Connect with us

កីឡា

ជំនួបភ្នំពេញក្រោន និងវិសាខា ស្អែកត្រូវលើកពេល ដើម្បីគោរពវិញ្ញាណក្ខន្ធ ទេស សម្បត្តិ

បានផុស

នៅ

ក្លិបភ្នំពេញក្រោន បានប្រកាសជាផ្លូវការអំពីការលើកពេលប្រកួតទល់នឹងក្រុម វិសាខា នៅក្នុងការប្រកួត ជើង​ទី​១ វគ្គពាក់កណ្តាលផ្តាច់ព្រ័ត្រពានរង្វាន់ សម្តេចអគ្គមហាសេនាបតីតេជោ ហ៊ុន សែន (Hun Sen Cup) ថ្ងៃទី ២៣ ខែ មេសា ស្អែកនេះ ដើម្បីជាការគោរពដល់ដួងវិញ្ញាណក្ខន្ធ​កីឡាករ ទេស សម្បត្តិ។

ទេស សម្បត្តិ
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងនឹងការលើកពេលនេះ ក្លិបភ្នំពេញក្រោន បានចេញសេចក្តីថ្លែងការណ៍ថា៖ «បន្ទាប់ពីបានទទួលដំណឹងអំពីការបាត់បង់ធនធានកីឡាករដ៏ល្អសម្រាប់ក្លិបបាល់ទាត់វិសាខាគឺកីឡាករ ទេស សម្បត្តិ យើងខ្ញុំទាំងអស់គ្នាពិតជាមានភាពតក់ស្លុតជាខ្លាំងនិងសូមចូលរួមរំលែកទុក្ខដ៏ក្រៀមក្រំជាមួយក្រុមគ្រួសារ និងញាតិមិត្តនៃសព។ នៅក្នុងស្ថានភាពដ៏សោកសៅនេះ យើងខ្ញុំសូមជម្រាបជូនសាធារណជនមេត្តាជ្រាបថា សម្រាប់ការប្រកួតរវាងក្រុមភ្នំពេញក្រោន និងវិសាខា ដែលគ្រោងនឹងធ្វើឡើងនៅថ្ងៃពុធ ទី២៣ ខែមេសានេះ នឹងត្រូវលើកពេលប្រកួតទៅថ្ងៃពុធ ទី៣០ ខែមេសា ឆ្នាំ២០២៥ ខាងមុខវិញ»។

ដូចដែលអ្នកគាំទ្រទាំងអស់បានជ្រាបហើយ ថាកាលពីថ្ងៃទី ២១ ខែ មេសា ម្សិលមិញ បាល់ទាត់កម្ពុជាទាំងមូល រួមទាំងគ្រួសាររបស់ ទេស សម្បត្តិ និងក្លិបវិសាខា បានជួបទុក្ខដ៏ក្រៀមក្រំ បន្ទាប់ពីកីឡាកររូបនេះ ដែលជាធនធានកីឡាករបាល់ទាត់ដ៏ល្អរបស់ កម្ពុជា បានទទួលមរណភាព ដោយសារគ្រោះថ្នាក់ចរាចរណ៍។

យ៉ាងណា ដើម្បីជាការចូលរួមរំលែកទុក្ខ និងគោរពវិញ្ញាណក្ខន្ធដល់ទេស សម្បត្តិ ភាគីក្លិបទាំង ២ បានឯកភាពគ្នាលើកពេលការប្រកួតថ្ងៃស្អែកនេះ និងប្តូរទៅប្រកួតនៅថ្ងៃទី ៣០ ខែ មេសា ជំនួសវិញ៕

ការប្រកាសលើកពេលប្រកួត

អត្ថបទ៖ សេម កុសល

Helistar Cambodia - Helicopter Charter Services
Sokimex Investment Group
កីឡា១៧ នាទីutes មុន

ប្រវត្តិ​គ្រូ​សញ្ជាតិ​អង់គ្លេស លោក Gérard Jones មុន​ពេល​​ចូល​ដឹក​នាំ​ក្លិប​ វិសាខា

ព័ត៌មានជាតិ២៣ នាទីutes មុន

រដ្ឋមន្ត្រីមហាផ្ទៃ ប្ដេជ្ញាមិនឱ្យកម្ពុជាធ្លាក់ចូលបញ្ជីប្រផេះជាថ្មីឡើយពាក់ព័ន្ធអំពើសម្អាតប្រាក់

កីឡា៣០ នាទីutes មុន

លោក Oleg ស្ទើរ​តែ​មិន​ជឿ​​ ភ្នំពេញ​ក្រោន ឈ្នះ​ពាន​​សម្តេច​តេជោ ហ៊ុន សែន

ព័ត៌មានអន្ដរជាតិ៣៦ នាទីutes មុន

វៀតណាមទិញយន្តហោះ Airbus ២០ គ្រឿង ជាផ្នែកមួយនៃកិច្ចព្រមព្រៀង ១០ ប៊ីលានដុល្លារ ជាមួយបារាំង​

កីឡា៤៧ នាទីutes មុន

គ្រូ​ឆ្នើម​ ពេជ្រ​​ សុផាន់​ មើល​ដៃគូនៅ​អាមេរិក​លើក​នេះ​ប្រសិន​បើ​វាយ​នៅ​ខ្មែរ​គឺ​ស៊ូ​ជា​មួយ សម្បត្តិ​ មិន​បាន​ទេ​

Sokha Hotels

ព័ត៌មានពេញនិយម