កីឡា

ខ្មែរជួយខ្មែរ កីឡាករ សែន រ៉ាដេត ប្រកាសទទួលជំនួយនៅទីតាំងក្លឹបផ្ទាល់ពីមហាជនដើម្បីជួយកងទ័ព និងជនភៀសសឹក

បានផុស

៧ ខែ មុន

នៅ

ថ្ងៃសុក្រ ១២ ធ្នូ ២០២៥

ដោយ

កីឡាករ សែន រ៉ដេត លើកឡើងថាខ្មែរជួយខ្មែរ ប្រកាសទទួលជំនួយពីសប្បុរសជននានាពិសេសអ្នករស់នៅក្បែរក្លឹបប្រដាល់គុនខ្មែរដែនសមុទ្រ ឯភូមិត្រពាំងស្វាយ ឃុំក្រាំងម្កាក់ អាចយកជំនួយទៅបរិច្ចាគនៅទីនោះបានដោយមានរូបគេរួមទាំងសិស្សគុននៅរង់ចាំទទួល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងទទួលជំនួយបរិច្ចាគរបស់ សែន រ៉ាដេត

អ្នកលេងគុនខ្មែរ សែន រ៉ាដេត បានប្រកាសនៅថ្ងៃនេះថា ក្លឹបប្រដាល់គុនខ្មែរដែនសមុទ្រដែលមានទីតាំងនៅម្ដុំភូមិត្រពាំងស្វាយ ឃុំក្រាំងម្កាក់ ស្រុកអង្គស្នូល ឬអ្នកធ្វើដំណើរកាត់ហ្នឹងដែលមានបំណងចង់ចូលរួមបរិច្ចាគសម្ភារ គ្រឿងឧបភោគបរិភោគផ្សេងៗដល់វីរកងទ័ព និងជនភៀសសឹកអាចយកមកបរិច្ចាគនៅទីនោះបាន។

ជនភៀសសឹក

រ៉ាដេត លើកឡើងទៀតថា នេះជាការរួមចំណែករបស់ក្លឹបក៏ដូចជារូបគេ និងសិស្សៗផង និងជាការជួយសម្រួលដល់ប្រជាពលរដ្ឋដែលមានបំណង់ចង់បរិច្ចាគផ្សេងៗឲ្យកាន់តែងាយស្រួលដោយមិនចាំបាច់ឡើងទៅដល់ភ្នំពេញ។ ចំពោះសម្ភារ គ្រឿងឧបភោគបរិភោគផ្សេងៗដែលបានយកមកបរិច្ចាគតាមរយៈខ្លួននេះនឹងដឹកយកទៅប្រគល់នៅកន្លែងទទួលធំឯបឹងកក់ រាជធានីភ្នំពេញ ឬអាចយកទៅព្រំដែនផ្ទាល់តែម្ដង។

រូបភាពវីរកងទ័ព

បញ្ជាក់ដែរថា បន្ទាប់ពីរងការឈ្លានពានពីសំណាក់ប្រទេសសៀមមកលើកម្ពុជាតាំងពីថ្ងៃទី៧ ខែធ្នូ ឆ្នាំ២០២៥ ប៉ុន្មានថ្ងៃមកនេះគេឃើញប្រជាពលរដ្ឋខ្មែរទូទាំងប្រទេសមានការសាមគ្គីគ្នាជាខ្លាំង និងមានចលនាកៀងគររកជំនួយសប្បុរសធម៌ជាច្រើន។ ជាមួយគ្នានេះដែរមិនថាប្រជាពលរដ្ឋ អ្នកជំនួញ ឬផ្នែកកីឡានោះទេគឺមានភាពសកម្មតែម្ដងក្នុងការស្វែងរកជំនួយដើម្បីជួយផ្គត់ផ្គងដល់វីរកងទ័ពដែលកំពុងច្បាំង និងជនភៀសសឹកតាមបណ្ដោយព្រំដែន៕