កីឡា

ការប្រមូលផ្ដុំក្រុមជម្រើសជាតិឆ្នាំ២០២៦ ឈុតធំមានរយៈពេល ៧ខែ និងថ្នាលរយៈពេល ៩ខែ នៅ ៣ទីតាំងធំៗ

បានផុស

៤ ខែ មុន

នៅ

ថ្ងៃពុធ ២៥ មីនា ២០២៦

ដោយ

ការប្រកួតប្រមូលផ្ដុំក្រុមជម្រើសជាតិនឹងចាប់ផ្ដើមពីថ្ងៃទី១ ខែមេសា ឆ្នាំ២០២៦ នេះហើយដោយក្នុងនោះឈុតធំមានរយៈពេល ៧ខែ និងថ្នាលមានរយៈពេល ៩ខែ ដើម្បីត្រៀមការប្រកួតតំណាងជាតិនៅព្រឹត្តិការណ៍សំខាន់ៗជាច្រើននាពេលខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យាន គីស៊ីវត្ថា

លោក យាន គីស៊ីវត្ថា ប្រធានមជ្ឈមណ្ឌលជាតិហ្វឹកហ្វឺនកីឡា បានឲ្យដឹងថា តាមផែនការនៃការប្រមូលផ្ដុំគឺមាន ៤០ប្រភេទកីឡា និងបូក ១ប្រភេទកីឡាជនពិការ។ ការប្រមូលផ្ដុំនេះនឹងធ្វើឡើងនៅ ៣ទីតាំងធំៗគឺមជ្ឈមណ្ឌលជាតិហ្វឹកហ្វឺនកីឡា នៅពហុកីឡដ្ឋានមរតកតេជោ និងនៅតាមសហព័ន្ធកីឡាជាតិមួយចំនួន។

រូបភាពតំណាង

ចំពោះការប្រមូលផ្ដុំនេះគឺក្រុមឈុតធំមានរយៈពេល ៧ខែ និងក្រុមថ្នាលមានរយៈពេល ៩ខែទៅតាមទីកន្លែងដែលបានកំណត់រួចរាល់ នៃប្រភេទកីឡានិមួយៗនោះ។ ការប្រមូលផ្ដុំនេះគឺដើម្បីត្រៀមចូលរួមការប្រកួតសំខាន់ៗតំណាងកម្ពុជាដូចជាព្រឹត្តិការណ៍ Beach Games នៅប្រទេសចិន កីឡា Asian Games នៅប្រទេសជប៉ុន និងត្រៀមការប្រកួតជាច្រើនទៀងផងដែរ។

រូបភាពតំណាង

បញ្ជាក់ដែរថា ការប្រមូលផ្ដុំហ្វឹកហាត់របស់ជម្រើសជាតិប្រចាំឆ្នាំ២០២៦ នេះនឹងធ្វើឡើងចាប់ពីថ្ងៃទី១ ខែមេសា តទៅនៅលើ ៤០ប្រភេទកីឡា និងបូក ១ប្រភេទកីឡាជនពិការដែលសរុបមានជាង ៦០០នាក់ឯណោះ។ ការហូបចុកស្នាក់នៅទទួលបន្ទុកដោយក្រសួងអប់រំ យុវជន និងកីឡា៕

អត្ថបទដោយ៖ នួន ស៊ីណា