កីឡា

សិក្ខាកាមកីឡាកាយសម្ព័ន្ធ១០រូប ទទួលបាននិទ្ទេសល្អ ក្នុងវគ្គបណ្ដុះបណ្ដាលបច្ចេកទេសគ្រូបង្វឹកកម្រិត១

បានផុស

៦ years មុន

នៅ

ថ្ងៃសុក្រ ១៣ វិច្ឆិកា ២០២០

ដោយ

វគ្គបណ្ដុះបណ្ដាលគ្រូបង្វឹកកាយសម្ព័ន្ធកម្រិត១ (Level 1 Class P-1 and Class P-2) ដែលបានធ្វើ ឡើងនៅខេត្តកំពង់ឆ្នាំងពីថ្ងៃទី៨មកនោះ បានបញ្ចប់ហើយកាលពីព្រលប់ថ្ងៃទី១២ វិច្ឆិកា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វគ្គនេះមានសិក្ខាកាមចូលរួមចំនួន ២២រូប ក្នុងនោះមាន៦រូបជានារី ដែលមកពីរាជធានីភ្នំពេញចំនួន៤រូប ខេត្តកំពង់ ឆ្នាំងចំនួន១៣រូប ខេត្តក្រចេះចំនួន៤រូប និងខេត្តកំពង់ចាមចំនួន១រូប។ ជាវគ្គមួយ ដែលបើកឡើងដោយចំណាយថវិការបស់ ក្រសួងអប់រំយុវជន និង កីឡា សម្រាប់ការបណ្ដុះបណ្ដាលធនធានមនុស្ស ។

វគ្គនេះ ឧទ្ទេសនាមដោយលោកណយ ផាណា ដែលជាអគ្គលេខាធិការសហព័ន្ធនិងគ្រូជំនួយ គឺលោក សោ សុផេង ដែលជាគ្រូជំនាញរបស់សហព័ន្ធកីឡាកាយសម្ព័ន្ធកម្ពុជា ដែលមានកម្រិតបច្ចេកទេស FIG Academy Level-1 and Level-2in Artistic and Aero bic Gymnastic។

វគ្គនេះ គឺសិក្សាលម្អិតទាំងទ្រឹស្ដី នៃការបង្ហាត់ ព្រមទាំងការអនុវត្តន៍លើទីលានដោយឆ្លងកាត់ការប្រឡងទាំងទ្រឹស្ដី និង ការអនុវត្តន៍លើទីលានផ្ទាល់តែម្ដង។ វគ្គនេះធ្វើឡើងក្នុងបំណងផ្ដល់ជំនាញមួយច្បាស់លាស់ដល់គ្រូបង្វឹក មន្ត្រីបច្ចេក ទេសឲ្យមានជំនាញច្បាស់លាស់ ដើម្បីឆ្ពោះទៅរកភាពជោគជ័យ នៅក្នុងការប្រកួតកីឡាជាតិនាពេលខាងមុខ និង ការត្រៀមខ្លួនធ្វើជាម្ចាស់ផ្ទះស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះនោះ។ តាមរយៈការធ្វើតេស្ដនោះ ក្នុងចំណោមសិក្ខាកាមចំនួន២២រូប មាន១០រូបបានទទួលនិទ្ទេសល្អ ៨រូបបានទទួលនិទ្ទេសល្អបង្គួរ និង៤រូបបានទទួលនិទ្ទេសមធ្យម។

លោក ណយ ផាណា ក្នុងឋានៈជាអគ្គលេខាធិការសហព័ន្ធ និង ជាអ្នកគ្រប់គ្រងវគ្គនោះ បានបង្ហាញពីឆន្ទៈបើកវគ្គបណ្ដុះបណ្ដាល បច្ចេកទេសគ្រូជំនាញ ធ្វើសិក្ខា សាលា ឬ កម្មវិធីបោះជម្រំ(Training Cump)ឲ្យបានញឹកញាប់រៀងរាលឆ្នាំ ដើម្បីលើកកម្ពស់ជំរុញគុណផលកីឡាកាយសម្ព័ន្ធកាន់តែមានសក្ដានុពល៕

អត្ថបទ៖ វិសិទ្ធ

សូមចុចអាន៖ សិក្ខាកាមកីឡាឡើងភ្នំ ទទួលលទ្ធផលល្អ ក្រោយបញ្ចប់វគ្គបណ្តុះបណ្តាល

Related Topics:កីឡា