កីឡា

ថិប កាសាន់ទ្រីនីកូល កំពុងហ្វឹកហាត់យ៉ាងសកម្មទាំងថ្ងៃទាំងយប់ មុនចេញទៅប្រកួតវគ្គជម្រុះនៅហ្ស៊កដង់

បានផុស

៥ years មុន

នៅ

ថ្ងៃសុក្រ ៧ ឧសភា ២០២១

ដោយ

កីឡាការិនីតេក្វាន់ដូកម្ពុជា ថិប កាសាន់ទ្រីនីកូល “Casandre Tubbs” បានត្រៀមខ្លួនរួចជាស្រេចសម្រាប់ការប្រកួតវគ្គជម្រុះកីឡាតេក្វាន់ដូ WT នៃព្រឹត្តិការណ៍ប្រកួតជម្រុះកីឡាអូឡាំពិកតូក្យូទ្វីបអាស៊ី “Asian qualification Tournament for Tokyo 2020 Olympic Game ” នៅប្រទេសហ្ស៊កដង់នាខែឧសភា ដើម្បីឡើងទៅប្រកួតកីឡាអូឡាំពិកនាខែកក្កដានៅប្រទេសជប៉ុន ដោយរូបនាងខិតខំប្រឹងប្រែងហ្វឹកហាត់យ៉ាងខ្លាំងក្លាទាំងថ្ងៃទាំងយប់ ឥតឈប់ឈរជាមួយឪពុកនាងជាគ្រូបង្វឹកនិងកីឡាករតេក្វាន់ដូល្បីៗនៅសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជ្រិន សុធា អគ្គលេខាធិការខេមរសហ ព័ន្ធកីឡាតេក្វាន់ដូ WT តំណាងឲ្យលោកបណ្ឌិត សភាចារ្យ ហង់ ជួនណារ៉ុនរដ្ឋមន្ត្រី ក្រសួងអប់រំ យុវជន និងកីឡា និងជាប្រធានខេមរសហព័ន្ធកីឡាតេក្វាន់ដូWT បានមានប្រសាសន៍ឲ្យដឹងថា កីឡាការិនី ថិប កាសាន់ទ្រីនីកូល បានត្រៀមរួច រាល់សម្រាប់ការប្រកួតវគ្គជម្រុះតេក្វាន់ដូអូឡាំពិកអាស៊ីឆ្នាំ២០២១ នាពាក់កណ្តាលខែឧសភា នៅហ្សកដង់ប្រទេសហ្សកដានីឡើងទៅការប្រកួតកីឡាអូឡាំពិក នៅប្រទេសជប៉ុន។

កីឡាការិនីរូបនេះ ស្ថិតនៅក្រោមការបណ្តុះបណ្តាលយ៉ាងស្វិតស្វាញជាមួយគ្រូបង្វឹកដ៏ល្បីល្បាញម្នាក់ និងឪពុករបស់នាង គឺលោក Greg Tubbs ដែលមានបទពិសោធន៍យ៉ាង ច្រើនក្នុងការបណ្តុះបណ្តាលអត្តពលិកតេក្វាន់ដូអាមេរិក ដែលទទួលបានជោគជ័យជាច្រើន។

លោកបានបន្តថា កម្ពុជាបញ្ជូនគ្រូបង្វឹក និង កីឡាករ-កីឡាការិនីចំនួន៤នាក់ ការប្រកួតវគ្គជម្រុះកីឡាតេក្វាន់ដូ WTខាងលើនេះ រួមមានលោក ឆយ យ៉ុងសុក ជាគ្រូបង្វឹក លោកគ្រូ Tubbs Gregory Allan ជាគ្រូជំនួយ ចំណែកកីឡាការិនី ថិប កាសាន់ទ្រីនីកូល កូនខ្មែររស់នៅសហរដ្ឋអាមេរិកប្រកួតក្នុងប្រភេទទម្ងន់ក្រោម ៥៧គីឡូក្រាម និងកីឡាករ វ៉ា មិថុនា ប្រកួតក្នុងប្រភេទទម្ងន់ក្រោម៨០គីឡូក្រាម៕

អត្ថបទ៖ វិសិទ្ធ

សូមចុចអាន៖ សហព័ន្ធកីឡាលើកទម្ងន់អន្តរជាតិ បានឧបត្ថម្ភឧបករណ៍ហ្វឹកហាត់តម្លៃ៦ពាន់ដុល្លារដល់សហព័ន្ធកីឡាលើកទម្ងន់កម្ពុជា

Related Topics:កីឡាតេក្វាន់ដូ