រកួតស៊ីហ្គេម លើកទី៣៣ នៅឯប្រទេសថៃនេះនៅថ្ងៃទី៨ ខែធ្នូ ឆ្នាំ២០២៥ នេះហើយដោយត្រូវប្រកួតនៅក្នុងខេត្ត Chounburi រហូតដល់ថ្ងៃទី១៤ ខែធ្នូ ទើបបញ្ចប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមកីឡាបាល់ទាត់លើតុ

នេះបើតាមការឲ្យដឹងពីលោកស្រី ងួន ច័ន្ទបូរមី គ្រូបង្វឹកជម្រើសជាតិកីឡាបាល់ទាត់លើតុ បានលើកឡើងថា សហព័ន្ធបញ្ជូនគ្រូបង្វឹក ២រូប កីឡាករ ៣រូប និងកីឡាការិនី ៣រូបដើម្បីចូលរួមប្រកួតប្រជែងមេដាយនៅព្រឹត្តិការណ៍ស៊ីហ្គេម លើកទី៣៣ នេះ។ ប្រភេទកីឡាបាល់ទាត់លើតុនេះនឹងត្រូវធ្វើដំណើរចេញទៅនៅថ្ងៃទី៨ ខែធ្នូ និងដំណើរការប្រកួតរហូតដល់ថ្ងៃទី១៤ ខែធ្នូ ២០២៥ នៅឯខេត្ត Chonburi ប្រទេសថៃ។

ក្រុមកីឡាបាល់ទាត់លើតុ

កីឡាករ កីឡាការិនីទាំង ៦រូបនេះនឹងត្រូវប្រកួតលើ ៥វិញ្ញាសារួមមាន៖

ទី១ វិញ្ញាសា ឯកត្តជនបុរស

ទី២ វិញ្ញាសា ឯកត្តជននារី

ទី៣ វិញ្ញាសា ទាត់គូបុរស

ទី៤ វិញ្ញាសា ទាត់គូនារី

ទី៥ វិញ្ញាសា ទាត់គូចម្រុះ

លោកស្រី ងួន ច័ន្ទបូរមី (រូបភាព NOCC)

បញ្ជាក់ដែរថា ស៊ីហ្គេម លើកទី៣៣ នៅឯប្រទេសថៃនេះនឹងចាប់ផ្ដើមជាផ្លូវការពីថ្ងៃទី៩ ដល់ ២០ ខែធ្នូ ឆ្នាំ២០២៥។ ចំពោះកម្ពុជានឹងបញ្ជូន ១២ប្រភេទកីឡារួមមាន កីឡាហែលទឹក កីឡាអត្តពលកម្ម កីឡាអេឡិចត្រូនិក កីឡាគុនដាវ កីឡាកាយសម្ព័ន្ធ កីឡាជឺជីតស៊ូ កីឡាឃីតបុកស៊ីង កីឡាតេក្វាន់ដូ-WT កីឡាជិះសេះ កីឡាម៉ូតូទឹក (Jetski) កីឡាទ្រីយ៉ាត្លុង និងកីឡាបាល់ទាត់លើតុ៕