កីឡា

កីឡាករឥណ្ឌូណេស៊ី Amin សមត្ថភាពម៉ាត់ផ្ដាច់ល្អ ប៉ុន្តែអាចនឹងដាក់ឲ្យលេងខុសតួនាទីនៅក្រុមបាល់ទះខេត្តព្រៃវែង

បានផុស

៥ ខែ មុន

នៅ

ថ្ងៃពុធ ១១ កុម្ភៈ ២០២៦

ដោយ

កីឡាករឥណ្ឌូណេស៊ី SANDI AKBAR AMIN KURNIA បង្ហាញសមត្ថភាពម៉ាត់ផ្ដាច់បានល្អ និងវាយសេវាក៏ល្អដូចគ្នា ប៉ុន្តែលោក សាន សុក្រិត ថាក្រុមបាល់ទះស្នងការ ន.ប ខេត្តព្រៃវែង ដាក់រូបគេឲ្យលេងខុសតួនាទីបន្តិចនេះបើតាមការប៉ះគ្នាកន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ AMIN ពាក់អាវលេខ ២៧

លោក សាន សុក្រិត អតីតគ្រូបាល់ទះចាស់វស្សា និងជាអ្នកប៉ះសេឲ្យក្រុមស្នងការ ន.ប ខេត្តឧត្តរមានជ័យ បានឲ្យដឹងថា ចំពោះសមត្ថភាពកីឡាករឥណ្ឌូណេស៊ី SANDI AKBAR AMIN KURNIA សមត្ថភាពល្អនៅប្រទេសឥណ្ឌូណេស៊ី ប៉ុន្តែមកកម្ពុជាដាក់លេងតំណែងស្មាត់រៀងឆ្គងបន្តិច។

លោក សាន សុក្រិត

គ្រូបង្វឹកចាស់វស្សារូបនេះបន្ថែមទៀតថា ការម៉ាត់ផ្ដាច់របស់ Amin គឺច្បាស់ល្អ និងការវាយសេវាក៏ល្អដូចគ្នាដែរ។ យ៉ាងណាការដាក់ឲ្យរូបគេលេងតួនាទីស្មាត់ និងឈរចាប់សេវាបែបនេះមិនសូវជាបានល្អនោះទេ ដោយសារតែជំហរឆ្គងផង រួមទាំងជ្រាយសេវាទៀត។ តាមការគិតរបស់លោកប្រសិនបើដាក់ឲ្យរូបគេវាយបាល់ ៣ម៉ែត្រក្រោយដូចមុនគឺច្បាស់ជារឹតតែល្អថែមទៀត។ ការប៉ះគ្នាកន្លងទៅនេះលោកមើលឃើញកីឡាករឥណ្ឌូណេស៊ីរូបនេះចាប់សេវាមិនសូនបានល្អទេ ស្របពេលលោកប្រាប់ឲ្យកូនក្រុមវាយសេវាបុកបន្ថែមក៏ឃើញថារូបគេជ្រាយសេវាមែន។

លោក សាន សុក្រិត

បញ្ជាក់ដែរថា កីឡាករ AMIN និង VIKO ជាកីឡាករចំណូលថ្មីជនជាតិឥណ្ឌូណេស៊ីរបស់ក្រុមបាល់ទះស្នងការ ន.ប ខេត្តព្រៃវែង ដែលបានយកមកជួយក្រុមប្រកួតប្រជែងពានរង្វាន់សម្ដេច ក្រឡាហោម លើកទី៤ ដែលកំពុងដំណើរការវគ្គជម្រុះក្នុងពូលនៅពេលនេះ។ ក្រុមស្នងការ ន.ប ខេត្តព្រៃវែង បានយកឈ្នះលើក្រុមស្នងការ ន.ប ខេត្តឧត្តរមានជ័យ ៣-១ កាលថ្ងៃទី៩ ខែកុម្ភៈ ឆ្នាំ២០២៦ ៕

អត្ថបទដោយ៖ នួន ស៊ីណា